﻿Isibawo semali yesondlo



                              Siyakutlhogomela    Singebalapha    
Siyakusebenzela


                              Ilwazi lombuso | www.gov.za  

                                 Imisebenzi eyenzelwa abantuImisebenzi 
                                yeenhlanganoImisebenzi eyenzelwa amaphandle
                                 




                                 Khetha ilimi   AfrikaansEnglish 
                                NdebeleSepediSiswatiSesothoSetswanaTsongaVendaXhosaZulu

                                Isibawo semali yesondlo
                                Ukubhadela imali yesondlo
                                Ukutjhugulula imali yesondlo


                                Ongakhetha kikho
                                 Gadangisa ikhaseli
                                 Thumela ikhaseli nge-e-mail
                                 Faka kokuthandako
                                 Yenza njengekhasi lekhaya




                                Ngewebhsayithi |Thintana nathi |Umebhe wesayithi

                                 >  Ekhaya   >  Imisebenzi eyenzelwa abantu   >  
                                Ukuba mbelethi    >  Isondlo     



                                    

                                Isibawo semali yesondlo    

                                Ihlathululo | Amagadango okufanele alandelwe | 
                                Imithetho esetjenziswako | Amazinga wokusebenza 
                                nesikhathi | Iindleko | Amaforomo azaliswako | 
                                Imininingwana yokuthintana


