Isicelo sokucima ubhaliso okanye sokuphelisa iqumrhu elingavulelekanga
Inkcazelo
Xa iqumrhu elingavulelekanga elibizwa ngokuba yi-close corporation , lingasaliqhubi ishishini, lingacela uMphathi woBhaliso lweeNkampani ukuba alicime kuvimba wokubhalisa nokugcina inkcazelo ngeenkampani. Kule meko, amalungu equmrhu kufuneka azise uMphathi woBhaliso ngaloo meko iqhubekayo.
I-CC ingayeka ukusebenza kwaye inqwenele ukucinywa kubhaliso, okanye ingapheliswa. Ezi meko zinganzima kwaye zibenobuchwepheshe, kwaye uMphathi woBhaliso lweeNkampani kufanele anikwe inkcazelo yobuchule.
Ukupheliswa kwequmrhu kuthetha ukuba iqumrhu elingavulelekanga alinako ukuhlawula amatyala ayo;
liyekile ukusebenza ; okanye amalungu anqwenela ukuzobela impah la nezinto ze-CC.
Ukucinywa kobhaliso kuthetha ukuba i-CC isusiwe kuvimba wokubhalisa nokugcina inkcazelo ngeenkampani kwaye i-CC ayisekho. Ishishini lingaqhuba ngenye indlela eyahlukileyo, umzekelo, njengeshishini eliqhutywa ngumntu omnye, emva kokuba ukucinywa kobhaliso kugqityiwe.
Isitetimenti esibhalwe nguye nawuphina umntu onomnqweno kufanele isiwe kuMphathi woBhaliso lweeNkampani.
Inkqubo emayilandelwe
Hambisa iikopi eziqinisekisiweyo zeencwadi zezazisi zamalungu e-CC.
Ixesha elithatyyathwayo kunye nomgangatho ofikelelwayo
Kungathabatha phakathi kosuku olunye neentsuku ezimbini ukuze kugqitywe inkqubo yokucima ubhaliso.
Iindleko
