ISONGEZO: Iphepha lesalathiso limi ngolu hlobo:
UMTHETHO KAMASIPALA OPHATHELELE KUMANZI AMDAKA NEMIJELO
EHAMBISA AMANZI AMDAKA AVELA KWIMIZI-MVELISO
IZIQULATHO
IINKCAZELO Iphepha 2
Ukukhuselwa kwemijelo ephantsi komhlaba ehambisa amanzi amdaka " 3
Ukucocwa kwemijelo ephantsi komhlaba evalekileyo " 5
ISAHLUKO 2 - AMANZI AMDAKA AVELA KWIMIZI-MVELISO " 6
Imvume eyimfuneko phambi kokuba kuchithwe amanzi amdaka avela kwimizi-mveliso " 6
Ukulahlwa kwamanzi amdaka avela kwimizi-mveliso ngeenqanawa okanye ngezinye iindlela zokuthutha amanzi amdaka " 6
Imirhumo ephathelele kumanzi amdaka avela kwimizi-mveliso " 6
ISAHLUKO 3 - UKURHOXISWA NEZOHLWAYO " 7
Ukurhoxiswa/ukubhangiswa kwemithetho kaMasipala " 7
Ulwaphulo-mthetho nezohlwayo
ISHEDYULI 1 - IMIRHUMO NONGAKANANI BAMANZI AMDAKA AVELA KWIMIZI-MVELISO " 7
Imirhumo ephathelele ekulahlweni kwamanzi amdaka avela kwimizi-mveliso " 7
Ukubalwa kobungakanani benkunkuma engamanzi amdaka avela kwimizi­mveliso elahlwayo " 8
ISHEDYULI 2 - AMANZI AMDAKA EKUNGAVUMELEKANGA UKUBA ALAHLWE KWIMIJELO EHAMBA PHANTSI KOMHLABA EHAMBISA AMANZI AMDAKA " 10
ISHEDYULI 3 - UKUBHANGISWA/UKURHOXISWA KWEMITHETHO KAMASIPALA " 11
UMTHETHO KAMASIPALA OPHATHELELE KUMANZI AMDAKA NEMIJELO EHAMBISA AMANZI AMDAKA AVELA KWIMIZI-MVELISO
Kulo Mthetho kaMasipala:-
ibhunga" kubhekiselelwe kumasipala weSixeko saseKapa yaye kuqukwa nawuphi na umbutho, uceba, okanye igosa lebhunga elisebenzisa amagunya okanye elenza imisebenzi phantsi kwalo mthetho kamasipala, amagunya anikezelwe lo mbutho, uceba okanye igosa libhunga;
amanzi amdaka avela kwimizi-mveliso" kubhekiselelwe kuyo nayiphi na into engamanzi nokuba iqulethe isinyibilikiso, ntole yo elahlwayo xa kusenziwa okanye ngenxa yawo nawuphi na umsebenzi wokurhweba kwimizi-mveliso, ekwenziweni kwempahla, kumsebenzi wokombiwa kwezimbiwa okanye kwemichiza okanye kumsebenzi wobunzululwazi, uphando, ukwenziwa kweenkonzo, okanye nawuphi umsebenzi wolimo, yaye kuqukwa nentsalela ekhutshwa sisixhobo esicokisa amanzi;
umjelo ophantsi komhlaba ohambisa amanzi amdaka kamasipala"
kubhekiselelwe kuwo nawuphi na umbhobho okanye umsele ophantsi kolawulo lwebhunga nonokusetyenziselwa ukuhambisa amanzi amdaka;
amanzi esitshi" kubhekiselelwe kumanzi abangelwa kukuna kwendalo okanye amanzi afumbe ndaweninye yaye kuqukwa amanzi emvula, amanzi aphantsi komhlaba okanye amanzi equla;
isixhobo sokuhluza izinto ezimdaka" kubhekiselelwe kuso nasiphi isixhobo esisebenza ngobuchule bomatshini esicoca sihluze ze sikhukhulisele izinto ezimdaka kumjelo wamanzi amdaka okanye amaxolo asuswa kwimifuno, okanye kwezinye izidlo, amaxolo, izikhumba, iinkwane/uqweqwe okanye nantoni na elahlwa ngqo okanye ngandlela ithile kumjelo wamanzi amdaka, kuqukwa nezinto ezimdaka eziphuma kwisixhobo esihluza ukutya okococekileyo koko kuyinkunkuma;
amanzi amdaka" kubhekiselelwe kuyo nayiphi na inkunkuma emanzi, nokuba iqulethe into enyityilikisiweyo yaye kuqukwa nenkunkuma emanzi yasemakhaya nenkunkuma emanzi evela kwimiz-mveliso kodwa akabandakanywa amanzi esitshi, umjelo wamanzi amdaka" kubhekiselelwe kwizakheko, imijelo ehambisa amanzi amdaka, imibhobho, izivingco, iimpompo, izixhobo zokulinganisa amanzi asetyenzisiweyo okanye nantoni na ehamba nezi ephantsi kolawulo lwebhunga, nenokusetyenziselwa ukuhambisa okanye ukulahlwa kwamanzi amdaka.