                                Ihlathululo
                                Isondlo sibopho sokubonelela omunye umuntu, 
                                isibonelo, umntwana, ngendlu, ukudla, izembatho, 
                                ifundo netlhogomelo lezokwelatjhwa, namkha 
                                ngokhunye okungatlhogeka ukunikela ngalezi zinto 
                                eziqakathekileko. Lesi sibopho somthetho 
                                sokondla sibizwa ‘ngesibopho sesondlo’ namkha 
                                ‘ngesibopho sokusekela’.
                                Ngubani okufanele anikele ngesondlo?
                                Isibopho sokondla sisekelwe etjhebiswaneni 
                                leengazi, loku-adoptha namkha eqinisweni 
                                lokobana abantu laba batjhadile.
                                Umntwana kufanele asekelwe namkha ondliwe:
                                babelethi bakhe, nanyana batjhadile, bahlala 
                                bobabili, bahlala ngokuhlukana namkha 
                                bahlukanisile, kufaka ababelethi aba-adopthe 
                                umntwana; kanye/namkha
                                ugogo nobamkhulu bakhe, nanyana ababelethi 
                                bomntwana bebatjhadile. Kodwana lokhu kuhluka 
                                ubujamo nobujamo.
                                Isibopho sokusekela ilunga lomndeni asipheleli 
                                ekusekeleni umntwana. Elinye nelinye ilunga 
                                lomndeni, kungaqalwa ubudala, lingabawa elinye 
                                ilunga ukubasekela namkha ukubondla, kuye 
                                ngokuthi ubujamo obulandelako kuhlangabezwana 
                                nabo:
                                Ilunga lomndeni elifuna ukusekelwa alikghoni 
                                ukuzisekela.
                                Ilunga lomndeni okufunwa kilo imali yesondlo 
                                alikghoni ukubhadela imali yesondlo efunekako.
                                Ngiziphi iindleko ezingafunwa?
                                Ungafuna isekelo elizwakalako elitlhogekako 
                                ukuqalelela umntwana namkha umuntu onelungelo 
                                lesondlo ngezinga lokuphila elifaneleko kanye 
                                nokukhulisa. Lokhu kufaka ukunikela ngezinto 
                                eziqakathekileko ezifana nokudla, izembatho 
                                nendlu, kanye nokubhadela ifundo elungileko. 
                                Ikhotho godu ingalaya uyise womntwana ukufaka 
                                isandla ekubhadelweni kweendleko zokuphila 
                                ukuthoma ngelanga umntwana abelethwa ngalo 
                                ukufika ngelanga okukhutjhwa ngalo umlayo 
                                wesondlo. Ikhotho godu inganikela ngomlayo 
                                wokubhadelwa kweendleko zokwelapha namkha ilaye 
                                bona umntwana atloliswe ehlelweni lezokwelapha 
                                lomunye wabathintekako njengomthembele kibo. 
                                Ukukghonakalisa ikhotho ukunikela ngomlayo 
                                wesondlo olungileko, bobabili abathintekako 
                                kufanele banikele ikhotho ubufakazi beendleko.
                                Umbono wakho ngokuziphatha komunye umbelethi 
                                awunamphumela elungelweni lomntwanakho lokobana 
                                ondliwe. Usezakubhadela isondlo nanyana omunye 
                                umbelethi
                                atjhada butjha
                                azibandakanya kwelinye itjhebiswano
                                angakuvumeli ukubona abantwana
                                aba nabanye abantwana ngokukhamba kwesikhathi.
                                Isibopho sakho sokubhadela imali yesondlo kanye 
                                nelungelo lakho lokufikelela abantwana ziindaba 
                                ezihlukeneko begodu azikhambelani. Ukudlula 
                                lapho, abantwana bomunye nomunye othintekako 
                                abanamthelela esibopheni sokusekela. Kodwana 
                                inani lesondlo elizakubhadelwa lingatjhugululwa 
                                yikhotho nayikuthi omunye wabathintekako 
                                angaletha isibawo.
                                Nawufuna ilwazi elinabileko, yiya ku-website 
                                yomNyango wezoBulungiswa nokuThuthukiswa 
                                komThethosisekelo.
                                [Top]
                                Amagadango okufanele alandelwe
                                Yenza isibawo sesondlo ekhotho kamarhastrada 
                                esiyingini lapho uhlala khona.
                                Nayikuthi uyasola, ikhotho yendawo izakutjela 
                                bona usenze kuyiphi ikhotho isibawo.
                                Tjhinga ekhotho efaneleko bewuzalise iForomo A: 
                                Application for a maintenance order (Isibawo 
                                somlayo wesondlo).
                                Ukungezelela eforomini elizalisiweko, letha 
                                ubufakazi bengeniso yakho yenyanga kanye 
                                neendleko, obufana namarasidi wokuthenga ukudla, 
                                igezi kanye/namkha ukubhadelwa kwesikolodo 
                                serente.
                                Ikhotho izakubeka ilanga wena noziphendulelako 
                                (umuntu ofuna abhadele isondlo) enizakuya ngalo 
                                ekhotho.
                                Isiphathiswa sezondlo kanye nomphenyi 
                                bazakuphenya isibawo sakho sokufuna isondlo 
                                begodu bazakutjheja ubujamo bakho.
                                Ikhotho izakunikela amasamoni (okuyincwadi 
                                ekulaya bona uvele ekhotho) umuntu 
                                oziphendulelako ukuvela ekhotho ngelanga 
                                elithileko ukukhulumisana ngendaba.
                                Umuntu oziphendulelako angavuma ukubhadela imali 
                                efunwako namkha ayiphikise ekhotho.
                                Nayikuthi umuntu oziphendulelako uyavuma 
                                ukubhadela isondlo, umarhastrada uzakubuyekeza 
                                imitlolo leyo. Uzakwenza umlayo begodu 
                                uzakuqunta ukwenza njalo ngaphandle kokubawa 
                                abathintekako ukuvela ekhotho.
                                Nayikuthi umuntu okuthiwa kufanele abhadele 
                                isondlo akavumelani nokukhutjhwa komlayo, 
                                kufanele avele ekhotho, lapho ubufakazi, 
                                abathintekako kanye nabofakazi babo 
                                bazakulalelwa khona.
                                Nayikuthi ikhotho ifumana bona umuntu kufanele 
                                abhadele imali yesondlo, izakwenza umlayo wenani 
                                okufanele libhadelwe. Ikhotho nayo izakuqunta 
                                bona ukubhadelwa kuzakwenziwa nini begodu njani.
                                Indlela yokubhadela
                                Ikhotho ingalaya bona imali yesondlo ibhadelwe 
                                ngenye yeendlela ezilandelako:
                                E-ofisini lakamarhastrada wendawo namkha 
                                e-ofisini elinye lombuso elenzelwe lomnqopho.
                                E-akhawuntini yebhanka namkha ye-building 
                                society ekhonjwe mumuntu othintekako.
                                Bunqopha emuntwini okufanele afumane imali.
                                Ngokusebenzisa umlayo obeka bona umqatjhi nguye 
                                okufanele abhadele isondlo ngokudoswa kwemali 
                                bunqopha emrholweni womsebenzi, ngokukhambisana 
                                nomThetho weSondlo ka-1998 omutjha.
                                 
