﻿Imisebenzi yokuvikelwa kwabantwana



                              Siyakutlhogomela    Singebalapha    
Siyakusebenzela


                              Ilwazi lombuso | www.gov.za  

                                 Imisebenzi eyenzelwa abantuImisebenzi 
                                yeenhlanganoImisebenzi eyenzelwa amaphandle
                                 




                                 Khetha ilimi   AfrikaansEnglish 
                                NdebeleSepediSiswatiSesothoSetswanaTsongaVendaXhosaZulu

                                Imisebenzi yokuvikelwa kwabantwana
                                Imisebenzi yokusekelwa kwemindeni
                                Ukubika ukutlhoriswa namkha ukuphathwa kumbi 
                                kwaba


                                Ongakhetha kikho
                                 Gadangisa ikhaseli
                                 Thumela ikhaseli nge-e-mail
                                 Faka kokuthandako
                                 Yenza njengekhasi lekhaya




                                Ngewebhsayithi |Thintana nathi |Umebhe wesayithi

                                 >  Ekhaya   >  Imisebenzi eyenzelwa abantu   >  
                                Ukuba mbelethi    >  Ukutlhoriswa kwabantwana    
                                 



                                    

                                Imisebenzi yokuvikelwa kwabantwana    

                                Ihlathululo | Amagadango okufanele alandelwe | 
                                Imithetho esetjenziswako | Amazinga wokusebenza 
                                nesikhathi | Iindleko | Amaforomo azaliswako | 
                                Imininingwana yokuthintana


                                Ihlathululo
                                Abantwana abaneminyaka efika kweli-18 kufanele 
                                bavikelwe. Ukuvikelwa kwabantwana kwenziwa 
                                sisebenzi sezehlalakuhle, ipholisa namkha 
                                siphathiswa esigunyaziweko esingathatha umntwana 
                                simuse endaweni yokuphepha ngaphandle kwewaranti 
                                nayikuthi sinebanga lokukholwa bonyana umntwana 
                                utlhoga itlhogomelo labantwana.
                                Umntwana utlhoga itlhogomelo nayikuthi:
                                ungaphasi kweminyaka eli-18 ubudala
                                akanababelethi, isibonelo, abantwana 
                                abazintandana ngebanga le-HIV/AIDS
                                akanababelethi namkha umondli ongatholakaliko
                                ulahliwe namkha akanandlela yesekelo
                                utjengisa ukuziphatha okungeze kwalawulwa 
                                babelethi bakhe namkha mumuntu omtlhogomelako.
                                uhlala ebujameni obungabanga namkha obufanele 
                                ukudoswa kwakhe ngakwezomseme, ukuthunjwa namkha 
                                ukusetjenziselwa kumbi zomseme.
                                uhlala ebujameni namkha uvezelwe ebujameni 
                                obungamlimaza kumbi emzimbeni, engqondweni 
                                namkha ekuphileni kuhle kwakhe
                                usebujameni bokungatjhejwa ngokomzimba namkha 
                                ngokwengqondo
                                utlhoriswe ngokomzimba, ngokommoya namkha 
                                ngokomseme namkha uphethwe kumbi babelethi 
                                bakhe, umondli namkha umuntu omtlhogomelako.
                                uphethwe kungondleki.
                                Abantwana godu bavikelwa nayikuthi bavela 
                                ekhotho begodu kuyavela ngesikhathi seenkambiso 
                                zekhotho bona umntwana akanambelethi namkha 
                                umondli. Abantwana bangathathwa basiwe endaweni 
                                yokuphepha begodu balethwe ezikweni lekhotho 
                                lokubuza nayikuthi kusekarekweni yokuphepha 
                                nehlalakuhle yabo kanye naleyo yekhotho.
                                Ngubani ongabika abantwana abatlhoga ukuvikelwa?
                                Omunye nomunye osola bona umntwana uphethwe 
                                kumbi namkha ulimele. Ungaba
                                ngudorhodera wamazinyo
                                ngudororhodera
                                ngunese
                                sisebenzi sezehlalakuhle
                                ngutitjhere
                                uqatjhwe namkha uphethe ikhaya labantwana, 
                                indawo yokutlhogomela, indawo yokuphephela 
                                namkha indawo lapho uhlola, utjheje namkha 
                                uqalane nobujamo obungenza usole bona umntwana 
                                uphathwa kumbi namkha ulimele (kunye namkha 
                                okunengi, unobangela obekungaba ngewangabomu) 
                                namkha ubulwelwe bokungondleki.
                                Nawufuna ilwazi elinabileko, yiya ku-website 
                                yomNyango wokuThuthukiswa kwezeHlalakuhle
                                [Top]
                                Amagadango okufanele alandelwe
                                Yazisa isisebenzi sezehlalakuhle esiseduze 
                                namkha umNyango wokuThuthukiswa kwezeHlalakuhle 
                                nawusola bona umntwana uphathwa kumbi.
                                Isisebenzi sezehlalakuhle sizakwenza iphenyo 
                                sitjheje ukuphathwa kumbi ukuqinisekisa 
                                nokulinganisa ubudisi nezinto zengozi 
                                ezikhambelana nokuphathwa kumbi. Isisebenzi 
                                sezehlalakuhle sizakwenza umbiko ngobujamo 
                                bomntwana. Umbiko uzakwethulwa ngaphambi 
                                kwekhotho.
                                Ngokuya kokufunyenweko ikhotho ingenza 
                                okulandelako:

