﻿Imisebenzi eyenzelwa amabanjwa weSewula Afrika (abotjhwe ngaphetjheya)



                              Siyakutlhogomela    Singebalapha    
Siyakusebenzela


                              Ilwazi lombuso | www.gov.za  

                                 Imisebenzi eyenzelwa abantuImisebenzi 
                                yeenhlanganoImisebenzi eyenzelwa amaphandle
                                 




                                 Khetha ilimi   AfrikaansEnglish 
                                NdebeleSepediSiswatiSesothoSetswanaTsongaVendaXhosaZulu

                                Isibawo sokunikela ngesaziso sokuhlongakala
                                ImiSebenzi namaEjensi wokuJanyelwa kweNarha 
                                eSewul
                                Ukuqinisekisa iinTifikhethi zomSebenzisi amaEUC
                                Ukuqinisekiswa kwelayisense yokutjhayela 
                                nawungaph
                                Ukunikela ubujamo bangokomthethoukuqinisekiswa 
                                kwe
                                Imisebenzi eyenzelwa amabanjwa weSewula Afrika 
                                abo
                                Isibawo sesitifikhethi samapholisa sokuvunyelwa 
                                kw


                                Ongakhetha kikho
                                 Gadangisa ikhaseli
                                 Thumela ikhaseli nge-e-mail
                                 Faka kokuthandako
                                 Yenza njengekhasi lekhaya




                                Ngewebhsayithi |Thintana nathi |Umebhe wesayithi

                                 >  Ekhaya   >  Imisebenzi eyenzelwa abantu   >  
                                Ukuvakatjhela ngaphandle kweSewula Afrika   >  
                                Imisebenzi eyenzelwa amaphandle     



                                    
                                Imisebenzi eyenzelwa amabanjwa weSewula Afrika 
                                (abotjhwe ngaphetjheya)    

                                Ihlathululo | Amagadango okufanele alandelwe | 
                                Imithetho esetjenziswako | Amazinga wokusebenza 
                                nesikhathi | Iindleko | Amaforomo azaliswako | 
                                Imininingwana yokuthintana


