Isibawo sokuvuselelwa kwelayisense yokuba nesigidi



                              Siyakutlhogomela    Singebalapha    
Siyakusebenzela


                              Ilwazi lombuso | www.gov.za  

                                 Imisebenzi eyenzelwa abantuImisebenzi 
                                yeenhlanganoImisebenzi eyenzelwa amaphandle
                                 




                                 Khetha ilimi   AfrikaansEnglish 
                                NdebeleSepediSiswatiSesothoSetswanaTsongaVendaXhosaZulu

                                Isibawo selayisense yesigidi etja
                                Isibawo sokuvuselelwa kwelayisense yokuba 
                                nesigidi


                                Ongakhetha kikho
                                 Gadangisa ikhaseli
                                 Thumela ikhaseli nge-e-mail
                                 Faka kokuthandako
                                 Yenza njengekhasi lekhaya




                                Ngewebhsayithi |Thintana nathi |Umebhe wesayithi

                                 >  Ekhaya   >  Imisebenzi eyenzelwa abantu   >  
                                Ukusebenza ngomthetho   >  Iingidi    



                                    

                                Isibawo sokuvuselelwa kwelayisense yokuba 
                                nesigidi    

                                Ihlathululo | Amagadango okufanele alandelwe | 
                                Imithetho esetjenziswako | Amazinga wokusebenza 
                                nesikhathi | Iindleko | Amaforomo azaliswako | 
                                Imininingwana yokuthintana


                                Ihlathululo
                                UmThetho wokuLawulwa kweeNgidi ka-2000 uhlose 
                                ukuqinisekisa bona umuntu unekghono lokuba 
                                nesigidi.
                                Nawufuna ilwazi elinabileko, yiya ku-website 
                                yemiSebenzi yesiPholisa seSewula Afrika (i-South 
                                African Police Service (SAPS).
                                [Top]
                                Amagadango okufanele alandelwe
                                Kufanele uphumelele kuhle ukuhlolwa okubekiweko 
                                ukutjengisa ilwazi lakho lomThetho emnikelini 
                                webandulo ovunyelweko. Nawufumana isitifikhethi 
                                sebandulo esibuya emnikelini webandulo 
                                ovunyelweko namkha kwa-SASSETA (i-SETA 
                                yezokuPhepha nokuVikeleka) (Safety and Security 
                                SETA), yenza isibawo sesitifikhethi sekghono 
                                kwa-South African Police Service.
                                Ungenza isibawo kanye kanye isibawo 
                                sokuvuselelwa kwe(ama)layisense ahlukeneko 
                                weengidi akhona. Iinkhathi zokuvuselela 
                                ezilandelako, ngokuya kwamalanga wamabeletho 
                                ziyasebenza:
                                Ilanga lamabelethoIsikhathi sokuvuselela
                                1 Janabari ukufika ku 31 Matjhi1 Janabari 2005 
                                ukufika ku 31 Matjhi 2006
                                1 Apreli ukufika ku 30 Juni1 Janabari 2006 
                                ukufika ku 31 Matjhi 2007
                                1 Julayi ukufika ku 30 Septemba1 Janabari 2007 
                                ukufika ku 31 Matjhi 2008
                                1 Oktoba ukufika ku 31 Disemba1 Janabari 2008 
                                ukufika ku 31 Matjhi 2009



                                Khamba nemitlolo elandelako eSiphathisweni 
                                esiFaneleko seeNgidi (Designated Firearms 
                                Officer (DFO) estetjhini samapholisa esiseduze 
                                nalapho uhlala khona:

                                Incwadi yokuzazisa yangokomthetho
                                Ilayisense yamambala yelayisense/amalayisense, 
                                imvumo namkha isigunyaziso sesigidi ofisa 
                                ukusivuselela
                                Isitifikhethi samambala sebandulo esifunyenwe 
                                emnikelini webandulo ovunyelweko
                                Isitifikhethi sekghono samambala (nayikuthi sele 
                                sikhona)
                                Iinthombe ezine zephaspoti ezingakasitheki 
                                zombala, ezingasi zidala ukudlula iinyanga 
                                ezintathu (iinthombe ezimbili zifuneka kiwo woke 
                                amalayisense weengidi ofisa ukuwavuselela kuthi 
                                ezimbili kube ngezesibawo sesitifikhethi 
                                sokukghona ukusebenzisa isigidi).
                                Zalisa iingaba ezifaneleko zamaforomo SAPS 517 
                                (Isibawo sesitifikhethi sokukghona ukusebenzisa 
                                isigidi) (Application for a competency 
                                certificate) kanye ne-SAPS 517(e) (Isibawo 
                                sokuvuselelwa kwelayisense ngokuya komThetho 
                                odlulileko) (Application for the renewal of a 
                                licence in terms of the previous Act).
                                Zalisa isingezelelo esibekiweko eforomini 
                                le-SAPS 517(e), elitholakala estetjhini 
                                samapholisa, senye nenye ilayisense yesigidi 
                                ofisa ukuyivuselela. I-Designated Firearms 
                                Officer (DFO) sizakuthatha isethi yegadangiso 
                                lemino ezeleko nawenza isibawo sekghono 
                                lokusebenzisa isigidi.
                                I-DFO izakunikela isiyeleliso semali ebhadelwako 
                                (SAPS 523(a)) begodu sikulayele e-ofisini 
                                leemali estetjhini samapholisa ukubhadela iimali 
                                ezibekiweko eziyi-R70 yesitifikhethi sokghona 
                                ukusebenzisa isigidi kanye ne-R70 yelayisense 
                                ofisa ukuyivuselela. Ukubhadela kufanele 
                                kwenziwe ngokusebenzisa ikhetjhe namkha itjhege 
                                eqinisekiswe ebhanka. Uzakunikelwa irasidi 
                                yokusetjenziswa kweemali (Z263) njengobufakazi 
                                bokubhadela. Letha i-Z263 ku-DFO bona 
                                kusetjenzwe isibawo sakho siqedwe.
                                Uzakufumana irasidi yokuvuma ukufumana 
                                etlikitliweko (SAPS 523) njengobufakazi bokobana 
                                isi/imbawo s/zakho s/zokuvuselelwa kwelayisense 
                                yesigidi s/zifunyenwe.
                                [Top]
                                Imithetho esetjenziswako
                                Firearms Control Act, 2000 (Act 60 of 2000) 
                                (UmThetho wokuLawulwa kweeNgidi)
                                [Top]
                                Amazinga wokusebenza nesikhathi
                                I-DFO izakubamba ukuhlolwa kwakho ukufumana bona 
                                ufanelekile na begodu umumuntu olungileko ongaba 
                                nelayisense yesigidi. I-DFO godu izakwenza 
                                ukuhlolwa komakhiwo wakho ukuqunta ngamagadango 
                                wezokuphepha emakhiweni kanye nesisefo sesigidi 
                                sakho, ukuqinisekisa ukukhambisana namazinga 
                                we-South African Bureau of Standards (SABS). 
                                Nayikuthi ufumene ilayisense yesigidi ngaphambi 
                                komhlaka 1 Julayi 2004 begodu kufanele uvuselele 
                                ilayisense enjalo, akukafanlei bona uthenge 
                                isisefo esitjha. Iimfuno zanjesi ngokuya 
                                kwemiThetjhwana yeeNgidi neenThuthumbi ka-1994 
                                (Arms and Ammunition Regulations, 1994) ithathwa 
                                njengeyamukelekako. Nayikuthi isisefo 
                                asikhambisani neemfuno lezo, kufanele uthenge 
                                isisefo esitjha esikhambelana neemfuno zamazinga 
                                we-SABS.
                                Ekutjhejweni ngepumelelo kwesibawo/iimbawo 
                                zakho, i-DFO izakuthinta ngokwakho bona 
                                uzokuthatha isitifikhethi sakho sekghono 
                                lokusebezisa isigidi (nayikuthi awukabi ukuba 
                                naso) kanye ne/amalayisense wesi/ngidi.
                                [Top]
                                Iindleko
                                Isitifikhethi sekghono (Competency certificate: 
                                R70)
                                Enye nenye ilayisense (Each licence: R70)
                                [Top]
                                Amaforomo azaliswako
                                Application for a competency certificate, SAPS 
                                517) (Isibawo sesitifikhethi sekghono)
                                Application for the renewal of a licence in 
                                terms of the previous Act, SAPS 517(e) (Isibawo 
                                sokuvuselelwa kwelayisense ngokuya komThetho 
                                odlulileko)
                                [Top]
                                Imininingwana yokuthintana


                                SAPS National Firearms Call Centre:

                                iPhrovinsi:National
                                IdorobhaPretoria
                                Umtato:012 ...
                                Ifeksi:012 ...



                                Web:www.saps.gov.za









                                Yabuyekezwa kokugcina :05 March 2007





                                    

                                 


                               





                              Ngewebhsayithi |Thintana nathi |Umebhe wesayithi 
                              |Imibandela nobujamo




