﻿Isibawo semvumo yomuntu ofuna i-asayilamu



                              Siyakutlhogomela    Singebalapha    
Siyakusebenzela


                              Ilwazi lombuso | www.gov.za  

                                 Imisebenzi eyenzelwa abantuImisebenzi 
                                yeenhlanganoImisebenzi eyenzelwa amaphandle
                                 




                                 Khetha ilimi   AfrikaansEnglish 
                                NdebeleSepediSiswatiSesothoSetswanaTsongaVendaXhosaZulu

                                Isibawo semvumo yokuhlala yakanomphela ababaleki
                                Isibawo semvumo yomuntu ofuna iasayilamu


                                Ongakhetha kikho
                                 Gadangisa ikhaseli
                                 Thumela ikhaseli nge-e-mail
                                 Faka kokuthandako
                                 Yenza njengekhasi lekhaya




                                Ngewebhsayithi |Thintana nathi |Umebhe wesayithi

                                 >  Ekhaya   >   Imisebenzi eyenzelwa amaphandle 
                                  >  Ukungena eSewula Afrika    >  Imisebenzi 
                                yababaleki     



                                    

                                Isibawo semvumo yomuntu ofuna i-asayilamu    

                                Ihlathululo | Amagadango okufanele alandelwe | 
                                Imithetho esetjenziswako | Amazinga wokusebenza 
                                nesikhathi | Iindleko | Amaforomo azaliswako | 
                                Imininingwana yokuthintana


                                Ihlathululo
                                Isibawo se-asayilamu sibawo esenziwa mbawi 
                                sokobana athathwe njengombaleki.
                                Ofuna i-asayilamu mumuntu obaleke enarheni yakhe 
                                ngokwesaba ukutlhagiswa (kwezokuhlalisana, 
                                zamasiko, zekolo namkha zomnotho), begodu nofuna 
                                ukuba mbaleki – kilokhu eSewula Afrika. Umbawi 
                                uhlala angofuna i-asayilamu ngesikhathi isibawo 
                                sakhe sisatjhejwa.
                                Ofuna i-asyilamu unikelwa imvumo yokudlula 
                                ye-asayilamu engavuselelekiko endaweni yokungena 
                                eSewula Afrika (endaweni yokungena ngeenyawo, 
                                isiphaphamtjhini namkha ngesikepe). Imvumo 
                                isebenza amalanga alitjhumi nane begodu igunyaza 
                                umnikazi ukubika e-Ofisini eliseduze 
                                lokwAmukelwa kwabaBaleki (i-RRO) nawuzakwenza 
                                isibawo se-asayilamu.
                                Umbaleki mumuntu onikelwe ubujamo be-asayilamu 
                                nokuvikelwa ngokuya komThetho wabaBaleki 
ka-1998.
                                Nawufuna ilwazi elinabileko, yiya ku-website 
                                yomNyango weeNdaba zeKhaya
                                [Top]
                                Amagadango okufanele alandelwe
                                Wena, njengomuntu ofuna i-asayilamu kufanele 
                                wenze isibawo ngokwakho e-Ofisini lokwAmukelwa 
                                kwabaBaleki elikhonjiweko lapho kwenziwa 
                                okulandelako:

                                Ukuhlolwa ngaphambi kwayo yoke into.
                                Igadangiso lakho lemino liyathathwa.
                                Kufunwa umrhumutjhi (nakutlhogekako)
                                I-Ofisi lokwAmukelwa kwabaBaleki lenza 
                                ikulumiswano yokuthoma begodu kuzaliswa iforomo 
                                BI-1590.
                                Kugadangiswa, kutlikitlwe, kustentjwe 
                                bewunikelwe imvumo yofuna i-asayilamu.
                                Imvumo esebenza amalanga amatjhumi amathathu 
                                izakuvumela ukuhlala eSewula Afrika 
                                isikhatjhana. Imvumo ingalulwa ngamanye amalanga 
                                amatjhumi amathathu kanye neenyanga ezintathu 
                                ukudlula lapho.
                                Ngaphambi kokuphela kwemvumo yomuntu ofuna 
                                i-asayilamu kufanele uzibonakalise e-Ofisini 
                                lokwAmukelwa kwabaBaleki ukuyokubamba 
                                ikulumiswano yesibili, ezakwenziwa siPhathiswa 
                                sokuQuntwa kobuJamo babaBaleki (i-RSDO).
                                I-RSDO iragela phambili nokongamela isibawo 
                                begodu ithatha isiqunto mayelana nesibawo 
                                se-asayilamu.
                                Nawunikelwa i-asayilamu (okutjho imvumo 
                                etloliweko yokuvunywa kobujamo bombaleki), 
                                kufanele wenze isibawo sekarada le-smart 
                                lokuzazisa lombaleki kwelinye nelinye i-RRO 
                                kungakapheli amalanga alitjhumi nahlanu.
                                Ngemva kokunikelwa ikarada, ungenza isibawo 
                                somTlolo wokuKhamba wesiVumelwano seHlangano 
                                yeenTjhaba eziBumbeneko (i-United Nations 
                                Convention Travel Document (UNCTD)) kwelinye 
                                nelinye i-RRO.
                                Ubujamo bombaleki buhlala iminyaka emibili, 
                                kodwana kufanele utlole incwadi ebawa 
                                ukubuyekezwa namkha ukululwa kobujamo bakho 
                                bombaleki iinyanga ezintathu ngaphambi kokuphela 
                                kwabo.
                                [Top]
                                Imithetho esetjenziswako
                                Refugee Act, 1998 (Act 130 of 1998) (UmThetho 
                                wabaBaleki)
                                1951 UN Convention relating to the Status of 
                                Refugees (IsiVumelwano se-UN mayelana nobuJamo 
                                babaBaleki)
                                1969 OAU Convention Governing the Specific 
                                Aspects of Refugee Problems in Africa 
                                (IsiVumelwano se-OAU esiPhethe amaHlangothi 
                                aThileko wemiRaro yabaBaleki e-Afrika)
                                1967 Protocol relating to the Status of Refugees 
                                (IKambiso yangokomThetho yaka-1967 ekhambelana 
                                nobuJamo babaBaleki)
                                1993 Basic Agreement between the Government of 
                                South Africa and the UNHCR (IsiVumelwano 
                                esiSisekelo phakathi komBuso weSewula Afrika 
                                ne-UNHCR)
                                The Immigration Act, 2002 (Act 13 of 2002) as 
                                amended (UmThetho wokuPhalalela, njengombana 
                                utjhugululiwe)
                                [Top]
                                Amazinga wokusebenza nesikhathi
                                Iimbawo zingathatha iinyanga ezisithandathu.
                                [Top]
                                Iindleko
                                Awubhadeli litho ngalomsebenzi.
                                [Top]
                                Amaforomo azaliswako
                                Application for asylum, BI-1590 (Isibawo 
                                se-asayilamu, BI-1590), elitholakala emNyangweni 
                                weeNdaba zeKhaya.
                                [Top]
                                Imininingwana yokuthintana


                                     Sibawa ukhethe kunye: 
                                Eastern Cape
                                Free State
                                Gauteng
                                KwaZulu-Natal
                                Limpopo
                                Mpumalanga
                                North West
                                Northern Cape
                                Western Cape




                                Yabuyekezwa kokugcina :unavailable





                                    

                                 








                              Ngewebhsayithi |Thintana nathi |Umebhe wesayithi 
                              |Imibandela nobujamo




