Isibawo semvumo yokuthumela ngaphandle iimfesi ngomnqopho wokwenza imali



                              Siyakutlhogomela    Singebalapha    
Siyakusebenzela


                              Ilwazi lombuso | www.gov.za  

                                 Imisebenzi eyenzelwa abantuImisebenzi 
                                yeenhlanganoImisebenzi eyenzelwa amaphandle
                                 




                                 Khetha ilimi   AfrikaansEnglish 
                                NdebeleSepediSiswatiSesothoSetswanaTsongaVendaXhosaZulu

                                Thumela ngaphandle imikhiqizo yeentjalo 
neentjalo
                                Isibawo semvumo yokuthumela ngaphandle iimfesi 
                                ngo
                                Thumela ngaphandle iinciliba namaqanda wazo
                                Isibawo sokuthumela ngaphandle ngokumakethwa 
                                kwepa
                                Isibawo semvumo yokuthumela ipahla ngaphandle
                                Ukutlolisa izinto zokuthunyelwa zokwelapha ifuyo


                                Ongakhetha kikho
                                 Gadangisa ikhaseli
                                 Thumela ikhaseli nge-e-mail
                                 Faka kokuthandako
                                 Yenza njengekhasi lekhaya




                                Ngewebhsayithi |Thintana nathi |Umebhe wesayithi

                                 >  Ekhaya   >  Imisebenzi yeenhlangano   >  
                                Ukuletha ngaphakathi nokuthumela ngaphandle   >  
                                Iimvumo zokuthumela ngaphandle     



                                    
                                Isibawo semvumo yokuthumela ngaphandle iimfesi 
                                ngomnqopho wokwenza imali    

                                Ihlathululo | Amagadango okufanele alandelwe | 
                                Imithetho esetjenziswako | Amazinga wokusebenza 
                                nesikhathi | Iindleko | Amaforomo azaliswako | 
                                Imininingwana yokuthintana


                                Ihlathululo
                                Ukuthiya iimfesi ngomnqopho wokwenza imali 
                                kukwenza umsebenzi okhambelana nofana 
                                nokuthumela iimfesi zelwandle ngaphandle 
                                ngeminqopho yokurhwebelana. Ukuthumela iimfesi 
                                zelwandle eenarheni zangaphandle namkha 
                                ngaphandle kwemikhawulo yeSewula Afrika, 
                                kufanele wenze isibawo semvumo yokuthumela 
                                ngaphandle enikelwa nguNgqongqotjhe weeNdaba 
                                zeBhoduluko nezokuVakatjha (i-DEA&T) namkha 
                                ngabasemagunyeni abafaneleko. Akunamuntu 
                                ozakuthumela ngaphandle iimfesi zelwandle 
                                ngaphandle kwemvumo. Lokha imvumo ekhona 
                                nayiphelelwa sikhathi, kufanele wenze isibawo 
                                setjha. Ukubhalelwa kukhambisana nobujamo 
                                bemvumo kungaba nomphumela wokujanyiswa namkha 
                                ukusulwa kwayo.
                                TJHEJA: Lemvumo yokuthumela ngaphandle ayifaki 
                                iimfesi ezingatholakali elwandle eziphethwe 
                                mNyango wezokuLima. Iimbawo zeemvumo 
                                zokuthunyelwa ngaphandle kweemfesi 
                                ezingatholakali elwandle namkha iimfesi 
                                ze-tropical kufanele zenziwe begodu zinikelwe 
                                mNyango wezokuLima.
                                Imihlobo yeenlwanyana erhenyiswe mHlangano 
                                weenTjhabatjhaba wokuRhwebelana ngeenLwanyana 
                                (i-CITES) eziseNgozini yokuTjhabalala 
                                (i-Convention of International Trade in 
                                Endangered Species (CITES)) akukafaneli ilethwe 
                                ngenarheni. (Nawufuna ilwazi elinabileko 
                                nge-Convention of International Trade in 
                                Endangered Species (CITES), vakatjhela 
                                i-http://www.cites.org/). ImVumo yokuThumela 
                                ngaPhandle enikelwa emhlobeni wama-abhaloni, 
                                ama-rock lobster kanye neminye imihlobo 
                                njengombana ibekwe emThethweni wemiThombo 
                                yangeLwandle ePhilako ka-1998 (umthetho 18 
                                ka-1998) isiNgezelelo 4, 5 no 12 isebenza 
                                komunye nomunye umthwalo (iimveke ezintathu 
                                ukuthoma ngelanga ekhutjhwe ngalo njengombana 
                                kuqunte uNgqongqotjhe namkha mgunyazi 
                                othunyelweko).
                                Nawufuna ilwazi elinabileko, yiya ku-website 
                                yomNyango weeNdaba zeBhoduluko nezokuVatjha 
                                [Top]
                                Amagadango okufanele alandelwe
                                Yenza isibawo semvumo yokuthumela ngaphandle.
                                Fumana iforomo lesibawo e-Ofisini lokuPhathwa 
                                kweLwandle neliGu (qala imininingwana ngenzasi) 
                                namkha e-ofisini legatja lomNyango weeNdaba 
                                zeBhoduluko nezokuVakatjha (i-DEA&T).
                                Funda ngetjhejo, uzwisise bewenze isiqiniseko 
                                sokobana wanelisa iimfuno zesibawo kanye 
                                nobujamo.
                                Nikela ngelwazi elilandelako:

