Le Mbasa kuwongwa ngayo abemi baseMzantsi Afrika ngenxa yenkonzo ebalaseleyo netshatsheleyo. Inkonzo ewongwayo yengaphezu kokwenza umsebenzi oqhelekileyo ofanele ukuwenza. Iwongwa ngenxa yegalelo elibalaseleyo neliqaqambileyo kwezi ndidi zilandelayo:
Ushishino noqoqosho
Inzululwazi, amayeza nezinto ezintsha zethekhinoloji
Ukwenza inkonzo kuluntu.
Indlela ewongwa ngayo
Le Mbasa ingawongwa ngokwala mahlelo mathathu alandelayo:
Ihlelo 1 = UMcebisi Ongaphezu kwabo bonke weMbasa yeBaobab (IGolide)
Ihlelo 2 = UMcebisi oGqibeleleyo weMbasa yeBaobab (Isilivere)
Umqondiso /izinto eyenziwe ngazo
Umxholo ophambili /umqondiso
Le Mbasa isuselwa kwinkuthazo efanekiswa ne-Baobab engumthi wase-Afirika wommandla wetropikhi. Imvelaphi yegama- Baobab yinxalenye yamabali amaninzi emveli (legends) aqulethe okuninzi nezinto eziyimimangaliso efihlakeleyo yase-Afrika. Ibisoloko ichazwa njengomthi ongaphezu kweminye imithi ngokubaluleka e-Afrika ngenxa yokuba, phakathi kwezinye izinto, ingumthi onamandla, nonexabiso elingumqondiso nelingumlingo kubantu abayinzalelwane yase-Afrika. Ukunyamezela nokumelana neemeko okuboniswe ngulo mthi xa ukhulayo kubonakalisa inkonzo ezinzileyo nengaqhelekanga kuMzantsi Afrika ekuwongwa yona ngale Mbasa. Ngokufanayo, inkonzo eyenziwayo ikwaqinisekisa unyamezelo nokukhula kobume boMzantsi Afrika.
I-Baobab iyinto ebalulekileyo kwiinkqubo zamahlathi aseMzantsi Afrika apho kulinywa imithi nezilimo (crops). Ibonelela ngamaxolo okwenza ilaphu, neentambo, iziqhamo ezikukutya neenkuni zokubasa (fuel), nezinye iimveliso ezisebenzisekayo. Iingcambu zayo ezibanzi nezomeleleyo eziphumela ngaphandle zixhasa umthi omkhulu owaziwa njengendawo yokubamba iintlanganiso ezibalulekileyo ezininzi nokhuseleko kuluntu lwe-Afrika yamandulo.
Izinto eyenziwe ngazo
I-Baobab (Baobab or Adonsonia Digitata) - eyaziwayo ngenxa yeengcambu zayo nobomi bayo obude. Ayiboneleli kuphela ngomthunzi nendawo yokubamba iintlanganiso , koko iyindawo engundoqo ekunikeni inkxaso uluntu efunyanwa kulo.
Ibheji yasentanyeni
Umfanekiswana
