﻿Imvumo nokubuyiselwa emva kwemvumo yoku-adoptha yombelethi namkha umondli womntwana



                              Siyakutlhogomela    Singebalapha    
Siyakusebenzela


                              Ilwazi lombuso | www.gov.za  

                                 Imisebenzi eyenzelwa abantuImisebenzi 
                                yeenhlanganoImisebenzi eyenzelwa amaphandle
                                 




                                 Khetha ilimi   AfrikaansEnglish 
                                NdebeleSepediSiswatiSesothoSetswanaTsongaVendaXhosaZulu

                                Ukutloliswa kokuadoptha
                                Isibawo sokuadoptha umntwana
                                Isibawo sokuadoptha umntwana okhuliswako
                                Imvumo nokubuyiselwa emva kwemvumo yokuadoptha 
                                yom
                                Isaziso sokusulwa isibawo sokubuyiselwa emva 
                                komla


                                Ongakhetha kikho
                                 Gadangisa ikhaseli
                                 Thumela ikhaseli nge-e-mail
                                 Faka kokuthandako
                                 Yenza njengekhasi lekhaya




                                Ngewebhsayithi |Thintana nathi |Umebhe wesayithi

                                 >  Ekhaya   >  Imisebenzi eyenzelwa abantu   >  
                                Ukuba mbelethi    >  Ukuadoptha umntwana    



                                    
                                Imvumo nokubuyiselwa emva kwemvumo yoku-adoptha 
                                yombelethi namkha umondli womntwana    

                                Ihlathululo | Amagadango okufanele alandelwe | 
                                Imithetho esetjenziswako | Amazinga wokusebenza 
                                nesikhathi | Iindleko | Amaforomo azaliswako | 
                                Imininingwana yokuthintana


                                Ihlathululo
                                Imvumo yimvumo etloliweko enikelwa abangahle 
                                babe babelethi aba-adopthako uku-adoptha 
                                umntwana. Imvumo inganikelwa babelethi, umondli 
                                womntwana namkha mntwana. Umntwana angaphikisa 
                                imvumo yoku-adoptha nayikuthi uneminyaka eli-10 
                                namkha ngaphezulu. Kungaqalwa iinjamiso zomunye 
                                umthetho, umbelethi womntwana unelungelo 
                                lokubuyisela emva imvumo enjalo amalanga ama-60 
                                ngemva kokunikela ngayo. Ikhotho yabantwana 
                                angeze yenza omunye umlayo woku-adoptha 
                                ngaphambi kokuphela kwesikhathi samalanga 
ama-60.
                                 
                                Ubujamo okungafunwa ngabo umlayo woku-adoptha
                                ebujameni lapho ababelethi bomntwana 
                                bahlongakele begodu kungakakhonjwa umondli 
                                womntwana.
                                umbelethi akakghoni ukunikela imvumo -