ISAHLUKO 1
Wonke umnini propati emva kokufumana isaziso esibhaliweyo esivela kwiBhunga-
makokhe umjelo wabucala ophantsi komhlaba ohambisa amanzi amdaka kulo ndawo;
makanxibelelanise isixhobo sabucala sokufakelwa komjelo ophantsi komhlaba ohambisa amanzi amdaka kumjelo kamasipala ophantsi komhlaba ohambisa amanzi amdaka, nokuba uwunxibelelanise ngqo okanye ngandlela yimbi ngokweemfuno zeBhunga;
makongeze umthamo wesixhobo sokufakelwa komjelo wabucala ophantsi komhlaba ohambisa amanzi amdaka ukuze ulungelelane nenkunkuma emanzi eyongezelelekileyo, okanye makokhe ngokutsha umjelo wabucala ophantsi komhlaba ohambisa amanzi amdaka ukuze uthobele iimfuno zeBhunga.
ukungena kwamanzi aphantsi komhlaba okanye amanzi esitshi kumjelo wabucala ophantsi komhlaba ohambisa amanzi amdaka kwawakhe amasango, ukuvuza kwamanzi amdaka avela kumjelo wabucala ophantsi komhlaba ohambisa amanzi amdaka kwawakhe amasango, yaye umnini popati ngamnye kuyimfuneko ukuba athabathe amanyathelo afanelekileyo ukuthintelo ukungenzeki kwezi zinto.
Ukhuseleko lwemijelo kamasipala ephantsi komhlaba ehambisa amanzi amdaka
Akukho mntu, ngaphandle kokuba ufumene imvume ebhaliweyo yebhunga nangokuxhomekeke kwimiqathango enokumiselwa libhunga, ovumeleke ukuba -
okhe, amise okanye enze nasiphi na isakhiwo, isakheko okanye nantoni na ngaphezulu okanye kwindawo, okanye ngendlela eya kuphazamisa okanye eya konakalisa nawuphi na umjelo kamasipala ophantsi komhlaba ohambisa amanzi amdaka;
agrumbe, avule okanye asuse umhlaba ongaphezu, okufuphi, ongaphantsi okanye okufuphi nawo nawuphi na umjelo kamasipala ophantsi komhlaba ohambisa amanzi amdaka;
konakalisa, afake engozini okanye atshabalalise okanye enze nasiphi na isenzo esinokonakalisa, esinokufaka engozini okanye esinokutshabalalisa nawuphi na umjelo kamasipala ophantsi komhlaba ohambisa amanzi amdaka;
onokuvula nawuphi na umngxuma nakuwuphi na umjelo kamasipala ophantsi komhlaba ohambisa amanzi amdaka, okanye arholeamanzi, ajike amanzi okanye abangele ukuba kurholwe amanzi okanye kujikwe amanzi akuwo nawuphi na umjelo ophantsi komhlaba ohambisa amanzi amdaka ukusuka kulowo;
ukulahla, ukuvumela ukuba kungene okanye afake kuwo nawuphi na umjelo kamasipala ophantsi komhlaba ohambisa amanzi amdaka-
ii nayiphi na igesi okanye ulophu;
iii nantoni na engamanzi engengawo amanzi amdaka asendlwini ekwiqondo lobushushu elingaphezu kwama-40°C;
nayiphi na ipetula, ioli, igrisi, amafutha, okanye amayeza okubulala izitshabalalisi, amayeza okubulala izinambuzane okanye ipeyinti;
