Imisebenzi yabantu abaphila ne-HIV ne-AIDS (ama-PLWA)



                              Siyakutlhogomela    Singebalapha    
Siyakusebenzela


                              Ilwazi lombuso | www.gov.za  

                                 Imisebenzi eyenzelwa abantuImisebenzi 
                                yeenhlanganoImisebenzi eyenzelwa amaphandle
                                 




                                 Khetha ilimi   AfrikaansEnglish 
                                NdebeleSepediSiswatiSesothoSetswanaTsongaVendaXhosaZulu

                                Imisebenzi yabantu abaphila neHIV neAIDS amaPLWA


                                Ongakhetha kikho
                                 Gadangisa ikhaseli
                                 Thumela ikhaseli nge-e-mail
                                 Faka kokuthandako
                                 Yenza njengekhasi lekhaya




                                Ngewebhsayithi |Thintana nathi |Umebhe wesayithi

                                 >  Ekhaya   >  Imisebenzi eyenzelwa abantu   >  
                                Abatjha   >  IHIV neAIDS    



                                    

                                Imisebenzi yabantu abaphila ne-HIV ne-AIDS 
                                (ama-PLWA)    

                                Ihlathululo | Amagadango okufanele alandelwe | 
                                Imithetho esetjenziswako | Amazinga wokusebenza 
                                nesikhathi | Iindleko | Amaforomo azaliswako | 
                                Imininingwana yokuthintana


                                Ihlathululo
                                I-HIV/AIDS ibeka umthwalo omkhulu emindenini 
                                esele ithwele budisi ngobujamo bezokuhlalisana 
                                nomnotho nomtlhago. Abantu abaphila ne-HIV/AIDS 
                                bavamise ukubandlululwa nokunyazwa.
                                UmNyango uzimisele ukwenza ipilo engcono 
                                ebantwini abatlhagako, abasengozini 
                                nababandlululwako emphakathini ukuqinisekisa 
                                bona iindingo zabo ezisisekelo zokudla, indawo 
                                yokuphephela, ifundo netlhogomelo lezamaphilo 
                                ziyahlangabezwa.
                                Iinqhema ezisengozini ezifunelwa lemisebenzi 
                                zifaka:
                                Abantwana, abatjha, abomma, abantu abadala 
                                nabantu abarholopheleko.
                                Iinqhema ezingenwe nezithintwa yi-HIV/AIDS
                                Abantu abaphila ne-HIV/AIDS nemindeni yabo
                                Amakhaya aphethwe bantwana nalawo aphethwe 
                                bophuhlaponjwana namaja
                                Amakhaya aphethwe babantu abadala neentandana
                                Imisebenzi eyenzelwa abaNtu abaPhila ne-AIDS 
                                (ama-PLWA) enikelwa mNyango ifaka imisebenzi 
                                ezeleko ngokusebenzisa itlhogomelo elizeleko 
                                lemakhaya namkha itlhogomelo elisemphakathini 
                                elifaka okulandelako:
                                Ukunikelwa kwetlhogomelo, irhelebho lezengqondo 
                                nesekelo labantu abaphila ne-HIV/AIDS. Lokhu 
                                kufaka iindaba eziphathelene nokunyaza 
                                nokubandlululwa; ukudla okunepilo, 
                                okubhalansileko nokunezakhamzimba; ukunikelwa 
                                kokudla okukhethekileko okunamaphrotheyini 
                                ukuqinisekisa idayethi enamaphrotheyini 
                                amanengi; ukuzibandakanya emaphrojekthini 
                                wokwenza ingeniso.
                                Ukufaniswa kusese nesikhathi kwabantwana 
                                nemindeni etlhogako.
                                Ukulungisa iindingo zamakhaya aphethwe bantwana.
                                Ukuthintaniswa kwemindeni nabanikeli 
                                betlhogomelo namahlelo wokuphelisa umtlhago.
                                Ukunikelwa kwamaphasela wokudla neengezeleli 
                                kudla.
                                Ukuhlonywa kweenqhema zokusekela nokuphuhliswa 
                                kokwabelana ngelwazi.
                                Ukunikelwa kwerhelebho lezengqondo, ukwethuka 
                                nokupholisa.
                                Ukukhuthaza ama-PLWA ukugcina iincwadi 
                                zokukhumbuza, iindaba zomndeni nama-athikili 
                                angomuntu kanye nokugwala amawili ukugcina 
                                ukuragela phambili komndeni.
                                Ukunikelwa kwelwazi ukuqinisa ukufikelela 
                                zokuhlalisana, ifundo, izindlu izinto 
                                nemisebenzi yetlhogomelo lezokwelapha.
                                Ukubuthelelwa kwabantu abatjha, abomma nabobaba 
                                ukuzibandakanya ekulwiseni i-HIV/AIDS.
                                Iinhlangano zomphakathi kanye nezingenzi inzuzo 
                                godu ezifaka ukunikelwa kwemisebenzi 
                                yezehlalakuhle kuma-PLWA zifaka:
                                Iinhlangano okungasizo zombuso
                                Iinhlangano ezitholakala emphakathini
                                Iinhlangano ezisekelwe ekolweni
                                Nawufuna ilwazi elinabileko, yiya ku-website 
                                yomNyango wokuThuthukiswa kwezeHlalakuhle.

                                [Top]
                                Amagadango okufanele alandelwe
                                Vakatjhela isentha yetlhogomelo elisemakhaya 
                                namkha yomphakathi eseduze nawe ukuzuza 
                                ngemisebenzi etjhiwoko.
                                Iinhlangano ezingenzi inzuzo ezitlhoga isekelo 
                                mayelana nemisebenzi eyenzelwa abantu abaphila 
                                ne-HIV/AIDS kufanele zivakatjhele i-ofisi 
                                eliseduze lokuThuthukiswa kwezeHlalakuhle.
                                [Top]
                                Imithetho esetjenziswako
                                Constitution of South Africa, 1996, Chapter 2: 
                                Bill of Rights (UmThethosisekelo weRiphabhligi 
                                yeSewula Afrika ka-1996, iSahluko 2: 
                                iVikelamalungelo)
                                Policy Framework for orphans and other children 
                                made vulnerable by HIV/AIDS (UmLeyo 
                                womThethomgomo weentandana nabantwana ababekwa 
                                engozini yi-HIV/AIDS)
                                National Integrated Plan for HIV/AIDS 2004/2005 
                                (IQhinga lesiTjhaba eliHlangeneko le-HIV/AIDS 
                                laka-2004/2005)
                                [Top]
                                Amazinga wokusebenza nesikhathi
                                [Top]
                                Iindleko
                                Awubhadeli litho ngalomsebenzi.
                                [Top]
                                Amaforomo azaliswako
                                Akunamaforomo okufanele azaliswe.


                                [Top]
                                Imininingwana yokuthintana


                                National office

                                iPhrovinsi:Gauteng
                                IdorobhaPretoria
                                Umtato:012 312 7963
                                Ifeksi:012 312 7763
                                I-adresi yendawo:Chief Directorate of HIV/AIDS - 
                                National Department of Social Development, 5th 
                                Floor, HSRC Building, South Wing
                                I-adresi yeposo:Private Bag X901, Pretoria, 0001











                                Yabuyekezwa kokugcina :27 December 2006





                                    

                                 








                              Ngewebhsayithi |Thintana nathi |Umebhe wesayithi 
                              |Imibandela nobujamo