                                ngebanga lokugula ngokwegqondo;
                                olahle umntwana begodu nokungaziwako bona 
                                ukuphi; namkha
                                utlhorise umntwana ngokomzimba, emmoyeni namkha 
                                ngokomseme, umphethe kumbi; namkha wavumela bona 
                                abethwe, aphathwe kumbi, namkha atlhoriswe;
                                ubange namkha urhelebhe ukuletha ukuvuswa 
                                kwemizwa khona kuzakuyiwa emsemeni nomntwana, 
                                ukuthumba namkha ukusetjenziselwa zomseme 
                                komntwana namkha ukulaya umntwana ukwenza izenzo 
                                zokungaziphathi kuhle;
                                ubambe imvumo yakhe ngokungazwakaliko;
                                ngomntwana obelethelwe ngaphandle komtjhado 
                                ubhalelwe ukuvuma ukobana ungubaba womntwana 
                                namkha ngaphandle kwebanga elizwakalako 
                                ubhalelwe kukwenza imisebenzi yokuba ngubaba 
                                emntwaneni obelethelwe ngaphandle komtjhado 
                                namkha owenziwa etjhebiswaneni lokuthadana 
                                kweenhlobo nonina;
                                nguyise lomntwana owabelethelwa ngaphandle 
                                komtjhado begodu yena (uyise) wafunyanwa 
                                anomlandu wokukata namkha wokubetha unina 
                                lomntwana;
                                namkha ngemva kokubuza kwekhotho yabantwana 
                                kulandela isolo eyenziwe ngunina lomntwana, 
                                yathola (ngekghonakalo) bona ukate namkha ubethe 
                                unina lomntwana:
                                Kuye ngokuthi iphenyo elinjalo elizakubumba 
                                ukufunywana umlandu emlandwini wobulelesi namkha 
                                ukutlhorisa;
                                namkha umntwana owabelethwa ngaphandle komtjhado 
                                ubhalelwe kuphendula, kungakapheli amalanga 
                                ali-14, esazisweni anikelwe sona njengombana 
                                kuhlosiwe ngenzasi.
                                 
                                Inothisi yemvumo ye-adopshini
                                Nayikuthi mbelethi munye kuphela onikele 
                                ngemvumo, begodu omunye umbelethi akatholakali 
                                ukunikela ngemvumo, ukomitjhinara uzakufakazela 
                                (ukuqinisekisa) imvumo enjalo begodu anikele 
                                ngesaziso komunye umbelethi kungakapheli 
                                amalanga ali-14. Isaziso sazisa umbelethi bona 
                                imvumo inikelwe begodu imnikela ithuba

                                lokunikela ngeyakhe imvumo namkha lokwala nayo;
                                namkha anikele ngamabanga wokobana kungani 
                                imvumo yakhe kufanele ifunyanwe begodu kungeze 
                                umlayo wanikelwa ngaphandle kwayo
                                namkha wenze isibawo somlayo woku-adoptha 
                                nayikuthi ngubaba wemvelo begodu umntwana 
                                wabelethelwa ngaphandle komtjhado.
                                Nayikuthi unina lomntwana owabelethelwa 
                                ngaphandle komtjhado uyalivuma itjhuguluko 
                                lemininingwana yamabeletho womntwana, ubaba 
                                lomntwana kufanele aziswe. Kufanele enze 
                                amatjhuguluko afaneleko kungakapheli amalanga 
                                ali-14 wokufumana isaziso.
                                Nayikuthi unina lomntwana akalivumi itjhuguluko 
                                lemininingwana yokutloliswa kwamabeletho 
                                womntwana, umuntu ofuna ukuvuma bona unguyise 
                                lomntwana lowo kufanele enze isibawo ekhotho 
                                yabantwana efaneleko bona afumane umlayo 
                                wesifungo oqinisekisa bona nguye uyise lomntwana 
                                begodu ifuneko yokuvuma ebuya kunina 
ayithlogeki.
                                Isaziso esibuya kuyise wemvelo obelethelwe 
                                ngaphandle komtjhado ngiyo yodwa into efunekako 
                                nayikuthi

                                uyise uvumile, ngomtlolo, ukuba nguyise 
                                lomntwana; begodu nayikuthi ufake imininingwana 
                                yakhe ekutlolisweni kwamabeletho womntwana 
                                begodu uqinisekisa bona imininingwana ilungile 
                                ngazo zoke iinkhathi;
                                namkha unina lomntwana, ngesinye nesinye 
                                isikhathi; namkha unina lomntwana, ngesikhathi 
                                sokunikela imvumo,

                                aqinisekise, ngomtlolo, bona uyise lomntwana 
                                uvume ukuba ngubaba lomntwana;
                                begodu wenze ukwaziwa kwakhe nalapho 
                                atholalakala khona kwaziwe;
                                namkha isisebenzi sezehlalakuhle siletha umbiko 
                                oqinisekisa bona ngubani uyise nokobana ukuphi 
                                kukomitjhinara ofakazele (oqinisekisileko) 
                                imvumo kanina; namkha ekhotho yabantwana lapho 
                                isibawo soku-adoptha senziwe khona. Lombiko 
                                kufanele ulethwe kungakapheli amalanga ama-60 
                                ngemva kobana unina anikele ngemvumo, namkha 
                                kwesinye nesinye isikhathi ngaphambi kobana 
                                ikhotho yabantwana inikele ngomlayo 
woku-adoptha.
                                 
