Isibawo sokutloliswa kwehlangano engenzi inzuzo



                              Siyakutlhogomela    Singebalapha    
Siyakusebenzela


                              Ilwazi lombuso | www.gov.za  

                                 Imisebenzi eyenzelwa abantuImisebenzi 
                                yeenhlanganoImisebenzi eyenzelwa amaphandle
                                 




                                 Khetha ilimi   AfrikaansEnglish 
                                NdebeleSepediSiswatiSesothoSetswanaTsongaVendaXhosaZulu

                                Isibawo sokutloliswa kwehlangano engenzi inzuzo
                                Isibawo sokutlolisa ikhaya labadala
                                Isibawo sokutlolisa ikhaya labantwana
                                Isibawo sokutlolisa ihlangano engenzi inzuzo


                                Ongakhetha kikho
                                 Gadangisa ikhaseli
                                 Thumela ikhaseli nge-e-mail
                                 Faka kokuthandako
                                 Yenza njengekhasi lekhaya




                                Ngewebhsayithi |Thintana nathi |Umebhe wesayithi

                                 >  Ekhaya   >  Imisebenzi yeenhlangano   >  
                                Ukuthoma ihlangano namkha ibhizinisi    >   
                                Ukutloliswa kweenhlangano ezingenzi inzuzo    



                                    
                                Isibawo sokutloliswa kwehlangano engenzi inzuzo  
                                  

                                Ihlathululo | Amagadango okufanele alandelwe | 
                                Imithetho esetjenziswako | Amazinga wokusebenza 
                                nesikhathi | Iindleko | Amaforomo azaliswako | 
                                Imininingwana yokuthintana


                                Ihlathululo
                                Iinhlangano ezingenzi inzuzo (ama-NPO) 
                                ziinkampani ezitloliswe ukunikela ngemisebenzi 
                                emphakathini namkha ukuphuhlisa iinkareko 
                                zomphakathi. Inengi leenhlangano okungasizo 
                                zomphakathi (ama-NGO), zekolo nezokunikela 
                                ziwela ngaphasi kwalelihlangothi.
                                Ama-NPO avamise ukusekelwa ngeemali ngeminikelo 
                                ebuya eenhlanganweni zendawo nezangaphandle 
                                begodu kufuneka ngokomthetho bona zitlolise 
                                emNyangweni wokuThuthukiswa kwezeHlalakuhle.
                                Ukutloliswa kweenhlangano ezingenzi inzuzo 
                                kuyabuyisela ngombana:
                                kwenza ngcono isithunzi sekoro ngombana ama-NPO 
                                angaziphendulela embusweni;
                                kuletha iinhlangano erherhweni elihlelekileko;
                                kurhelebha ikoro bona ihleleke kuhle; begodu
                                kurhelebha ukufumana imivuzo efana 
                                nehlohlomezelo lomthelo kanye namathuba 
                                wokusekelwa ngeemali.
                                Iimfuno zokutloliswa
                                Enye nenye ihlangano engenzi inzuzo 
                                nengasihlangothi lombuso ingenza isibawo 
                                sokutloliswa. Sitjho :

                                Iinhlangano okungasizo zombuso (ama-NGO)
                                Iinhlangano ezitholakala emphakathini (ama-CBO)
                                Iinhlangano ezisekelwe ekolweni (ama-FBO)
                                Iinhlangano ezitloliswe njengeeKampani zeSigaba 
                                21 ngaphasi komThetho wamaKampani, umThetho 
                                wenomboro 61 ka-1973
                                Ama-Trust atloliswe no-Master we-Supreme Court 
                                ngaphasi kwe-Trust Property Control Act 57 of 
                                1988 (umThetho wokuLawulwa kwePahla ye-Trust, 
                                umthetho wenomboro 57 ka-1988).
                                Enye nenye iHlangano yokuziNikela engenzi 
inzuzo.
                                Ihlangano kufanele ibe nomthethosisekelo namkha 
                                istatimende sokusungulwa.
                                Ubuncani bamalunga alikhomba begodu ubuncani 
                                bakhona abanqophisi ababili.
                                Nawufuna ilwazi elinabileko, yiya ku-website 
                                yomNyango wokuThuthukiswa kwezeHlalakuhle
                                [Top]
                                Amagadango okufanele alandelwe
                                Zalisa iforomo lesibawo lama-NPO elitholakala 
                                e-ofisini eliseduze lokuThuthukiswa 
                                kwezeHlalakuhle.
                                Letha iforomo elizalisiweko kanye namakhophi 
                                amabili wemitlolo yokusungulwa kwehlangano 
                                ngokuzeleko, efana nomthethosisekelo namkha 
                                i-deed of trust namkha imemorandamu 
                                nama-articles of association. Imemorandumu 
                                nama-articles wehlangano kufanele abuthelelwe 
                                abe atjhugululwe bona akhambisane nesabelo 
                                sokusungula begodu kufanele aqinisekiswe 
                                yi-notary ewufundeleko umsebenzi womthetho.
                                Thumela imitlolo ngeposo ku:
                                The Directorate
                                Non-profit organisations
                                Department of Social Development
                                Private Bag X901
                                Pretoria, 0001
                                Ngebanga lokurarana kwekambiso ethintekako, 
                                imisebenzi yamagqwetha iyaphakanyiswa 
                                ekambisweni yokutlolisa.
                                [Top]
                                Imithetho esetjenziswako
                                Companies Act, 1973 (Act 61 of 1973) (umThetho 
                                wamaKampani)
                                Business Names Act, 1960 (Act 27 of 1960) 
                                (umThetho wamaBizo wamaBhizinisi)
                                Trust Property Control Act 1988 (Act 57 of 1988) 
                                (umThetho wokuLawulwa kwePahla ye-Trust)
                                Nonprofit Organisation Act, 1997 (Act 71 of 
                                1997) (umThetho weenHlangano eziNgenzi iNzuzo)
                                [Top]
                                Amazinga wokusebenza nesikhathi
                                Kungathatha pheze iinyanga ezimbili ukusebenza 
                                yoke ikambiso yokutlolisa.
                                Nasele isibawo sakho sifunyenwe, umNyango 
                                msinyana uzakuthumela ihlangano incwadi etjhoko 
                                bona sifunyenwe, ngemva kwalokho, isitifikhethi 
                                sokutloliswa sizakukhutjhwa nayikuthi isibawo 
                                sihlangabezana neemfuno zomthetho weenHlangano 
                                eziNgenzi iNzuzo ka-1997.
                                [Top]
                                Iindleko
                                Awubhadeli litho ngalomsebenzi.
                                [Top]
                                Amaforomo azaliswako
                                Application for registration by a Non-profit 
                                organisation (Isibawo sokutloliswa kwehlangano 
                                eNgenzi inzuzo)
                                [Top]
                                Imininingwana yokuthintana


                                     Sibawa ukhethe kunye: 
                                National
                                Eastern Cape
                                Free State
                                Gauteng
                                KwaZulu-Natal
                                Limpopo
                                Mpumalanga
                                North West
                                Northern Cape
                                Western Cape




                                Yabuyekezwa kokugcina :27 December 2006





                                    

                                 








                              Ngewebhsayithi |Thintana nathi |Umebhe wesayithi 
                              |Imibandela nobujamo




