﻿Isibawo sesabelo sabarhali bezepi



                              Siyakutlhogomela    Singebalapha    
Siyakusebenzela


                              Ilwazi lombuso | www.gov.za  

                                 Imisebenzi eyenzelwa abantuImisebenzi 
                                yeenhlanganoImisebenzi eyenzelwa amaphandle
                                 




                                 Khetha ilimi   AfrikaansEnglish 
                                NdebeleSepediSiswatiSesothoSetswanaTsongaVendaXhosaZulu

                                Isibawo sesabelo sabarhali bezepi
                                Isibawo sesabelo setlhogomelo lokuthembela
                                Isibawo sesabelo sesondlo somntwana
                                Isibawo sesabelo sokukhuliswa komntwana
                                Isibawo sesabelo sabadala
                                Isibawo sokupheliswa komtlhago kwezehlalakuhle
                                Isibawo semiSebenzi yeenTjhabatjhaba 
                                yezeHlalakuhl
                                Imisebenzi yokubuyiselwa ebujameni 
                                bangaphambilini
                                Isibawo sokobana isabelo sezehlalakuhle 
                                sidibhozid
                                Isibawo sasabelo sokurholophala unomphela namkha 
                                i
                                Imisebenzi yomphakathi yetlhogomelo lokungaqini 
                                kw
                                Imisebenzi yokusekelwa kwemindeni
                                Isibawo sokufakwa eHlelweni lokuNikelwa amaNdla 
                                kw
                                Isibawo serhelebho lesabelo
                                Ukwelatjhelwa ukusebenzisa kumbi iindaki 
                                nokubuyis
                                Isibawo sokwamukelwa ekhaya labadala
                                Isibawo sesabelo ngokuya kwehlelo lokwAbiwa 
                                Butjha
                                ImiSebenzi yokuQinisekisa ukubakhona koKudla
                                Ukubuyiswa kwezabelo zehlalakuhle
                                Isibawo esitjha sesabelo esiphelileko
                                Ukubika ukwetjiwa kwesabelo sehlalakuhle
                                Ukukhomba umuntu ozakufumana isabelo enzela 
                                umzuzi
                                Isibawo serhelebho leemali lekhaya labantwana
                                ImiSebenzi esiSekelo yaSimahla yakaMasipala


                                Ongakhetha kikho
                                 Gadangisa ikhaseli
                                 Thumela ikhaseli nge-e-mail
                                 Faka kokuthandako
                                 Yenza njengekhasi lekhaya




                                Ngewebhsayithi |Thintana nathi |Umebhe wesayithi

                                 >  Ekhaya   >  Imisebenzi eyenzelwa abantu   >  
                                Imivuzo yezehlalakuhle   >  Imisebenzi 
                                yezehlalakuhle     



                                    
                                Isabelo sabarhali bezepi     

                                Ihlathululo | Amagadango okufanele alandelwe | 
                                Imithetho esetjenziswako | Amazinga wokusebenza 
                                nesikhathi | Iindleko | Amaforomo azaliswako | 
                                Imininingwana yokuthintana