                                Umbelethi onikele ngemvumo kufanele azise 
                                ukomitjhinara ngemva kokufakazelwa kwemvumo 
                                yakhe.
                                 
                                Nawufuna ilwazi elinabileko, yiya ku-website 
                                yomNyango wezoBulungiswa nokuThuthukiswa 
                                komThethosisekelo.
                                 
                                [Top]
                                Amagadango okufanele alandelwe
                                Ukunikela imvumo:
                                Nayikuthi umbelethi namkha umondli womntwana, 
                                zalisa iForomo 12, Imvumo yombelethi namkha 
                                umondli yokuqintela uku-adopthwa komntwana (Form 
                                12, Consent by parent or guardian to tie 
                                adoption of a child); begodu nayikuthi umntwana, 
                                zalisa iForomo 13, Imvumo yomntwana yokuvumela 
                                uku-adopthwa (Form 13, Consent by child to 
                                adoption.
                                Imvumo kufanele itlolwe phasi. Nayikuthi 
                                inikelwa eSewula Afrika, umuntu namkha abantu 
                                abanikela imvumo kufanele bayitlikitle phambi 
                                kwakakomitjhinara wezehlalakuhle yabantwana, 
                                ozakufakazela imvumo.
                                Imvumo enikelwa ngaphandle kweSewula Afrika 
                                kufanele itlikitlwe beyifakazelwe phambi 
                                komzenda namkha imitjhini yeSewula Afrika, 
                                namkha ijaji, umarhastrada, u-justice of the 
                                peace namkha isiphathiswa somphakathi senarha 
                                ethintekako.
                                Nanyana imvumo kufanele ibe namagama wababelethi 
                                abahlongozwako, ikhotho yabantwana ingamukela 
                                imvumo yababelethi bomntwana namkha umondli 
                                enganamagama wababelethi aba-adopthako nayikuthi 
                                iyaneliswa bona kusekarekweni ehle yomntwana 
                                bona yenziwe njalo.
                                 
                                Ukubuyisela emva imVumo eTloliweko
                                 
                                Ukubuyisela emva imVumo eTloliweko kufanele 
                                kwenziwe ngomtlolo. Nayikuthi umbelethi namkha 
                                umondli womntwana, zalisa iForomo 12A, 
                                Ukubuyiselwa emva kwemvumo yoku-adoptha 
                                yombelethi namkha umondli womntwana (Form 12A, 
                                Withdrawal of consent to adoption by parent or 
                                guardian of child) phambi komunye nomunye 
                                ukomitjhinara kungakapheli amalanga ama-60 
                                ngemva kokunikela isaziso leso.
                                Nayikuthi umntwana, zalisa iForomo 13A phambi 
                                komunye nomunye ukomitjhinara ngaphambi kobana 
                                umlayo woku-adoptha wenziwe yikhotho yabantwana.
                                Nakungenzeka imvumo ibuyiselwe emva kwesinye 
                                isiyingi ngaphandle kwesiyingi okwakhutjhwa kiso 
                                umlayo namkha lapho isibawo soku-adoptha 
                                sizakulalelwa khona, ukomitjhinara khonokho

                                uzakwazisa ikhotho efaneleko nesisebenzi 
                                sezehlalakuhle (nayikuthi siyaziwa) bona 
                                kukiyiphi ikhotho lapho kuzakulalelwa khona 
                                uku-adoptha;
                                namkha uzakwazisa ukomitjhinara ofakazele imvumo 
                                (nayikuthi uyaziwa) bona kukiyiphi ikhotho lapho 
                                isibawo soku-adoptha sizakulalelwa khona.
                                 
