﻿ISINDEBELE 

IPHASPOTI YAKHO YEZELULEKWANA ZOKUPHEPHA KUBATHATHI MAHOLIDE

NGAPHAMBI KOBANA UKHAMBE UYE EHOLIDEYINI ? THATHA NAKA AMAGADANGO ALULA:
* Nawuya eholideyini yenza bona:-
           - omunye umuntu uthulula ibhokisi lakho leposo;
           - ukulethwa kwephephandaba kuyajanyiswa;
           - wazisa abomakhelwana bakho; begodu
  - ubika emapholiseni.
* Ususe izinto ezinenani eliphezulu  namkha ezidosa ikareko emafesdirini
* Qiniseka bona iingidi kunye nobukhazikhazi bubekwa esisefeni kude nepahla yakho.
* Ungarabhela godu umngani bona agunde utjani bakho begodu namkha aphage ikoloyi yakhe endledlaneni yakho yekoloyi.
* Ungavali amarharideni namkha iimvalilanga ngombana lokhu kusitjengiso samambala bona indawakho ayinamuntu.
* Khiya igaratjhi yakho ngelogo eqinileko.
* Ungakhambi usabalalisa amahlelwakho weholideyi.
* Ungatjhiyi izinto ezincani ezinenani eliphezulu ezinjengobukhazikhazi, amawatjhi, imirhatjho ephathwako, izembatho, amakhamera namkha iinkhwanyana zemali ngaphakathi lapho zingalalanyelwa khona ngamafesidiri avuliweko ? nanyana ungaba namafesidiri akhandela ukungena ngeensimbi.
* Utjhiye amakhophi weenomboro zephaspoti zitaya, incwadi yokutjhayela, amakarada wokuthenga ngesikolodo kunye namatjhege wokukhamba kumngani namkha isihlobo ngombana ungase ufune ukuwajamiselela. 

NAWUSEHOLIDEYINI - THATHA NAKA AMAGADANGO ALULA: 
EHOTELA / LAPHO UHLALA KHONA:
* Ungalingi utjhiye imithwalo ingakagadwa.
* Beka izinto eziqakathekileko ebhokisini lehotela lokuphepha.
* Hlala ukhiye indlu yakho, nawukhona namkha uphumile.
* Nakukhona okokodako, hlola bona ngubani ngaphambi kokuvula.
* Tjhiya amakhiya ngaso soke isikhathi nawuphuma  ehotela.
* Tjheja abantu abangakalindelwa nabeza endlini yakho ehotela. Ungalingi uvulele bemisebenzi yendlini ongakayibawi umnyango. Tjhinga edeskini eliphambili nawunokuzaza.
* Qiniseka bona umthwalo wakho unikelwa kuphela ilunga labasebenzi behotela begodu uthola nerasidi ngomthwalo obekwako.
* Ungalingi utjhiye imali, amatjhege, amakarada wokuthenga ngesikolodo namkha amakhiya wekoloyi ngendlini yakho. Khamba nazo lezinto. 

ENDLELENI:  
* Balekela ukutjengisa okudluleleko ngobukhazikhazi obubiza khulu, amakhamera kunye nokhunye okubizako.
* Akusi kuhle ukukhamba uphethe imali enengi.
* Ebusuku, linga ungakhambi emnyameni namkha eendaweni ezifihlakeleko.
* Kungcono ukuzuma ngeenqhema begodu nihlale nikhamba eentradeni ezikhanya kuhle nezinabantu.
* Tlama indlela yakho kusenesikhathi.
* Ipholisa lomthetho namkha lendlela linganirhelebha ukunitjengisa indlela nanilahlekako. 
* Nawufuna ukubiza itekisi, ihotela yakho namkha i-ofisi eliseduze lezokuvakatjha lingakuyelelisa ngemisebenzi ethembekako.
* Faka isikhwanyana sakho semali namkha umaliledinini ngaphakathi kwembaji namkha ngesikhwameni sebhrugu sehlangothi, ingasi esikhwameni sangemuva.
* Ungazikhangisi bona usivakatjhi.
* Ungajami unikela imali kilabo ababawa ukudla namkha imali.
* Tjheja ibhoduluko lakho nalabo abaseduze kwakho, nawuzizwa uthuseleka namkha ungakhululeki, funa irhelebho.

NGEKOLOYINI 
* Hlala uvale iminyango yekoloyi ngasosoke isikhathi begodu uvale namafesdiri.
* Khiyelela izinto eziqakathekileko ngebhudini yekoloyi.
* Ebusuku, phaga endaweni ekhanyako.
* Ungakhambi ulayitjha abantu ongabaziko.
* Nawuzazako ngokuphepha kwendawo, dosela umtato isitetjhi samapholisa khona uzakuthola isiyeleliso.
* Nawulahlekako, tjhayela uye endaweni eseduze yomphakathi ukuqalisisa umebhe wakho.

EENTHUTHINI ZOMPHAKATHI 
* Sebenzisa iintopo ezikhanya kuhle nezinabantu. Jama hlanu kwabanye abakhweli. Hlala hlanu komtjhayeli.
* Hlala utjhejile. Ungalali endleleni.
* Nakukhona okutlhorisako, banga itjhada elikhulu / betha itshwayo lerhelebho elirhabako.

IZELULEKWANEZI ZOKUPHEPHA ZIVEZWE YI-SAPS, IHLANGOTHI LOKUKHANDELWA KOBULELESI, ISIPHOLISA ESIBONAKALAKO, IMISEBENZI YOMPHAKATHI, EKAREKWENI EKULU YOMPHAKATHI KUNYE NABAVAKATJHI BANGAPHANDLE.  





i
i Td42-02047Eng-Nde:Holiday Hints-SAPS
??

??

??

??

1


1