                                I-adresi yomakho yabaletha ngenarheni enarheni 
                                okuthunyelwa kiyo.
                                Amagama ajayelekileko newesayensi wemihlobo 
                                yeenlwanyana ezakuthunyelwa ngaphandle.
                                Ubunengi bemihlobo yeenlwanyana ezizakuthunyelwa 
                                ngaphandle.
                                Nayikuthi umbawi wemvumo yokuthumela ngaphandle 
                                akasi mnikazi welungelo lokuthiya, nikela 
                                ngemitlolo elandelako:

                                Ubufakazi bokunikelwa kanye nama-adresi womakho 
                                wabanikeli beemfesi zelwandle ezizakuthunyelwa 
                                ngaphandle.
                                Amagama ajayelekileko newesayensi wemihlobo 
                                yeenlwanyana ezakuthunyelwa ngaphandle.
                                Ubunengi bemihlobo yeenlwanyana ezakuthunyelwa 
                                ngaphandle
                                Letha amakhophi aqinisekisiweko wemitlolo 
                                alandelako:

                                Incwadi yakho yokuzazisa esebenzako kanye 
                                nemitlolo yokutloliswa yekampani yakho, i-close 
                                corporation namkha i-trust.
                                Iimvumo ezisebenzako zokuthumela ngaphandle 
                                ezibuya emNyangweni wezokuRhwebelana namaBubulo 
                                namkha izaziso zeemvumo (ama-ITAC).
                                ISitifikhethi sokuVunyelwa somThelo esivunywe 
                                begodu nesikhutjhwe miSebenzi yeNgeniso yeSewula 
                                Afrika (i-South African Revenue Services 
(SARS)).
                                Yazisa igatja eliseduze leBhiro yamaZinga 
                                yeSewula Afrika (i-SABS) ngomthwalo wakho 
                                othunyelwa ngaphandle nayikuthi iimfesi ohlose 
                                ukuzithumela ngaphandle azisizitjha begodu 
                                azikakulungeli ukudliwa babantu.
                                Nayikuthi iimfesi zitjha begodu zizokudliwa 
                                babantu yazisa iNdawo yokuNgenela kwepahla 
                                yezamaPhilo.
                                Imali ebhadelwako yesibawo eyi-R225 (efaka koke) 
                                iyafuneka.
                                Zalisa, utlikitle bewupose iforomo lesibawo 
                                lemvumo yokuthumela ngaphandle nemitlolo 
                                efunekako e-Ofisini lokuPhathwa kwamaLwandle 
                                neliGu. (Qala ama-adresi ngenzasi).
                                Iimbawo zamambala kufanele ziposwe, ukubhalelwa 
                                kukwenza njalo imvumo angeze yanikelwa.
                                [Top]
                                Imithetho esetjenziswako
                                The Marine Living Resources Act, 1998 (Act 18 of 
                                1998) (UmThetho wemiThombo yangeLwandle 
                                ePhilako)The Marine Living Resources Act, 1998 
                                (Act 18 of 1998))
                                The National Environmental Management Act, 1998 
                                (Act No. 107 of 1998) (UmThetho wesiTjhaba 
                                wokuPhathwa kweBhoduluko)
                                The National Biodiversity Act, 2004 (Act No. 10 
                                of 2004) (UmThetho wesiTjhaba wokweHluka 
                                kweenTjalo neenLwana)(The National Biodiversity 
                                Act, 2004 (Act No. 10 of 2004)
                                The National Marine Protected Areas Act, 2003 
                                (Act No. 57 of 2003) (UmThetho wesiTjhaba 
                                weeNdawo eziVikelweko zeLwandle)The National 
                                Marine Protected Areas Act, 2003 (Act No. 57 of 
