UMPHANDLE
UBOMI BAKHO
IMIBA
USHICILELO
IZALATHISO
URHULUMENTE
IITHENDA
IMISEBENZI
Malunga
Qhagamshelana
Uncedo
Funa nzulu
Umphandle
Ushicilelo
Izikhokelo, Incwadi yezikhokelo & Imiyalelo
Zintoni Iindleko Nembuyekezo Enikezelwayo?
Ngokucacileyo zikho iindleko ezayanyaniswa nolu qeqesho. Ezi ndleko ziquka: iintlawulo zemfundo noqeqesho "lwangaphandle komsebenzi" kwakunye neendleko zangaphakathi zokunikezela ngeengcebiso nononophelo kubafundi, uvavanyo lwendlela abaqhuba ngayo abafundi aba, ndawonye neentlawulo ezinikwa aba bafundi.
Noxa kunjalo ke zikho iimadlala zokuncedisa ekuxhasweni ngezimali kwezi nkqubo zokuxhobisa ngezakhono. Ezi ntlawulo ziba ngeendlela ezimbini ezingundoqo.
Abaqeshi abayihlawulayo irhafu yezakhono bangafaka ibango lenkxaso-mali eziinkozo xa benikezela ngoqeqesho. Ezi nkxaso-mali zingasetyenziselwa ukukhupha iintlawulo zale nkqubo yoqeqesho. IiSETA ezi zisenakho kanti nokunikezela ngemali eyinkxaso yokuqhuba ezi nkqubo zophuhliso lwezakhono. Abaqeshi nabo kufuneka basebenzisane neSETA ezihlawulwa kuyo iirhafu zezakhono ezizinikezelayo ukuze bafumanise ukuba zikho na iinkxaso-mali zezi nkqubo. Izigqibo zokuba iinkqubo zophuhliso lwezakhono ezithile zixhaswe na ngezimali "zixhomekeke" kuloo SETA, ngoko ke khawubuze kwiSETA yakho onokuyifumana ngaphezu kweembuyekezo zerhafu ngokuthi kuyilwe futhi/okanye kuqinisekiswe ukusebenza kwesicwangciso senkqubo yophuhliso lwezakhono. Unakho nokufumana imbuyekezo engaphezu kwerhafu yezakhono oyikhuphileyo kwiSETA.
Izibonelelo Zerhafu
Zimbini iintlobo zembuyekezo yerhafu, eyokuqala iba sekuqaleni kwale nkqubo yophuhliso lwezakhono ze enye ibe sekuqoshelisweni ngempumelelo kwale nkqubo.
Ekuqaleni kwenkqubo yophuhliso lwezakhono:
Abafundi abasele bengabaqeshwa bakho kakade - 18 : Xa sele ungene kwisivumelwano sokuphuhlisa izakhono nomfundi ze wasibhalisa eso sivumelwanmo kwiSETA, ungaqalisa ukutsala ama-70% kumvuzo wonyaka ohlawulwa loo mfundi, ukuya kufikelela kwisixa esili-R17 500 kuloo nyaka wovavanyo.
Abafundi abangaphangeliyo - 18 : Xa sele ungene kwisivumelwano sokuphuhlisa izakhono nomfundi ze wasibhalisa eso sivumelwano kwiSETA, ungaqalisa ukutsala yonke imali esisibonelelo sale nkqubo ehlawulwa umfundi lowo ukuya kufikelela kuma-R25 000 ngaloo nyaka wovavanyo.
Ekupheleni kwale nkqubo yophuhliso lwezakhono ungaphinda ufake ibango kwakhona! Ibango lakho lingalikhulu ekhulwini kumvuzo ohlawulwa kumsebenzi ngamnye 181 okanye ke ikhulu ekhulwini lwesixa-mali esisibonelelo ehlawulwa umfundi "ongaphangeliyo" 182, sixa eso sinokufikelela kuma-R25 000 ngaloo nyaka wovavanyo.
Ukuze ufumane ezinye iinkcukacha ngesi sibonelelo serhafu, nceda uqhagamshelane newebsite yeSARS, ukhangele izilungiso zika-2002 kwimithetho yeerhafu okanye ke uqhagamshelane neSETA yakho.
Icandelo Elingaphambili
Icandelo Elilandelayo
Yintoni le Nkqubo Yokuxhobisa Ngezakhono?
Ziintoni Ezona Nzuzo zale Nkqubo Yokuxhobisa Uluntu Ngezakhono?
Zintoni Iindleko Nembuyekezo Enikezelwayo?
Ndingaqinisekisa Njani Ukuba Inkqubo Yophuhliso Lwezakhoni Isebenza Ngokwezicwangciso?
Indlela Yokufumana Iinkcukacha Ezithe Vetshe
Ingaba kukho nto ungayiqondiyo kwiintetho zaseburhulumenteni
Isigama Esinokusetyenziswa uMgaqo-nkqubo Wemfihlelo
Ilungelo Lobunini