nayiphi na inkunkuma okanye inkunkuma evela kwimizi-mveliso, kumashishini, kumsebenzi wokwenziwa kwempahla okanye kwemichiza;
vii nantoni na ekhupha okanye enokukhupha izinto ezinokugqabhuka, izinto eziyityhefu okanye igesi okanye ulophu olunokutsha lula;
ix nantoni na equlethe izinyibilikisi ezinokutsha msinya okanye izinyibilikisi ezingadibaniyo namanzi;
nantoni enokuthi, ngokoluvo lwebhunga, ngokwayo okanye xa idityaniswe nayo nayiphi na enye into:-
aa ibangele inkathazo kuye nabani na;
cc iphazamise ukuhamba ngokukhululekileyo kwamanzi amdaka ahamba phantsi komhlaba edolophu;
dd iphembelele ngokonakalisayo nawuphi na umjelo ophantsi komhlaba ohambisa amanzi amdaka okanye imijelo yamanzi amadaka okanye umhlaba ekuxonyekezelwe kuwo nawuphi na umjelo ophantsi komhlaba ohambisa amanzi amdaka okanye nokuhanjiswa, ukucocwa, ukuhlanjulula, ukulahlwa okanye ukusetyenziswa ngokutsha kwamanzi amdaka, okanye ee nangayiphi na indlela engathandekiyo xa kulahlwa okanye kusetyenziswa ngokutsha amanzi amdaka emva kokucocwa okanye kokuhlanjululwa okanye ekhokelela kumjelo owenziwe ngokungayithobeliyo imiqathango emiselwe ngokwemigaqo yawo nawuphi na umthetho osebenzayo;
ukulahlela nantoni na ngaphandle kwenkunkuma ephuma kwimizi-mveliso komnye umjelo wabucala ohambisa amanzi amdaka, kunye kwiimeko apho kufakelwe omnye umjelo wabucala ohambisa amanzi amdaka avela kwimizi-mveliso, kungalahlelwa amanzi amdaka avela kwimizi­mvelisoukuya kweminye imijelo ephantsi komhlaba ehambisa amanzi amdaka.
IBhunga liya, ngeendleko zomntu lowo okanye abantu abenza umsebenzi-
wokuchitha, ukulungisa okanye nawuphi na umsebenzi owenziwa kwisakhiwo, kwisakheko okanye nakwintoni na eyokhiweyo, emisiweyo okanye eyenziwe ngokuchasene nemiqathango ekweli candelo;
ukugcwalisa nokulungisa nawuphina umhlab aogrunjiweyo okanye osusiweyo ngokuchasene nemiqathango ekweli candelo;
ukulungisa nokulungelelanisa nawuphi na umonakalo owenziwe ngokuchasene nemiqathango yeli candelo okanye ngenxa yokuchaswa kwemiqathango ekweli candelo;
ukususa nantoni na elahliweyo, evunyelwe ukuba ingene okanye efakwe kumjelo ophantsi komhlaba ohambisa amanzi amdaka okanye kumsele woluntu ngokuchasene nemiqathango yeli candelo, kunye kususa nantoni na eyonakalisa, esitha okanye eyenza ubungozi okanye enokonakalisa , isithe ibeke engozini okanye itshabalalise nawuphi na umjelo ophantsi komhlaba ohambisa amanzi amdaka.
Ukuba nabani na akaphumeleli ukuthobela imiqathango emiselwe ngokwemigaqo yecandelwana , iBhunga linakho ukuthabatha amanyathelo anokucingelwa njengeayimfuneko ukulungisa lo mbandela ngeendleko zomntu lowo unoxanduva lokwenza oko.