                                Ingalaya bona umntwana abuyiselwe namkha ahlale 
                                nababelethi bakhe (namkha nayikuthi ababelethi 
                                bahlukene ngebanga lesahlukaniso, umbelethi 
                                okhonjwe yikhotho), umondli, namkha umuntu 
                                obekunguye okhulisa umntwana ngaphambilini 
                                ngaphambi kokuthoma kweenkambiso, ngaphasi 
                                kwelihlo lesisebenzi sezamaphilo.
                                Ingalaya bona umntwana abekwe etjhejweni 
                                lombelethi ozamkhulisa ofaneleko okhonjwe 
                                yikhotho ngaphasi kwelihlo lesisebenzi 
                                sezehlalakuhle.
                                Ingalaya bona umntwana athunyelwe ekhaya 
                                labantwana elikhonjwe Mnqophisi Mazombe.
                                Ingalaya bona umntwana athunyelwe esikolweni 
                                samabubulo esikhonjwe Mnqophisi Mazombe.
                                [Top]
                                Imithetho esetjenziswako
                                Child Care Act, 1983 (Act 74 of 1983) (umThetho 
                                wokuTlhogonyelwa kwabaNtwana)
                                 
                                [Top]
                                Amazinga wokusebenza nesikhathi
                                Isisebenzi sezehlalakuhle (ngemva kokufumana 
                                isaziso) kufanele siphenye indaba kungakapheli 
                                ama-awara ama-72.
                                Ukulinganiswa kufanele kwenziwe kwezokuphepha 
                                namkha ubumbi nezinto eziyingozi mayelana 
                                nobujamo bomntwana.
                                Omunye nomunye umntwana olethwa ngaphambi 
                                kwekhotho yabantwana kufanele ayokuhlolelwa 
                                zamaphilo ngudorhodera wesiyingi.
                                Bobabili umntwana nomndeni kufanele balungele 
                                ukuyokuvela ekhotho ngeendaba zabantwana 
                                nobulelesi.
                                Umlayo wekhotho yabantwana usebenza isikhathi 
                                seminyaka emibili, ngemva kwalokho ubujamo 
                                bomntwana buyabuyekezwa.
                                Umntwana nomndeni kufanele bathinteke 
                                ekambisweni khona bazakuba yingcenye yokutlama 
                                igadango elizakuthathwa.
                                Umntwana nomndeni kufanele baziswe ngemiphumela 
                                yokulalelwa ekhotho.
                                 
                                [Top]
                                Iindleko
                                Awubhadeli litho ngalomsebenzi.
                                 
                                [Top]
                                Amaforomo azaliswako
                                Amaforomo wesibawo azaliswa kuphela 
                                ngabawufundeleko umsebenzi namkha yikhotho 
                                begodu atholakala emNyangweni wokuThuthukiswa 
                                kwezeHlalakuhle.
                                I-Form 4 – Warrant to Remove and Place Child in 
                                Place of Safety (IsiGunyazo sokuSuswa nokuBekwa 
                                komNtwana eNdaweni yokuPhepha).
                                Iforomeli kufanele lizaliswe ngowufundeleko 
                                umsebenzi ofana nesisebenzi sezehlalakuhle, 
                                ipholisa, namkha isiphathiswa esigunyaziweko 
                                (esikhonjwe nguKomitjhinara wezeHlalakuhle 
                                yabaNtwana).
                                Medical forms: J 88 (Amaforomo wezokwelapha J 88 
                                akhutjhwa lipholisa lekhotho yobulelesi)
                                Form 7 A and B – Medical Report/Age assessment 
                                of child (UmBiko wezokweLapha/ukuLinganiswa 
                                kobuDala bomntwana (wesilinganiso sobudala 
                                nokuhlolwa kwezamaphilo)
                                Womabili amaforomo kufanele azaliswe 
                                ngudorhodera wesiyingi.
                                Form 25 – Notification of ill treatment (isaziso 
                                sokuphathwa kumbi).
                                Iforomeli lizaliswa ngudorhodera wamazinyo, 
                                udorhodera, inese, isisebenzi sezehlalakuhle, 
                                utitjhere namkha omunye nomunye umuntu oqatjhwe 
                                likhaya labantwana, indawo enikela itlhogomelo 
                                namkha yokuphephela.
                                Leli lilwazi elisisekelo negadango lokuthoma 
                                lokufakwa eRhemeni lokuVikelwa kwabaNtwana.
                                Z1506 – Notification of child suffering from a 
                                nutritional deficiency disease (Isaziso 
                                somntwana ophethwe bulwelwe bokungondleki)
                                Z1476 – Removal of child from a place of safety 
                                (Ukususwa komntwana asiwe endaweni yokuphephela)
                                Woke amaforomo akhambelana nekhotho azaliswa 
                                ngumabhalana wekhotho.
                                 
                                [Top]
                                Imininingwana yokuthintana


                                     Sibawa ukhethe kunye: 
                                National
                                Eastern Cape
                                Free State
                                Gauteng
                                KwaZulu-Natal
                                Limpopo
                                Mpumalanga
                                North West
                                Northern Cape
                                Western Cape




                                Yabuyekezwa kokugcina :26 January 2007





                                    

                                 








                              Ngewebhsayithi |Thintana nathi |Umebhe wesayithi 
                              |Imibandela nobujamo