                                2003)
                                The Sea Birds and Seals Protection Act, 1973 
                                (Act No. 46 of 1973) (UmThetho wokuVikelwa 
                                kweeNyoni zeLwandle namaSil)The Sea Birds and 
                                Seals Protection Act, 1973 (Act No. 46 of 1973))
                                The Sea Fishery Act, 1988 (Act 12 of 1988) 
                                (UmThetho wokuBanjelwa kweemFesi eLwandle)
                                The Sea-shore Act, 1935 (Act 21 of 1935) 
                                (UmThetho weNarha yeLwandle) (The Sea-shore Act, 
                                1935 (Act 21 of 1935)
                                The International Convention for the Prevention 
                                of Pollution from Ships Act, 1986 (Act No. 2 of 
                                1986) (UmThetho wesiVumelwano seenTjhabatjhaba 
                                sokuKhandelwa kokuSilaphazeka kweBhoduluko)The 
                                International Convention for the Prevention of 
                                Pollution from Ships Act, 1986 (Act No. 2 of 
                                1986)) 
                                [Top]
                                Amazinga wokusebenza nesikhathi
                                Ikambiso yesibawo ingathatha amalanga 
                                wokusebenza amathathu namkha ukudlula lapho kuye 
                                ngokwenziwa kuhle kwesibawo. 
                                [Top]
                                Iindleko
                                Imali ebhadelwako yesibawo eyi-R225 (efaka koke) 
                                iyafuneka. Iimali ezibhadelwako zibuyekezwa 
                                njalo ngonyaka namkha ngokuquntwa 
                                nguNgqongqotjhe weeNdaba zeBhoduluko 
                                nezokuVakatjha namkha mgunyazi ovunyelweko kanye 
                                noNgqongqotjhe wezeeMali.
                                Imininingwana yebhanka yeeMali eziBhadelwako 
                                zesiBawo semVumo yokuThumela ngaPhandle

                                Ibhanka: Absa
                                Igatja: Heerengracht
                                Ikhodi yegatja: 632 005
                                I-akhawunti: Current
                                Inomboro ye-akhawunti: 4053081071
                                Igama le-akhawunti: Marine Living Resources 
                                Fund: Marine Living Resources Fund
                                Inomboro yereferensi:
                                Sibawa uthintane: no-Chris van der Westhuizen 
                                ku- 021-402 3402 namkha
                                u-Brenda Rutgers ku-021-402 3372
                                [Top]
                                Amaforomo azaliswako
                                Iforomo lesibawo litholakala e-ofisini lomNyango 
                                weeNdaba zeBhoduluko nezokuVakatjha.
                                [Top]
                                Imininingwana yokuthintana


                                Regional offices

                                iPhrovinsi:Western Cape
                                IdorobhaCape Town
                                Umtato:021 ...
                                Ifeksi:021 ...
                                I-adresi yendawo:2nd Floor, Marine and Coastal 
                                Management, Department of Environmental Affairs 
                                and Tourism, Foretrust Building, 
                                Martinhamerschlag Road, Foreshore, Cape Town, 
                                8000
                                I-adresi yeposo:Private Bag X28012, Roggebaai, 
                                Cape Town, 8012











                                Yabuyekezwa kokugcina :26 March 2007





                                    

                                 








                              Ngewebhsayithi |Thintana nathi |Umebhe wesayithi 
                              |Imibandela nobujamo