IBhungaliya, ngeendleko zomnini propati, kususa umjelo oxonyekezelwe kumjelo kamasipala ophantsi komhlaba ohambisa amanzi amdaka nawuphi na umjelo wabucala ophantsi komhlaba ohambisa amanzi amdaka nothi, ngokoluvo lwebhunga, ubeke engozini okanye uphembelele ngokonakalisayo nawuphi na umjelo ophantsi komhlaba ohambisa amanzi amdaka okanye umjelo wamanzi amdaka okanye umhlaba ekuxonyekezelwe kuwo nawuphi na umjelo okanye umsele ohambisa, ococa, ohluza, olahla okanye ekusetyenziswa ngokutsha kuwo amanzi amdaka, yaye kuza kuba yimfuneko ukuba umnini walo propati-
enze amalungiselelo ayimfuneko ukuze kulahlwe ngokukhuselekileyo amanzi amdaka kumasango alo mnini propati, okanye ukuhanjiswa kwamanzi amdaka esiwa kwiziko ekucocwa kulo amanzi amdaka okanye nakuyiphi na enye indawo efanelekileyo neyamkelweyo libhunga, yaye acoce, alungise, okhe ngokutsha, atshintshe, abeke kwindawo entsha okanye athobele imiqathango enokumiselwa libhunga.
Ukucocwa kwemijelo yabucala ephantsi komhlaba ehambisa amanzi amdaka evalekileyo
IBhunga liya kwenza amalungiselelo okucoca imijelo yabucala ephantsi komhlaba ehambisa amanzi amdaka evalekileyo ngeendleko zomnini propati.
Kwimeko apho kufunyenwe ukuba umjelo wabucala ophantsi komhlaba ohambisa amanzi amdaka uvalekile, ngenxa yomonakalo okanye ukuvaleka zizibi kufunyenwe kumjelo kamasipala ophantsi komhlaba ohambisa amanzi amdaka, akukho zindleko ziya kuhlawuliswa umnini propati.
ISAHLUKO 2
AMANZI AMDAKA AVELA KWIMIZI-MVELISO
Imvume eyimfuneko ukuze kulahlwe amanzi amdaka avela kwimizi-mveliso
Akukho mntu uvumelekileyo, ngaphandle kokuba ufumene imvume ebhaliweyo yeBhunga, nangokuxhomekeke kwimiqathango enokumiselwa lilo:-
ukulahla okanye ukuvumela ukulahlwa kwamanzi amdaka avela kwimizi­mveliso elahlelwa ngqo okanye ngandlela yimbi kuwo nawuphi na umjelo wamanzi amdaka;
unokongeza, okanye avumele ukongezwa, komthamo okanye ukutshintsha okanye avumele ukutshintshwa kwenkangeleko, izinto eziqulethweyo okanye ukwakhiwa kwazo naziphi izinto ezimdaka ezivela kwimizi-mveliso ngokuchasene nemiqathango emiselwe libhunga, okanye
Unokwaphula, okanye avumele ukwaphula, kwawo nawuphi na umqathango owamiselwa libhunga xa lalinika imvume yokulahla amanzi amdaka avela kwimizi-mveliso.
Ukulahlwa kwamanzi amdaka avela kwimizi-mveliso ngeenqanawa okanye ngezinye iindlela zokuthutha amanzi amdaka
Kwindawo apho kungeko mijelo kamasipala ephantsi komhlaba ehambisa amanzi amdaka ngenjongo yokulahla amanzi amdaka, akukho mntu uvumelekileyo ukuba alahle amanzi amdaka:-
ngaphandle kokuba ibhunga liyamkele indlela yokuthuthwa laza lamisela imiqathango eliyicingela njengefanelekileyo ejongene nokulahlwa kwalo manzi amdaka, yaye ngayo nayiphi na enye indlela yokuthutha amanzi ngaphandle kokuba kufunyenwe isiqinisekiso sokwamkelwa esibhaliweyo sinikezelwe kwiimeko nganye ngumntu osemagunyeni kwelo ziko lamkelwe libhunga nalapho lo manzi amdaka okanye isiveliso esilisolotya salo manzi amdaka silahlwayo, eso siqinisekiso kuyimfuneko ukuba sigcinwe ze ziveliswe ukuze sihlolwe ngulo mntu uvelise amanzi amdaka okanye iimveliso zawo ubuncinane isithuba sonyaka omnye emva komhla wokulahlwa kwalo manzi amdaka.