                                Ihlathululo
                                Ngaphasi kwesiVumelwano se-Vienna 
                                samaTjhebiswano wokuJanyelwa kweeNarha (i-Vienna 
                                Convention on Consular Relations (1963), 
                                esamukelwa njengezinga ngizo zoke iinarha, 
                                abantu ababotjhwe ngaphandle kwenarha yabo 
                                kufanele bafikelele umjameli wenarha 
                                ngaphetjheya. Nawungazifumana usebujameni lobu, 
                                kufanele ubawe abasemagunyeni ukukuvumela 
                                ukuthintana nomJameli weSewula Afrika enarheni 
                                leyo. Nakungasinjalo, omunye umuntu angathinta 
                                umJameli weSewula Afrika enarheni leyo namkha 
                                ubuNqophisi bokuJanyelwa kweNarha ngaPhandle 
                                ne-Ejensi (i-Directorate Consular and Agency 
                                Services) yomNyango weeNdaba zangaPhandle 
                                ePitori.
                                Iimphathiswa zokujanyelwa kweNarha ngaPhandle 
                                zinikela ngemisebenzi elandako:
                                Ukuhloma ukuthintana nebanjwa ngokurhaba 
                                okukghonekako ngemva kokwaziswa ngokubotjhwa 
                                kwakhe. Lomsebenzi unikelw ukuqinisekisa bona 
                                amaSewula Afrika abotjhwe namkha avalelwe 
                                ngaphasi kwemithetho yangaphandle azwisisa 
                                amalungelo wawo kanye nemisebenzi enganikelwa 
                                mBuso weSewula Afrika. Ngokuyame ebujameni 
                                obuthileko, ukuthintana kuzakuba ngenyama, 
                                ngomtlolo, ngomtato namkha ngeendlulisi milayezo 
                                ezifaneleko.
                                Ukunikela ibanjwa/isibotjhwa ngelwazi mazombe 
                                mayelana nerherho lezomthetho lenarha abanjwe 
                                kiyo. Ilwazi lingafaka imininingwana ngerhelebho 
                                lezomthetho (nayikhona) nokutjhutjhisqa, irhemo 
                                lamagqwetha (akunamphakamiso ezizakwenzelwa 
                                igqwetha elithileko), ukubekwa ejele, ibheyili 
                                kanye neenkambiso zokudlulisa iingwebo khona 
                                azakuzwisisa amalungelo wakhe kanye neenkambiso 
                                ezithintekako.
                                Ukuqinisekisa ubakhamuzi bebanjwa.
                                Ukgcina ukuthintana nezakhamuzi zeSewula Afrika 
                                ezibotjhwe ngaphatjheya ngebanga lokuthobela 
                                umthetho nemithetjhwana enarheni ebophako. 
                                Ukuvakatjhela njalo ejele kuyame endaweni, 
                                esikweni nemithethweni yenarha ebophako.
                                Ukuthintana nomndeni wobitjhiweko namkha 
                                ovalelwe ngaphetjheya kuphela nazibawiwa ukwenza 
                                njalo ngomtlolo mumuntu obotjhiweko namkha 
                                ovalelweko.
                                Ukukghonakalisa ukudluliselwa kweemali ezibuya 
                                emndenini/abangani eSewula Afrika 
                                esibotjhweni/ibanjwa ngaphetjheya, ngokuthobela 
                                umthetho nemithetjhwana yomBuso weSewula Afrika 
                                kanye noRhulumende obophako. Imithetho ekhona 
                                ye-South African Reserve Bank izakuqunta bona 
                                inani elingadluliswa ukusuka eSewula Afrika 
                                ukuya kovalelweko/isibotjhwa angeze ladlula i-R2 
                                000 (iinkulungwana ezimbili zamaRanda) 
                                ngenyanga. Inani angeze ladluliselwa enyangeni 
                                ezako.
                                Ukuqiniskeisa bona omunye nomunye umraro 
                                wezokwelapha ofunyanwa libanjwa ulethwa phambi 
                                kwakdorhodera wejele/kudorhodera wamazinyo.
                                Ukuqinisekisa bona zoke iimali ezifakwe mndeni 
                                webanjwa namkha abanye zifika esibotjhweni.
                                Ukughonakalisa ukuthunyelwa nokulethwa 
                                kweencwadi kanye/namkha neenhlahla ezibuya 
                                emndenini kanye/namkha ebanganini eSewula Afrika 
                                eembotjhweni zeSewula Afrika ngaphetjheya. 
                                Ukukghonakalisa lokhu kuyame eenjamisweni kanye 
                                neemali ezibhadelwako ezikhona emNyangweni 
                                weeNdaba zangaPhandle njengombana 
                                zizakutjhugululwa ngokukhamba kwesikhathi begodu 
                                kufanele zikhambisane nemithetho nemithetjhwana 
                                yenarha ebophako/evalelako.
                                Kuqakatheke khulu ukutjheja bona abaJameli 
                                beSewula Afrika abakavunyelwa ukwenza 
                                okulandelako:
                                Ukuthoma iinkambiso sekhotho.
                                Ukufumanela izakhamuzi zeSewula Afrika 
                                isiyeleliso sezomthetho.
                                Ukungenelela eenkambisweni zendawo zokusebenza 
                                komthetho.
                                Ukufumana ibheyili namkha ukuhlela 
                                ukutjhatjhululwa ejele kwezakhamuzi zeSewula 
                                Afrika.
                                Ukubhadela iindleko zebanjwa/isibotjhwa.
                                Ukuvakatjhela amajele eendaweni eziyingozi.
