﻿
	
ISISEKELO SIKARHULUMENDE ESIHLANGENEKO SOKUTJHEJA I-HIV KUNYE NE-AIDS

Kubayini kubesisekelo?

Isisekelo lesi sathuthukiswa Mnyango weemFunda naboRhulumende bemaKhaya (The DPLG) kobana kuyeleliswe abomasipala kunye nalabo abazibandakanyileko ekutheni kungenziwani kobana kubonelelwe ukuthuthukiswa nokuzibophelela kukarhulumende wekhaya mayelana ne HIV Ne AIDS.  Kunokuhlangana phakathi kokubhebhetheka kwe HIV kunye nobujamo bokungathuthuki, indlala, imali-ngeniso nokungalingani kobulili. Kufaka, amaphilo kunye nomthelela wezehlalakuhle kwezomnotho okumayelana ne HIV ne AIDS, nakho kusiyakukhula ebujameni bendlala nekudinyweni amathuba. I-HiV ne AIDS inomthelela omkhulu ekuphatheni kukarhulumende mayelana nezepolotiki neenhlangano eziphetheko kibomasipala begodu ingaba nomthelela omumbi emisebenzini kaMasipala yokuthuthukisa umphakathi njengokunikela amanzi ahlwengileko, iinsetjenziswa zokuphumela ezihle, igezi, izindlu njll njll ngendlela edzimeleleko.

Isisekelo sihlathulula umsebenzi karhulumende wekhaya mayelana ne HIV ne AIDS godu:
● Siveza kuhle umthetho-mgomo wehlelo leensetjenziswa eziqakathekileko zikarhulumende wekhaya zokutjheja I -HIV ne AIDS
● Sihlathulula kobana kungenziwa njani i-HIV ne AIDS zifakwe ehlelweni lokuthuthukisa elihlanganisiweko (IDP)
● Siveza kuhle indima yomunye nomumye umkhakha, kiyo yoke imikhakha karhulumende, kobana imikhakha ingadlalla indima yokusekelana  kutjhejwe i-HIV ne AIDS
● Siveza kuhle ihlelo lenarha lokusekela abomasipala mayelana nokwazi nokwenza isisekelo sisebenze eendaweni zemakhaya.

Imithetho-lawulo Emhlahlandlela

1. Ukukhambisana Nomthetho: Yenza Isiqiniseko sokobana boke abomasipala bazwisisa bebazalisa iimfuneko zomthetho-sisekelo nomthetho mayelana ne HIV AIDS bebenze amahlelo wombuso nokuthuthukisa kusebenze
2. Ukufumana Iinsetjenziswa ngokuLingana: Thuthukisa ukusabalalisa ngokuzeleko kweensetjenziswa nokwenza kobana kube nezidlu ezaneleko neensetjenziswa zokuphumela, ukufumana ukudla, ivikeleko kunye namanzi negezi, iindlela ezihle  kunye neenthuthi
3. Ukulingana: Yenza isiqiniseko sokusabalalisa ngokulingana kweensetjenziswa ngokungabandlululi abantu abaphethwe mulwana we HIV ne AIDS kunye nalabo abanganawo umulwana weHIV ne AIDS.
4. Ukuba Majadu: Fumana indlela ehlukileko emayelana nokubonelela kwagadesi, zakhele amaphuzu aqinileko nendlela elula yokubonelela iindingo zemakhaya. 
5. Umngomo: Sekela ngendlela ekhuthazako ngasosoke isikhathi
6.  Ukubandulwa nobudosi phambili: Khuthaza bewuthuthukise amakghono afaneleko phakathi kwazo zoke iinhlangano ezizibandakanyileko kobana zenze imisebenzi yazo emayelana neselele ye HIV ne AIDS.
7. Itjhebiswano: khgonakalisa ukuthintana nokukhulumisana kweeenhlangano ezisibandakanyileko, ukukhuthaza itjhebiswano lokuthuthukisa ukuhlela ekuzakwenzeka kiyo yoke imikhakha karhulumende, eenhlanganweni zomphakathi, imikhakha yangeqadi kunye neenhlangano ezithuthukisa isitjhaba.
8. Indlela YamaLungelo WoBuntu: Thuthukisa ukuvikelwa kwamalungelo wobuntu nesithunzi sabantu abanomulwane weHIV.

Ngubani Ekufanele asebenzise Isisekelo?

Isisekelo sithathwa njengomthombo wawo woke amakhansela neemphathiswa ezikhona kibo Masipala, iinhlangano nabantu abazibandakanyileko kiyo yoke imikhakha ebathintana nebasekela urhulumende wekhaya, kufaka hlangana urhulumende wesiFunda norhulumende oPhakathi, ihlangano yaborhulumende bekhaya yeSewula Afrika,(SALGA) SANC iinhlangano zomphakathi kunye neenhlangano ezisekela ngeemali.

Ukuthoma ukusebenza kwesisekelo kufuna indlela yetjhebiswano kobana kwenziwe ukuthuthukiswa, ukuhlela nokukhgoneka kokusebenza. Abalingani kufaka hlangana iminyango karhulumende omkhulu noweemfunda, amabubulo wangeqadi, iinqhema ezinerhuluphelo, NGO’s CBO’s, FBO’s, Abarholi bendabuko, iinhlangano zikarhulumende, iinhlangano zerhubhululo.

Indima edlalwa boMasipala beeNgodi nebemaKhaya
Indima yabomasipala ekutjhejeni ihlelo le I-HIV ne AIDS lisebenze liyahluka kunehlelo lomenzi, lomkhgonakalisi/mlawuli, umkhgonakalisi nomhlanganisi








Isisekelo godu sikhombisa kobana abomasipala bangazuza njani ngokubonakalisa indima engadlalwa ngeminye imikhakha yomnyango mayelana nokutjheja ubulwelwe lobu.

Simema yoke iminyango karhulumrnde, iinhlangano zomphakathi, iinhlangano ezisekela ngeemali, neenhlangano ezingazibandakanya kobana zibambisane ne dplg etjhebiswaneni nobomasipala ekuphunguleni imithelela ye HIV ne AIDS emakhaya

Ilwazi elinabileko
				 
Ukufumana ikhophi Yesisekelo, namkha ilwazi elizekeko, thintana no:
Ms Nombulelo Msikinya
Ekorweni yezokuLingana nokuThuthuka, dplg
Umtato: 012 336 56 22 
Email: Nombulelom@dplg.gov.za
				dplg Umkhozakho ekusebenzeleni umphakathi



1