Akukho mntu uthutha amanzi amdaka ngayo nayiphi na indlela ngaphandle kokuthutha amanzi ngeenqanawa uvumelekileyo ukuba:-
alahle lo manzi amdaka kuyo nayiphi na indawo ngaphandle kwakwindawo yokulahla eyamkelweyo libhunga, okanye ayeke lo manzi amdaka achitheke, avuze okanye athontsize ephuma kuso nasiphi na isiqulathi.
Imirhumo ephathelele kumanzi amdaka avela kwimizi-mveliso
Nabani na onikwe imvume yokulahlela, okanye ukuvumela ukulahlelwa kwamanzi amdaka avela kwimizi-mveliso kumjelo kamasipala ophantsi komhlaba ohambisa amanzi amdaka, uya kuba noxanduva lokuhlawula umrhumo kwibhunga noya kuthi ubalwe ngokulandela imiqathango yeShedyuli yoku-1 neye-2.
ISAHLUKO 3
Ukurhoxiswa/ukubhangiswa kwemithetho kamasipala
Ulwaphulo-mthetho nezohlwayo
Nabani na -
owaphula nawuphi na umqathango walo mthetho kamasipala okanye ongaphumeleliyo ukuthobela nawuphi na umqathango omiselwe ngokwemigaqo yalo mthetho kamasipala;
owenza intsongelo, oxhathisayo, ophazamisa okanye oma endleleni yakhe nawuphi na uceba, igosa okanye igosa lebhunga xa lisenza umsebenzi walo ngokwemigaqo yalo mtehtho kamasipala, okanye onika ngabom ulwazi olunmgeyonyaniso okanye ulwazi olulahlekisayo kuye nawuphi na uceba, igosa okanye igosa lebhunga, uya kuba nentyala lolwaphulo-mthetho yaye uya kujongana nokugwetywa ngesohlwayo.
ISHEDYULI YOKU-1
Intlawulo engumrhumo ophathelele kumanzi amdaka avela kwimizi-mveliso
Imirhumo echazwe kwiCandelo le-8 lalo mthetho kamasipala, ibalwa ngokwale ndlela ibonakaliswe ngezantsi apha:
Umrhumo uya kuba, ngokuxhomekeke kwimiqathango elandelayo yale Shedyuli, lixabiso elifunyenwe ngokusebenzisa indlela yokubala ebalwe ngokulandela umbandela oku- ngezantsi.
Kuziphi iimeko
Vw" ngumthamo opheleleyo, ochazwa ngokweekhilolitha, umthamo wamanzi amdaka alahlwa evela kwindawo ethile ngelo xesha.
SVC" ngumrhumo womthamo wothungelwano lwemijelo ephantsi komhlaba ohlawulwa ngokulandela imigaqo yerhafu yococeko.
Vie" ngumthamo opheleleyo, ochazwa ngokweekhililotha, wamanzi amdaka avela kwimizi-mveliso alahlwa kulo ndawo ngelo xesha.
SF" yimfuneko yentlawulo eyongeziweyo yamanzi amdaka ebalwa ngokomgaqo wokubala:
kuziphi iimeko
L" ngumlinganiselo olungele olo xinzelelo lwento ethile.
Kwimeko yoxinzelelo lwe-pH parameter u-X umela ixabiso le-pH yaye, ukuba u-(X-L) unika isiphumo esinentlawulo engenaxabiso, kufuneka itshintshwe intlawulo enexabiso elikhulu ngokulinganayo nelo.
I-COD yamanzi amdaka avela kwimizi-mveliso ngumlinganiselo weqondo lokubala eliguqukayo kwiisampuli ezine ezithatyathwa nangaliphi na ixesha kwisithuba seenyanga ezintandathu ukuya kwezilishumi elinambini.
I-SF yamanzi amdaka avela kwimizi-mveliso lelona xabiso limiselwa kamva.
I-SF yongeza kubo bonke ubuninzi obungaphandle kwemilinganiselo emiselwe kwiShedyuli ye-2.
Umnini propati/lowo uhleliyo kulo propati kuyo nayiphi na indawo unelungelo lokufumana/ xa enze isicelo, inxalenye yayo nayiphi na isampuli ethatyathiweyo kulo ndawo ngaphambi kokuba lo sampuli isuswe libhunga.