                                Ihlathululo
                                Umrhali wepi mumuntu owalwa ePini yokuThoma 
                                yePhasi (yaka-1914-1918) namkha ePini yesiBili 
                                yePhasi (yaka-1939-1945) namkha ePini yeKoriya 
                                (yaka-1950-1953).
                                Abarhali abangakghoniko ukuzitlhogomela 
                                nabatlhoga itlhogomelo lasikhathi soke komunye 
                                umuntu nabo bangenza isibawo serhelebho lesabelo 
                                ukungezelela esabelweni sabarhali.
                                Inani lesabelo sabarhali bezepi ukuthoma 
                                ngo-Apreli 2007 siyi-R890 ngenyanga.
                                Ukwenza isibawo kufanele:
                                ube sisakhamuzi seSewula Afrika namkha mhlali 
                                kanomphela
                                ube mhlali weSewula Afrika ngesikhathi wenza 
                                isibawo
                                ube neminyaka yobudala ema-60 namkha ngaphezulu, 
                                namkha kube urholophele
                                kube walwa ePini yokuThoma namkha yesiBili 
                                yePhasi, ePini yeKoriya namkha kube wasebenza 
                                epini eyathoma ngomhlaka 6 Septemba 1939
                                ukhambisane nokuhlolelwa ikghono lokuphila 
                                (i-means test).
                                Ukuhlolelwa ikghono lokuphila kusetjenziselwa 
                                ukulinganisa ubujamo bezeemali bombawi. 
                                Nawuzakufumana isabelo, ubujamo bakho bezeemali 
                                kufanele bube ngaphasi kwezinga elithileko. 
                                Ngo-2004, ukuhlolelwa ikghono lokuphila lesabelo 
                                sabarhali bezepi lomuntu ongakatjhadi libeka 
                                bona awukavunyelwa ukufumana isabelo nayikuthi 
                                ipahla yakho idlula inani le-R266 400 (amakhulu 
                                amabili neenkulungwana ezimatjhumi asithandathu 
                                nasithandathu namakhulu amane wamaranda). Ikhaya 
                                okungelakho alitjhejwa nawuhlala kilo. Ingeniso 
                                yakho kufanele ibe ngaphasi kwe-R18 024 
                                (iinkulungwana ezilitjhumi nobunane namatjhumi 
                                amabili nane wamaranda) ngonyaka.
                                Nayikuthi utjhadile, awukavunyelwa ukufumana 
                                isabelo nayikuthi ipahla yakho 
                                nomthetheko/okuthetheko ngokuhlanganyela idlula 
                                i-R532 800 (iinkulungwana ezimakhulu amahlanu 
                                namatjhumi amathathu namabili namakhulu abunane 
                                wamaranda). Indlu okungeyakho ayifakwa lapha 
                                nayikuthi uhlala kiyo. Ingeniso yakho 
                                nayihlangene neyomthetheko/okuthetheko kufanele 
                                ibe ngaphasi kwe-R33 840 (iinkulungwana 
                                ezimatjhumi amathathu nantathu namakhulu abunane 
                                namatjhumi amane wamaranda) ngonyaka.
                                Kufanele kube awondliwa namkha uthlogonyelwe 
                                esiKhungweni sakaRhulumende
                                Kufanele kube awufumani esinye isabelo 
                                sehlalakuhle (kungafaki irhelebho lesabelo)
                                Nawufuna ilwazi elinabileko, yiya ku-website 
                                yo-South African Social Security Agency
                                [Phezulu]
                                Amagadango okufanele alandelwe
                                Zalisa iforomo lesibawo e-ofisini eliseduze 
                                lokuThuthukiswa kwezeHlalakuhle.
                                Nayikuthi angeze wakghona ukukhamba ngebanga 
                                lobudala namkha lokugula, bawa omunye akwenzele 
                                isibawo. Umuntu lowo kufanele eze nencwadi ebuya 
                                kuwe kanye/namkha nencwadi kadorhodera etjho 
                                bona kungani ungeze wakghona ukuvakatjhela 
                                i-ofisi ukuzokwenza isibawo. Ukuvakatjhelwa 
                                ekhaya kungahlelwa.
                                Zalisa iforomo lesibawo phambi kwesiphathiswa 
                                esibuya emNyangweni.
                                Letha iforomo lakho nemitlolo elandelako:

                                Umazisi oneenomboro ezili-13 weSewula Afrika, 
                                nayikuthi uthethe/uthethwe nomazisi waloyo 
                                omthetheko/okuthetheko.
                                Ubufakazi bokusebenza epini, okungaba 
                                sitifikhethi sokusebenza namkha amamedali wakho 
                                wepi.
                                Nayikuthi ungaphasi kweminyaka ema-60, 
                                ukuhlolelwa zamaphilo namkha umbiko obeka bona 
                                angeze wakghona ukusebenza.
                                Ilwazi ngobujamo bomtjhado:

                                Nayikuthi awukathathi/thathwa. Incwadi yesifungo 
                                ebeka bona awukathathi/thathwa.
                                Nayikuthi utjhadile, isitifikhethi somtjhado.
                                Nayikuthi uhlukanisile, umlayo wesahlukaniso.
                                Nayikuthi wakwakho uhlongakele, isifikhethi 
                                sakhe sokuhlongakala.
                                Ilwazi ngengeniso nepahla yakho:
                                Nayikuthi awusebenzi, isitifikhethi somrholo 
                                wakho.
                                Nayikuthi awusebenzi, incwadi ehlaza yakho 
                                ye-Unemployment Insurance Fund (i-UIF) namkha 
                                isitifikhethi sokuliliswa emsebenzini esibuya 
                                emqatjhini odlulileko.
                                Nayikuthi unomhlalaphasi wangeqadi, ubufakazi 
                                bawo.
                                Nayikuthi une-akhawunti yebhanka, iintatimende 
                                zebhanka zeenyanga ezintathu ezilandelanako.
                                Nayikuthi unamasiso, ilwazi ngenzuzo nemali 
                                obhadelwa yona ngawo.
                                Fumana irasidi bewuligcine njengobufakazi 
                                besibawo sakho.
                                [Phezulu]
                                Imithetho esetjenziswako
                                Imitlolo le inikelwa ngendlela ye-PDF. Ukuvula 
                                imitlolo ye-PDF, utlhoga ukuba ne-Adobe Acrobat 
                                Reader 4 namkha engaphezulu kwayo bona ifakwe 
                                ekhompyutheni yakho

                                Social Assistance Act, 2004 (Act 13 of 2004) 
                                (UmThetho weRhelebho lezeHlalakuhle)
                                [Phezulu]
                                Amazinga wokusebenza nesikhathi
                                Kungathatha pheze amalanga ama-35 ukusebenza 
                                nesibawo sakho.
                                Uzakwaziswa ngomtlolo ukobana isibawo sakho 
                                siphumele namkha njani.
                                Nayikuthi isabelo siyavunywa, uzakubhadelwa 
                                ukuthoma ngelanga owenza ngalo isibawo.
                                Nayikuthi isabelo asivunywa, i-Ofisi le-Social 
                                Security lizakwazisa ngomtlolo libeke amabanga 
                                wokobana kungani singakaphumeleli.
                                Nayikuthi awuvumelani nesiqunto esithethweko, 
                                dlulisela isiqunto kuNgqongqotjhe namkha 
                                kuSo/Nomkhandlu e-ofisini lesitjhaba namkha 
                                lephrovinsi lomNyango wokuThuthukiswa 
                                kwezeHlalakuhle ngomtlolo uhlathulule bona 
                                kungani ungavumelani nesiqunto. Yenza lokho 
                                kungakadluli amalanga ama-90 ngemva kokufumana 
                                umphumela wesiqunto sesibawo sakho.
                                Isabelo sibhadelwa ngeendlela ezilandelako:

                                Ngekhetjhe eNdaweni yokuBhadela ethileko 
                                ngelanga elithileko
                                Ngokudibhozidwa ngokwe-elektroniki e-akhawuntini 
                                yakho yebhanka (ibhanka ingakuhlawulisa 
                                ngalomsebenzi
                                Eposofisi
                                Esikhungweni (isibonelo, ekhaya labadala)
                                [Phezulu]
                                Iindleko
                                Awubhadeli litho ngalomsebenzi
                                [Phezulu]
                                Amaforomo azaliswako
                                I-Form Z955: Application for a Social Grant 
                                (isiBawo sesAbelo sezeHlalakuhle) litholakala 
                                e-ofisini eliseduze lokuThuthukiswa 
                                kwezeHlalakuhle
                                [Phezulu]
                                Imininingwana yokuthintana


                                     Sibawa ukhethe kunye: 
                                National
                                Eastern Cape
                                Free State
                                Gauteng
                                KwaZulu-Natal
                                Limpopo
                                Mpumalanga
                                North West
                                Northern Cape
                                Western Cape




                                Yabuyekezwa kokugcina :13 June 2007





                                    

                                 








                              Ngewebhsayithi |Thintana nathi |Umebhe wesayithi 
                              |Imibandela nobujamo