                                Nakatjhatjhululwako abuyela eSewula Afrika, 
                                umndeni nabangani eSewula Afrika bangafaka 
                                iimali emNyangweni weeNdaba zeKhaya ukubhadela 
                                ithikithi lesiphaphamtjhini. umJameli weSewula 
                                Afrika uzakuthenga ithikithi nasele ubufakazi 
                                bufunyenwe ukobana imali ifakiwe.
                                Nawufuna ilwazi elinabileko , yiya ku-website 
                                yomNyango weeNdaba zangaPhandle
                                [Top]
                                Amagadango okufanele alandelwe
                                Nayikuthi uyabotjhwa namkha uvalelwa 
                                ngaphetjheya, kufanele uthintane nomJameli 
                                weSewula Afrika oseduze (South African 
                                Representation) namkha layela umndeni wakho 
                                namkha abangani emJamelini weSewula Afrika 
                                enarheni ekubophako namkha kwa-Directorate 
                                Consular and Agency Services yomNyango weeNdaba 
                                zangaPhandle ePitori.
                                Kokuthoma, abasemagunyeni beSewula Afrika 
                                bazakuqinisekisa ubakhamuzi beSewula Afrika 
                                besibotjhwa. Nayikuthi ubakhamuzi angeze 
                                baqinisekiswa ngelwazi elinikelweko isiphathiswa 
                                se-Consular sizakurhelebha ibanjwa ukuzalisa 
                                iforomo (BI529) loku”Quntwa kobaKhamuzi” 
                                “Determination of Citizenship” besithathe 
                                igadangiso elizeleko lemino.
                                Umndeni nabangani abafisa ukuthumela iposo 
                                kanye/namkha neenhlahla namkha ukudlulisela 
                                iimali emabanjweni weSewula Afrika ngaphetjheya 
                                kufanele bathintane nesiphathiswa esifaneleko 
                                kwa-Directorate Consular and Agency Services 
                                emNyangweni weeNdaba zangaPhandle ePitori 
                                ngomtato namkha ngeposo. Isiphathiswa 
                                sizakuhlahla besikunikele nelwazi ngeenkambiso 
                                ezizakulandelwa. Nayikuthi kuyatlhogeka, 
                                kungabeka ilanga lokubonana nesiphathiswa.
                                [Top]
                                Imithetho esetjenziswako
                                Article 36 of the Vienna Convention on Consular 
                                Relations (1963) (Athikili 36 yesiVumelwano 
                                se-Vienna samaTjhebiswano wokuJanyelwa 
kweeNarha)
                                Tjheja: AkunamVumelwano zokuDluliswa 
                                kweemBotjhwa ezikhona phakathi kweSewula Afrika 
                                nenye inarha begodu akucatjangwa bona zingaba 
                                khona ngomuso.
                                [Top]
                                Amazinga wokusebenza nesikhathi
                                Ibanga, imithetho yendawo nobujamo buzakudlala 
                                indima ekuqunteni esibalweni neekhthi 
                                zokuvakatjhela iimbotjhwa ngaphetjheya kodwana 
                                ubuncani bakhona kuzakuba nevakatjho linye 
                                ngonyaka.
                                Ukughonakaliswa kokudlulisa iimali eSewula 
                                Afrika: Ama-awara ama-72.
                                Ukuthintana nomndeni wesibotjhwa/obanjiweko: 
                                Ama-awara ama-72.
                                Ukukghonakalisa ukuthunyelwa kweencwadi 
                                neenhlahla ukusuka eSewula Afrika: Ama-awara 
                                ama-72.
                                Ukubhadelwa kweemali ezidlulisiweko kuzakuyama 
                                ebujameni kanye neenkambiswenie zivunyiweko 
                                enarheni ebophako.
                                Ukulethwa/ukudluliselwa kweposo kanye/namkha 
                                iinhlahla kobotjhiweko kuzaya ngobujamo kanye 
                                neenkambiso ezivunyiweko enarheni ebophako.
                                [Top]
                                Iindleko
                                Iindleko zokudlulisa iinhlahla zizakuquntwa 
                                sisindo neemali ezibhadelwako ezibekiweko. 
                                Akunandleko ezingezelelweko ezithintekako.
                                [Top]
                                Amaforomo azaliswako
                                Umjameli weSewula Afrika uzakunikela ibanjwa 
                                woke amaforomo azaliswako.
                                [Top]
                                Imininingwana yokuthintana


                                National office

                                iPhrovinsi:Gauteng
                                IdorobhaPretoria
                                Umtato:012 ...
                                Ifeksi:012 ...
                                I-adresi yendawo:Department of Foreign Affairs, 
                                Eikendal and Groot Constantia Buildings, Tulbagh 
                                Park, 1234 Church Street, Pretoria, (Entrance in 
                                Duncan Street), Colbyn, Pretoria
                                I-adresi yeposo:Private Bag X152, Pretoria, 0001

                                Web:www.dfa.gov.za/webmissions/index.html









                                Yabuyekezwa kokugcina :25 January 2007





                                    

                                 








                              Ngewebhsayithi |Thintana nathi |Umebhe wesayithi 
                              |Imibandela nobujamo