IBhunga linelungelo lokusebenzisa okanye lokurhoxisa ilungelo ubungakanani bezinto ezithile njengoko kumiselweyo.
Ukubalwa kobuninzi bamanzi amdaka avela kwimizi-mveliso alahlwayo
Ibhunga lilo emisela ubuninzi obupheleleyo bamanzi amdaka avela kwimizi­mveliso anokulahlwa kwindawo nganye.
Ukuba amanzi amdaka avela kwimizi-mveliso namanye amanzi amdaka alinganiswa ndawonye, ibhunga liya kukuvumela oko xa libona kufanelekile yaye ibubulungisa kwamanye amanzi amdaka.
Ukuba ubungakanani bamanzi amdaka avela kwimizi-mveliso alahlwa kulo ndawo akalinganiswa ngqo:
Ibhunga liya kusekezela ixabiso elilimiselayo ngokwexabiso lamanzi asetyenziswa kulo ndawo, emva kouvumela nantoni na eliyicingela ifanelekile ngamanzi asetyenziselwa iinjongo zasendlwini okanye ukunkcenkceshela, amanzi alahleka kumoya ojikelezileyo, okanye kwizinto eziveliswa kule ndawo, yaye ukuba amanzi amdaka avela kwimizi-mveliso alahlwa kula masango alahlwa kwiindawo ezininzi, ibhunga liya kubabela elo xabiso likhankanyiweyo lamanzi kwezo ndawo alahlwa kuzo amanzi ngokuchanekileyo.
Ukuba isixhobo sokulinganisa siqinisekiswa njengesonakeleyo, ibhunga liya, ngokuxhomekeke kumbandela oku- ngezantsi, kwenza amalungiselelo afanelekileyo okuqwalasela ukonakala kwesixhobo eso xa lisenza izibalo zalo ngobuninzi bamanzi alahlwayo.
Ibhunga linakho, ngesaziso esibhaliweyo, ukucela ukuba lowo uhleli kulo propati, umnini propati okanye umntu olawulayo kulo ndawo, okanye osebenzisa, nawaphi na amasango ukuba abonelele ngolwazi, indlela yokungena okanye izinto ibhunga elicingela ukuba ziyimfuneko ukuze kubalwe ngokuchanekileyo umrhumo omele ukuhlawulwa, okanye ukuba ingaba ukho kusini na umrhumo ohlawulelwa ukusetyenziswa kwalo ndawo.
Ukuba ibhunga linoluvo lokuba ukuthatyathwa kweesampuli akubonakalisi elona qondo lenene lomgangatho wamanzi amdaka avela kwimizi-mveliso, linakho ukusebenzisa enye indlela eyamkelekileyo lilungiselela ukumisela umrhumo ofanelekileyo nonobulungisa wokulahlwa kwamanzi amdaka avela kwimizi-mveliso.
Ukuba ibhunga alinakho ukuhlola ubuninzi okanye umrhumo omele ukuhlawulwa ngenxa:-
yokuba inkqubo yokubala echazwe kumbandela 1 ngasentla, ayiyomfuneko, kunye/okanye b isaziso esichazwe kumbandela 25 ngasentla asithotyelwa kunye/okanye, kukho nakuphi ukuchaswa kwalo mthetho kamasipala yaye ngenxa yoko imirhumoo emele ukuhlawulwa ngokubhekiselele kulo ndawo ayibalwanga ngokuchanekileyo, ngoko ke ibhunga liya kuhlola umrhumo omelet ukuhlawulwa ngokwexabiso elicingelwa njengelifanelekileyo nelobulungisa.
