﻿Isibawo sokutlolisa ikhaya labantwana



                              Siyakutlhogomela    Singebalapha    
Siyakusebenzela


                              Ilwazi lombuso | www.gov.za  

                                 Imisebenzi eyenzelwa abantuImisebenzi 
                                yeenhlanganoImisebenzi eyenzelwa amaphandle
                                 




                                 Khetha ilimi   AfrikaansEnglish 
                                NdebeleSepediSiswatiSesothoSetswanaTsongaVendaXhosaZulu

                                Isibawo sokutloliswa kwehlangano engenzi inzuzo
                                Isibawo sokutlolisa ikhaya labadala
                                Isibawo sokutlolisa ikhaya labantwana
                                Isibawo sokutlolisa ihlangano engenzi inzuzo


                                Ongakhetha kikho
                                 Gadangisa ikhaseli
                                 Thumela ikhaseli nge-e-mail
                                 Faka kokuthandako
                                 Yenza njengekhasi lekhaya




                                Ngewebhsayithi |Thintana nathi |Umebhe wesayithi

                                 >  Ekhaya   >  Imisebenzi yeenhlangano   >  
                                Ukuthoma ihlangano namkha ibhizinisi    >   
                                Ukutloliswa kweenhlangano ezingenzi inzuzo    



                                    
                                Isibawo sokutlolisa ikhaya labantwana    

                                Ihlathululo | Amagadango okufanele alandelwe | 
                                Imithetho esetjenziswako | Amazinga wokusebenza 
                                nesikhathi | Iindleko | Amaforomo azaliswako | 
                                Imininingwana yokuthintana


                                Ihlathululo
                                UmThetho wokuTlhogonyelwa kwabaNtwana 
                                uhlathulula ikhaya labantwana njengenye nenye 
                                indawo yokuhlala namkha ikhaya eligcinelwa 
                                ukwamukela, ukuvikela, ukutlhogomela nokukhulisa 
                                abantwana abangaphezu kwabasithandathu 
                                abangahlali nababelethi babo. Kodwana alifaki 
                                esinye nesinye isikolo namkha isikolo 
                                setjhugululo.
                                LomThetho ubeka bona akunamntwana ozakwamukelwa 
                                ekhaya labantwana ngaphandle kwalokha ikhaya 
                                labantwana naliphethwe yihlangano yabantu 
                                engabunjwa babantu abangaphasi kwamalunga 
                                alikhomba netloliswe ngaphasi kweSigaba 30 
                                somThetho wokuTlhogonyelwa kwabaNtwana (Child 
                                Care Act , 1983 (Act 74 of 1983)).
                                ImiNyango emibili iyathinteka ekambisweni 
                                yokutloliswa kwekhaya labantwana, okumNyango 
                                wemiBuso yeeNdawo nomNyango wokuThuthukiswa 
                                kwezeHlalakuhle.
                                Nawufuna ilwazi elinabileko, yiya ku-website 
                                yomNyango wokuThuthukiswa kwezeHlalakuhle.


                                [Top]
                                Amagadango okufanele alandelwe
                                Thintana nesiphathiswa sezamaphilo esibuya 
                                emNyangweni wemiBuso yeeNdawo ukwenza ukuhlola.
                                Nakungenzeka ikhaya labantwana likhambisane nazo 
                                zoke iimfuneko zesakhiwo nezamaphilo ezibekwe 
                                mNyango wemiBuso yeeNdawo isitifikhethi 
                                sezamaphilo sizakukhutjhwa.
                                Isitifikhethi sezamaphilo sizakuba yifuneko 
                                ekambisweni yokutloliswa.
                                Nakufunyanwa isitifikhethi sezamaphilo, 
                                isisebenzi sezehlalakuhle esibuya emNyangweni 
                                wokuThuthukiswa kwezeHlalakuhle sizakuthintana 
                                nawe ukuhlathulula iinkambiso zokutlolisa kanye 
                                nokukunikela amaforomo wokutlolisa.
                                Zalisa amaforomo bewuwabuyisele emNyangweni 
                                wokuThuthukiswa kwezeHlalakuhle kanye nemitlolo 
                                elandelako:

                                Ikhophi yomthethosisekelo wekhaya labantwana
                                Iimplani zomakhiwo
                                Isitifikhethi sezamaphilo
                                Isivumelwano nomnikazi womakhiwo
                                Iindingo zokulinganisa ezisekela isidingo 
                                sekhaya labantwana endaweni ethileko
                                Yoke imitlolo efaneleko izakusetjenzwa 
                                ekuvunyweni kokutloliswa.
                                 
                                [Top]
                                Imithetho esetjenziswako
                                Child Care Act, 1983 (Act 74 of 1983) (UmThetho 
                                wokuTlhogonyelwa kwabaNtwana)
                                 
                                [Top]
                                Amazinga wokusebenza nesikhathi
                                Kungathatha pheze iimveke ezi-4 namkha ukudlula 
                                lapho ukusebenzana nesibawo sakho.
                                Isisebenzi sezehlalakuhle simema abadlalindima 
                                abafana nesiphathiswa sezamaphilo kanye 
                                nesiphathiswa sombuso wendawo ukuhlola ikhaya.
                                Esinye nesinye isiphathiswa sezamaphilo 
                                nesemibuso yeendawo sizakuzalisa umbiko osuselwe 
                                kilokho abakufumeneko.
                                Imibiko le ilethwa e-ofisini eliseduze 
                                lokuThuthukiswa kwezeHlalakuhle bona ivunywe 
                                kokugcina.
                                Nayikuthi isibawo sakho asivunywa, uzakwaziswa 
                                ngomtlolo ukobana kungani singakaphumeleli.
                                Nayikuthi awuvumelani nesiqunto esithethweko, 
                                dlulisela isiqunto kuNgqongqotjhe namkha 
                                uSo/Nomkhandlu e-ofisini lesitjhaba namkha 
                                lephrovinsi lomNyango wokuThuthukiswa 
                                kwezeHlalakuhle ngomtlolo uhlathulule bona 
                                kungani ungasamukeli isiqunto. Ufanele wenze 
                                lokhu kungakadluli amalanga ama-90 ngemva 
                                kokufumana isaziso ngomphumela wesibawo sakho.
                                 
                                [Top]
                                Iindleko
                                Awubhadeli litho ngalomsebenzi.
                                Fumana ilwazi ngeemali ezibhadelwako 
                                zokukhutjhwa kwesitifikhethi sezamaphilo esibuya 
                                emNyangweni wemiBuso yeeNdawo.
                                 
                                [Top]
                                Amaforomo azaliswako
                                Iforomo lesibawo litholakala e-ofisini eliseduze 
                                lokuThuthukiswa kwezeHlalakuhle.
                                Isisebenzi sezehlalakuhle sizakuzalisa umbiko 
                                wokuhlola wamaKhaya wabaNtwana.
                                 
                                [Top]
                                Imininingwana yokuthintana


                                     Sibawa ukhethe kunye: 
                                National
                                Eastern Cape
                                Free State
                                Gauteng
                                KwaZulu-Natal
                                Limpopo
                                Mpumalanga
                                North West
                                Northern Cape
                                Western Cape




                                Yabuyekezwa kokugcina :09 January 2007





                                    

                                 








                              Ngewebhsayithi |Thintana nathi |Umebhe wesayithi 
                              |Imibandela nobujamo