                                Ukomitjhinara khonokho uzakufanisa ikhotho lapho 
                                isibawo soku-adoptha sizakulalelwa khona abe 
                                azise ikhotho nesisebenzi sezehlalakuhle 
                                ngokubuyiselwa emva.
                                 
                                [Top]
                                Imithetho esetjenziswako
                                Child Care Act, 1983 (Act 74 of 1983) (UmThetho 
                                wokuTlhogonyelwa kwabaNtwana)
                                 
                                [Top]
                                Amazinga wokusebenza nesikhathi
                                Isikhathi esibekelwe ukusetjenzwa kwesibawo 
                                soku-adoptha siyame ekuraraneni kwendaba.
                                Ngaphambi kobana ukomitjhinara afakazele imvumo, 
                                kufanele azise umuntu onikela ngemvumo

                                ngemiphumela yezomthetho yoku-adoptha;
                                bonyana, ebujameni bemvumo yombelethi, umbelethi 
                                othintekako angabuyisela emva imvumo ngomtlolo 
                                eForomoni 12A phambi kwakakomitjhinara omunye 
                                nomunye kwesinye nesinye isikhathi kungakapheli 
                                amalanga ama-60 ngemva kokunikela imvumo enjalo;
                                bona, ebujameni bemvumo yomntwana, umntwana 
                                othintekako angabuyisela emva imvumo ngomtlolo 
                                eForomini 13A phambi komunye nomunye 
                                ukomitjhinara kwesinye nesinye isikhathi 
                                ngaphambi kobana umlayo woku-adoptha wenziwe 
                                yikhotho yabantwana;
                                begodu umuntu othintekako (umuntu ofisa 
                                uku-adoptha umntwana) angabakhona lokha isibawo 
                                soku-adoptha sitjhejwako ngaphandle kwalokha 
                                ikhotho, ngokuqunta kwayo, imnikela imvumo 
                                yokubakhona ngombana inombono wokobana 
                                ukubakhona kwakhe kuzakuba sekarekweni 
yomntwana.
                                 
                                [Top]
                                Iindleko
                                Awubhadeli litho ngalomsebenzi.
                                 
                                [Top]
                                Amaforomo azaliswako
                                Form 12: Consent by parent or guardian to tie 
                                adoption of a child (Imvumo yombelethi namkha 
                                umondli yokuqintela uku-adoptha umntwana)
                                Form 12A: Withdrawal of consent to adoption by 
                                parent or guardian of child (Ukubuyiselwa emva 
                                kwemvumo yoku-adoptha yombelethi namkha umondli 
                                womntwana)
                                Form 12B: Adoption of foster child (Uku-adopthwa 
                                komntwana okhuliswako)
                                Form 13: Consent by child to adoption (Imvumo 
                                yomntwana yokuvumela uku-adopthwa)
                                Form 13A: Withdrawal of consent to adoption by 
                                child (Ukubuyiselwa emva kwemvumo yoku-adoptha 
                                yomntwana, alitholakali ku-inthanethi kodwana 
                                lingafunyanwa eKhotho kaMarhastrada)
                                 
                                [Top]
                                Imininingwana yokuthintana


                                     Sibawa ukhethe kunye: 
                                National
                                Eastern Cape
                                Free State
                                Gauteng
                                KwaZulu-Natal
                                Limpopo
                                Mpumalanga
                                North West
                                Northern Cape
                                Western Cape




                                Yabuyekezwa kokugcina :25 January 2007





                                    

                                 








                              Ngewebhsayithi |Thintana nathi |Umebhe wesayithi 
                              |Imibandela nobujamo