                                [Top]
                                Imithetho esetjenziswako
                                Maintenance Act, 1998 (Act No. 99 of 1998) 
                                (UmThetho weSondlo) nemiThetjhwana ekhambelanako
                                 
                                [Top]
                                Amazinga wokusebenza nesikhathi
                                Uzakuphathwa ngokulingana nabanye, ngobuntu 
                                nangesithunzi.
                                Iinghonghoyilo zizakuphathwa ngokurhaba 
                                okukghonekako begodu nangeendleko eziphasi.
                                Akunasikhathi esibekiweko salomsebenzi. Yoke 
                                ikambiso, ukuthoma ekulethweni kwesibawo 
                                sokufumana ukubhadelwa kokuthoma kwesondlo, 
                                ingathatha iimveke ezimbalwa, kuye 
                                ngokubambisana phakathi kwabathintekako.
                                Abofakazi abakhambela ukulalelwa, kufaka abantu 
                                abafuna isondlo, bafanele kufumana iimali 
                                ezibekiweko zokusekela nokukhamba. Kodwana, 
                                ikhotho izakuqunta ngokuthanda kwayo ukobana 
                                iimali ezinjalo zibhadelwe umuntu ongakhutjhelwa 
                                umlayo wesondlo na.
                                Umuntu ofuna isondlo kufanele enze isibawo 
                                sokubhadelwa kweemali zabofakazi esiphathisweni 
                                sezondlo.
                                 
                                [Top]
                                Iindleko
                                Awubhadeli litho ngalomsebenzi.
                                 