Nangona kukho ukungavumelani nombandela 7 ngasentla, ibhunga linakho, ngeenjongo zokuhlola nawuphi na umrhumo omiselwe kulo mtehtho kamasipala okanye ukuqinisekisa ukuthotyelwa kwayo nayiphi na imiqathango yalo mthetho kamasipala, ngesaziso esibhaliweyo, ukucela ukuba umnini propati wayo nayiphi na indawo, ngexesha elimisiweyo nangeendleko zomnini propati abonelele yaye alondoloze izxhobo zokulinganisa okanye nezinye izixhobo ezifanelekileyo ezicingelwa njengeziyimfuneko libhunga:-
ukulinganisa umthamo wamanzi asetyenzisiweyo kulo propati nomthamo wamanzi afunyenwe kuwo nawuphi na umthombo ngaphandle kwebhunga;
ukulinganisa ngokwahlukeneyo umthamo wamanzi asetyenziselwe nayiphi na injongo eyodwa okanye kwinxalenye ethile yalo propati, yaye kubonelelwe ngesiqinisekiso esanelisa iimfuno zebhunga ukuba nasiphi na isixhobo sokulinganisa amanzi okanye ubuchule obusetyenzisiweyo obuchazwe kumbandela 8(a) nakumbandela 8(b) sisasebenza ngokukuko nangokuchanekileyo.
Izinto ezingamanzi eziThintelweyo ukuba ziLahlwe kwimijelo ephantsi komhlaba ehambisa amanzi amdaka
Icandelo A: Ulwazi Jikelele Ingabi ngaphantsi Ingagqithi
Iqondo lobushushu/lokubanda kwindawo alahlwa kuyo amanzi amdaka 0 °C 40 °C
Imfuneko yeMichiza ene-Oksijini 5 000 mg/l
Icandelo C: Izinto ezenziwe ngesinyithi nezinto ezingaphiliyo - ubuninzi boxinzelelo Iqela loku-1
Lulonke uxinzelelo lwezinto ezenziwe ngesinyithi kwiQela loku-1 mazingabi ngaphezu kwama­50 mg/l
Icandelo C: Izinto ezenziwe ngeSinyithi nezo zingaphiliyo - lulonke uxinzelelo Iqela le-2
Lulonke uxinzelelo lwezinto ezenziwe ngesinyithi kwiQela le-2 mazingabi ngaphezu kwama-20 mg/l
Iphephandaba loMbuso lePhondo nomb. 5768 elatyikitywa ngowama-21/9/2001: UMthetho kaMasipala ophathelele kulawulo lwamanzi amdaka namanzi amdaka avela kwimizi-mveliso
P.N.397/1987: Umthetho kamasipala olawula imixokelelwano ehambisa amanzi nothungelwano lwemijelo ephantsi komhlaba, owalungiswayo
P.N. 393/1995: Umthetho kamasipala olawula uthungelwano lwemijelo ephantsi komhlaba eyongeziweyo
P.N. 867/1979: Umthetho kamasipala olawula imixokelelwano ehambisa amanzi nothungelwano lwemijelo ephantsi komhlaba, owalungiswayo
/1991: Umthetho kamasipala olawula uthungelwano lwemijelo ephantsi komhlaba
/1971: Umthetho kamasipala ophathelele kulawulo lwamanzi amdaka avela kwimizi-mveliso, owalungiswayo
P.N. 570/1963: Umthetho kamasipala olawula amanzi amdaka avela kwimizi-mveliso
P.N. 253/1990: Umthetho kamasipala olawula amanzi amdaka avela kwimizi-mveliso
P.N. 814/1971: Umthetho kamasipala ophathelele kulawula lothungelwano lwemijelo ephantsi komhlaba eyongeziweyo, owalungiswayo
P.N. 486/1939: Umthetho kamasipala ophathelele kulawulo lothungelwano lwemijelo ephantsi komhlaba, owalungiswayo
P.N. 771/1985: Umthetho kamasipala ophathelele kulawulo lwamanzi amdaka avela kwimizi-mveliso
/1978: Umthetho kamasipala olawula imixokelelwano ehambisa amanzi nothungelwano lwemijelo ephantsi komhlaba, owalungiswayo
/1983: Umthetho kamasipala ophathelele kulawulo lwamanzi amdaka avela kwimizi-mveliso
P.N. 533/1983: Umthetho kamasipala ophathelele kulawulo lwamanzi amdaka avela kwimizi-mveliso
UMasipala woSinga-siqithi okuNxweme oluseNtshona:
P.N. 501 1996: Umthetho kamasipala ophathelele kulawulo lothungelwano lwemijelo ephantsi komhlaba
