UMPHANDLE
UBOMI BAKHO
IMIBA
USHICILELO
IZALATHISO
URHULUMENTE
IITHENDA
IMISEBENZI
Malunga
Qhagamshelana
Uncedo
Funa nzulu
Umphandle
Urhulumente
IiNkonzo
Ulwaphulo-mthetho, uMthetho NobuLungisa
Ukhuseleko Ekuhlaleni
Ukuseka iNkampani Yokuphuculwa Kwesixeko
Ukuseka iNkampani Yokuphuculwa Kwesixeko
UBUME
IINKONZO
AMAPHULO
IINDABA
IINTETHO
USHICILELO
IZIXHOBO
UQHAGAMSHELWANO
INKCAZELO:
Iinkampani Zokuphuculwa Kwezixeko ezi ziinkampani ezingajonge kwenza ngeniso ezimele abanini-mihlaba (oko kukuthi ke abahlawuli berhafu) kwingingqi yomhlaba kamaspala othile. Le nkampani ke yenza izivumelwano nomaspala kuqokelelwe imali ethe chatha (eyirhafu yale nkampani) kubahlawuli beebkonzo zikamaspala abahlala kuloo ngingqingaphezu kwezo ntlawulo baqhele ukuzihlawula. Le mali ithiwe chatha ke yona isetyenziselwa ukunikezela iinkonzo ezikumgangatrho ophakamileyo kuloo ngingqi inaloo nkampani. Ezi nkonzo zongezelelweyo nezikumgangatho ophakamileyo ke zidla ngokungaluquki ukhuseleko nokucoca. Ezi nkampani ke bezikhe zaziwa njengeZithili Zokuphucula Iinkonzo okanye iZithili Zokuphucula Iindawo Zokuhlala ngaphambili.
Isibhambathiso sokunikezelwa kwenkonzo esiphakathi kwale CID kwakunye neSixeko saseKapa sithi iSixeko saseKapa kufuneka sinikezele ngamanqanaba angama-30 aqinisekisiweyo eenkonzo kwiNkampani Ejongene Nokuphuculwa kombindi wesi Sixeko ngaphezu kweenkonzo ezisele zinikezelwa kakade apho, ngenxa ke yentlawulo yerhafu enikezelwa kule CID.
Le rhafu yeCID ke yirhafu edingekayo, imali efumaneke apho kufuneka idluliselwe kwiCID leyo. Oko ke kuthethe ukuba le mali kufuneka isetyenziselwe ukunikezela iinkonzo ngokwesicwangciso soshishino ekwavunyelwana ngaso ngabanini-mihlaba abahlala kule CID yaye ayinakudluliswa isetyenziselwe elinye iphulo kwenye Icid. Iirhafu ezitsalwe kubanini-mihlaba kuthi kuhlawulwe ngazo kwa aba banini-mihlaba okanye, okanye ngamanye amaxesha zinikwe abantu abaqeshe kuloo mihlaba, kwangale ndlela isetynziswa xa kuhlawulwa iinkonzo.
IMIYALELO:
Namphi na umnini-mghlaba ohlawulela iinkonzo kwingingqi yesixeko saseKapa angasifaka isicelo sokwamkelwa kweCID. Umntu lowo wenza isicelo ke kuya kufuneka ahlawule zonke iindleko zale nkqubo yesicelo. Iqela labalawuli beCID esekiweyo kufuneka lingazibuyisela ezinye zezi ndleko kumfaki-sicelo lowo ukuba isicelo eso sithe samkelwa.
Le nkqubo ke ibandakanya izibhengezo zemihlangano yoluntu, ukubanjwa komhlangano woluntu ngeenjongo zokuxoxa ngaloo CID, ukufaka isicelo esibhalwe phantsi ekufuneka siquke isicwangciso sokuphucula, ukukhutshwa kwentlawulo kwiBhunga, ukubhengeza isicelo kwanokuqwalasela abo bachaseneyo nesi sicwangciso, ukufumana isigqibo seBhunga leSixeko kwanokufumana inkxaso eninzi kubahlawuli beenkonzo zikamaspala.
Esi sicelo sibhalwe phantsi ke kufuneka sibe nesiqinisekiso sokwamkelwa ubuncinci ngabantu abanemihlaba ebonakalayo kuloo ngingqi, yaye ke aba banini-mihlaba kufuneka bamele ama-25% emihlaba ekule ngingqi ngokwenkqubo yeenkonzo.
Ukuba ke iBhunga ithi isamkele esi sicelo, iCID leyo kufuneka ithi kwiinyanga nje ezintathu zokwamkelwa kwesicelo sayo ifumane isivumelwano esibhalwe phantsi sabanini-mihlaba abathi xa behlangene babe nemihlaba engama-50% ayo yonke imihlaba ekuloo ngingqi kwakunye nama-50% esisekelo seenkonzo.
Kuxa sele sifumanekile kuphela esi sivumelwano sesininzi apho iqela labalawuli bale CID bengeza neSicwangciso Sokuphuhliswa Kwesixeko eso. Abalawuli aba ke kufuneka babe yinkampani engajonge ngeniso (esekwe ngokwemigaqo yeSahluko sama-21 somthetho iCompanies Act), ekufuneka siqulunqiwe ngaphambi kokuvezwa kweSicwangciso Sokuphuculwa Kwesixeko.
uRhulumente Wesizwe ke ukwinkqubo yokuqulunqa umthetho omtsha obizwa ngokuba yiLocal Government Property Rates Bill. Lo mthetho mtsha ke unikezela 'ngeengingqi ekufuneka ziqwalaselwe kwinqanaba lazo zodwa' (kwiSahluko 9), ze unikezele nangemikhomba-ndlela ekubeni oomaspala abambaxa abafana noweSixeko saseKapa kufuneka asebenze njani na ngeengingqi eziqwalaselwa kwinqanaba lazo zodwa. IiCID ezi ke ziingingqi ekufuneka ziqwalaselwe kwinqanaba lazo zodwa. Nawuphi na umthetho kamaspala othi uwiswe kuya kufuneka uhambelane okanye uthobele lo mthetho mtsha. Mnye kuphela umaspala ombaxa apha kwiNtshona Kapa okwangoku, eso ke siSixeko saseKapa. iBhodi Yokwahlula-hlulwa Kwemihlaba yiyo egqiba ekubeni zeziphi na iingingqi ezingoomaspala abambaxa.
Xa unemibuzo ngomthetho kamaspala wesixeko saseKapa ogunyazise ukusekwa kwale nkampani, nceda uqhagamshelane:
Inombolo Yomnxeba: 021 400 5941
IBONELELWA LISEBE:
ICANDELO LIKARHULUMENTE:
Le nkcazelo iyafumaneka nangesi Xhosa
YAYAMENE
Ingaba kukho nto ungayiqondiyo kwiintetho zaseburhulumenteni
Isigama Esinokusetyenziswa uMgaqo-nkqubo Wemfihlelo
Ilungelo Lobunini