                                [Top]
                                Amaforomo azaliswako
                                Form A: Application for Maintenance Order 
                                (IsiBawo somLayo weSondlo)
                                Form B: Substitution or Discharge of existing 
                                Maintenance Order (UkuJanyiselelwa namkha 
                                ukuKhutjhwa komLayo oKhona weSondlo)
                                Form C1: Subpoena in terms of Section (9)(2) of 
                                the Maintenance Act, 1998 (Act No. 99 of 1998) 
                                (UkuDoselwa eKhotho ngokuya kwesiGaba (9)(2) 
                                somThetho weSondlo)
                                Form D: Notification to admit Statements by 
                                Witnesses (IsAziso sokuVunywa kweenTatimende 
                                zaboFakazi)
                                Form E: Maintenance Order in terms of section 16 
                                of the Maintenance Act, 1998 (UmLayo weSondlo 
                                ngokuya kwesiGaba 16 somThetho weSondlo)
                                Form F: Notice to make Maintenance Payments on 
                                behalf of person against whom Maintenance Order 
                                was made (IsAziso sokuBhadelwa kweMali yeSondlo 
                                ukwenzela umuntu onikelwe umLayo weSondlo)
                                Form G: Consent and Maintenance Order in terms 
                                of section 17 read with Section 16 of the 
                                Maintenance Act, 1998 (ImVumo nomLayo weSondlo 
                                ngokuya kwesiGaba 17 esifundwa nesiGaba 16 
                                somThetho weSondlo)
                                Form H: Order by Default and Notice in terms of 
                                Section 18 read with Section 16 of the 
                                Maintenance Act, 1998 (UmLayo ngokuNgaphikiswa 
                                kanye nesAziso ngokuya kwesiGaba 18 esifundwa 
                                nesiGaba 16 somThetho weSondlo)
                                Form I: Application for Variation/Setting Aside 
                                of an Order by Default in terms of Section 19 
                                (4) of the Maintenance Act, 1998 (Isibawo 
                                sokuTjhugululwa kaNcani/UkuBekelwa ngeQadi 
                                komLayo ngokuNgaphikiswa ngokuya kwesiGaba 19 
                                (4) somThetho weSondlo)
                                Form J: Notice in terms of Section 19 of the 
                                Maintenance Act, 1998 (IsAziso ngokuya kwesiGaba 
                                19 somThetho weSondlo)
                                Form J: Application for Enforcement of 
                                Maintenance or other Order in terms of Section 
                                26 of the Maintenance Act, 1998 (Isibawo 
                                sokuSetjenziswa kweSondlo namkha omunye umLayo 
                                ngokuya kwesiGaba 26 somThetho weSondlo)
                                Form L: Warrant of execution against Property in 
                                terms of Section 27 of the Maintenance Act 
                                (INcwadi yesiGunyaziso mayelana nePahla ngokuya 
                                kwesiGaba 27 somThetho weSondlo)
                                Form M: Application for Setting Aside of a 
                                warrant of Execution in terms of section 27(3) 
                                of the Maintenance Act, 1998 (Isibawo 
                                sokuBekelwa ngeQadi neNcwadi yesiGunyaziso 
                                ngokuya kwesiGaba 27(3) somThetho weSondlo)
                                Form N: Application for Suspension, Amendment or 
                                Rescission of an Order for the attachment of 
                                Emoluments in terms of Section 28(2) of the 
                                Maintenance Act, 1998 (Isibawo sokuJanyiswa, 
                                ukuTjhugululwa namkha ukuBuyiselwa emVa 
                                kweenLingiso ngokuya kwesiGaba 28(2) somThetho 
                                weSondlo)
                                Form O: Notices to and by Employer in terms of 
                                Section 29 of the Maintenance Act, 1998 (IzAziso 
                                eziya ku nezenziwe mQatjhi ngokuya kwesiGaba 29 
                                somThetho weSondlo)
                                Form P: Application for Suspension, Amendment or 
                                Rescission of an Order for the attachment of 
                                Debts in terms of Section 30(2) of the 
                                Maintenance Act, 1998 (Isibawo sokuJanyiswa, 
                                ukuTjhugululwa namkha ukuBuyiselwa emVa komLayo 
                                wokuThunjwa kwePahla ngokuya kwesiGaba 30(2) 
                                somThetho weSondlo)
                                Form Q: Complaint of Failure to Comply with a 
                                Maintenance Order for purposes of Section 31(1) 
                                of the Maintenance Act, 1998 (IsiNghonghoyilo 
                                sokuBhalelwa kuKhambisana nomLayo weSondlo 
                                ngeminqopho yesiGaba 31(1) somThetho weSondlo)
                                Thintana ne-Ofisi lakaMarhastrada eliseduze, 
                                iKhotho yeSondlo, iKhotho yemiNdeni namkha 
                                umTjhutjhisi weZondlo namkha isiPhathiswa 
                                esiPhenya iZondlo
                                 
                                [Top]
                                Imininingwana yokuthintana


                                Department of Justice: Gender Issues

                                iPhrovinsi:Gauteng
                                IdorobhaPretoria
                                Umtato:012 315 1670
                                Ifeksi:Fax: 012 315 1960
                                I-adresi yendawo:Momentum Building, 329 
                                Pretorius Street (c/o Pretorius and Prinsloo 
                                Streets) Pretoria, 0001
                                I-adresi yeposo:Private Bag X81, Pretoria, 0001

                                Web:www.doj.gov.za


                                Maintenance Project Manager for children’s 
                                maintenance and other maintenance issues

                                iPhrovinsi:Gauteng
                                IdorobhaPretoria
                                Umtato:012- 315 1656/1856/1854/ 1855
                                Ifeksi:012 315 1851
                                I-adresi yendawo:Momentum Building, 329 
                                Pretorius Street (c/o Pretorius and Prinsloo 
                                Streets) Pretoria, 0001
                                I-adresi yeposo:Private Bag X81, Pretoria, 0001

                                Web:www.doj.gov.za









                                     Sibawa ukhethe kunye: 
                                National
                                Eastern Cape
                                Free State
                                Gauteng
                                KwaZulu-Natal
                                Limpopo
                                Mpumalanga
                                North West
                                Northern Cape
                                Western Cape







                                    

                                 








                              Ngewebhsayithi |Thintana nathi |Umebhe wesayithi 
                              |Imibandela nobujamo




