ISINDEBELE

ABOMMA KIBONONGORWANA BEZAMANZI KU- 2005

Ekuhlonipheni indiba ebanjwe bomma begodu nabaragela ukukwenza ekorweni yezamanzi eSewula Afrika, umNyango weenDaba zamaNzi namaHlathi, ngesekelo leKomitjhana yezaRhubhululo lezamaNzi kanye nesiKhungo sezamaNzi seSewula Afrika, ubamba qobe ngonyaka, umnyanya wokunikela aboMma aboNongorwana kwezamaNzi.

Ihlelweli linqophe ukuhlonipha begodu ligidinge isandla esifakwa bomma ekorweni yezamanzi kanye nokuphakamisa:

* Ukubandakanyeka kwabomma abazizazi kanye nabasebenzela emiphakathini ekuphathweni kwezamanzi; kanye
* Nendiba eqakathekileko ebanjwe bomma manqophana nezamanzi- ekunqothuleni ukutlhaga, kwezefundo kanye nezetuthuko engaquntukiko eendaweni zemadorobheni nezemakhaya.

Unyaka nonyaka abonongorwana laba bahlonipha abomma abakhokhele phambili kileenkoro ezilandelako:
* ZeRhubhululo eliPhakemeko (ophakanyiswako abe neminyaka ema- 35 ukuya phezulu);
* ZeRhubhululo elingaPhasana (ophakanyiswako abe neminyaka engaphasi kwama- 35);
* MThuthukisi womPhakathi;
* ZeFundo neTjhejo; kanye
* NokuPhatha nokuHlonywa kwemiThethomigomo.

Ophakanyiswako kileenkoro kungaba mumuntu ngamunye nanyana isiqhema. Abonongorwana bazakunikelwa abomma abahloniphekileko, labo abasebenza ngendlela ehle kwamanikelela eenkorweni zabo, begodu abafaka isandla ngendlela ebonakalako ekorweni yezamanzi eSewula Afrika.

AMATSHWAYO AZAKUTJHEJWA EKUPHAKANYISWENI KWABOMMA KIBONONGORWANA BEZAMANZI KU- 2005
Lokhu kufanele bona kuthathwe njengomhlahlandlela ekuphakanyisweni komma/ kwabomma abazibandakanya emaphrojekthini aphathelene nezamanzi ahlonywe ngokomthetho nalawo angakahlonywa ngokusemthethweni.
* Irekhodi elizikhulumelako lokuzuza kanye nokubandakanyeka;
* Indlela yokuveza izinto ngendlela etjha kanye noburholi;
* Ukuphathwa kwephrojekthi kanye nokuyifezakalisa;
* Isandla ekutjhugululeni amajamo-mkhumbulo kanye nokuziphatha;
* Isandla ekuthuthukiseni kanye nekufezakaliseni amaphrojekthi angaquntukiko;
* Isandla ekubandakanyekeni komphakathi/ abafakisandla;
* Ukubekezela nokuqinisela;
* Ukufaka isandla eenkambisweni zokuthatha iinqunto;
* Ukuzibophelela ekwenzeni kuhle umsebenzi; kanye
* Nokuba majadu emsebenzini.

ILANGA LOKUVALWA
Amaforomo weemphakamiso azaliswe ngefanelo afanele bona afike ngomhla ka 15 Novemba 2004.

Amaforomo ayatholakala esizindeni se-web yomNyango ethi: www.dwaf.gov.za. Nanyana thinta uKs Hayley Rodkin kilenomboro yomtato: (012) 336 8086
IPoso ye-E: RodkinH@dwaf.gov.za nanyana ungathintana nelinye nelinye i-ofisi lesifunda lomNyango, ubawe bona bakuthumelele iforomelo.

UKUTHUNYELWA KWESIPHAKAMISO
Thumela isiphakamiso sakho sokungenela ku:

Hayley Rodkin
Woman in Water Awards Co-ordinating Committee
Department of Water Affairs and Forestry
Sedibeng Building, Room 933
Private Bag x 313
Pretoria






1


