UMPHANDLE
UBOMI BAKHO
IMIBA
USHICILELO
IZALATHISO
URHULUMENTE
IITHENDA
IMISEBENZI
Malunga
Qhagamshelana
Uncedo
Funa nzulu
Umphandle
Urhulumente uRhulumente Wephondo leNtshona Kapa
Iindaba
URhulumente wePhondo leNtshona Koloni Uphehlelela Iphulo Loqeqesho Kubugcisa Bolwazi Nonxibelelwano
URhulumente wePhondo leNtshona Koloni Uphehlelela Iphulo Loqeqesho Kubugcisa Bolwazi Nonxibelelwano
UBUME
IINKONZO
AMAPHULO
IINDABA
IINTETHO
USHICILELO
IIKOMITI
IZIXHOBO
UQHAGAMSHELWANO
Kwisicwangciso-qhinga sakhe seKapa Elihlumayo, urhulumente wephondo uzinikele ekuphuhliseni ubutyebi boluntu nobasekuhlaleni, egxininisa ekulungiseleleni ulutsha ingqesho. Ngeli phulo lokuxhobisa uluntu ngezakhono zobuxhaka-xhaka nobugcisa bonxibelelwano, sisebenzela ukucacisa oku kuzinikela kwethu ngeyona ndlela icacileyo nebonakalayo" uhlomle watsho uGqirha Harold Wesso, intloko yeCentre for e-Innovation, icandelo likarhulumente wephondo elinoxanduva lokujongana neli phulo.
Obu bugcisa bonxibelelwano bujonga indibanisela yokukwazi ukusebenzisa iikhompyutha kwakunye nendlela eyiyo yokusetyenziswa kolwazi. "Oku ke kuthetha ukuba asijolisanga nje kuphela ekufundiseni uluntu ukusebenzisa iikhompyutha, koko sikwabafundisa iindlela zokusebenzisa ubugcisa bolwazi nonxibelelwano ukufikelela, ukukhupha nasekuhloleni iinkcukacha nolwazi" utshilo yena uKatherine de Tolly, oqale eli phulo. "Ukukwazi ukusebenzisa ubugcisa bonxibelelwano kubalulekile kuba siphila kwixesha apho abantu banoxanduva lokuba nazo ezi zakhono ukuze babe nokuba nendima eyiyo abayidlalayo kuqoqosho."
Ukuba umba wokusetyenziswa kobugcisa bonxibelelwano awushukuxwa, umsantsa wokungalingani kwizakhono zobugcisa bonxibelelwano uza kuya unwenwa: abo bafikelelayo nabo banezakhono bazuza lutho kobu bugcisa bonxibelelwano kwakunye nokufikelela kulwazi, ngelixa abo bangenazo ezo zakhono naloo mathuba baqhubekeka ngokushiyekela bengafikeleli kula mathuba (umzekelo, abawafumani amathuba engqesho, kwanalawo okuthabatha inxaxheba kwiinkqubo zikarhulumente kwakunye neengxoxo-mpikiswano ngemiba echaphazela ubomi babantu).
INtshona Koloni ayinakumelana nokungasinanzi isidingo sokuxhobisa abemi bayo ngezakhono zokusebenzisa ubugcisa bolwazi nonxibelelwano; kuba kaloku ijongene nesoyikiso sokushiyekela ngemva kakhulu kwicandelo lolwazi ukuba ayenzi njalo.
Iphulo iCape Skills e-Literacy Pilot Project liya kugxininisa ekuzeni nezixhobo zoqeqesho kwanokwenza uqeqesho kwiindawo ezahlukeneyo ezisemaphandleni apho ukufikelela koluntu kwi-internet kungakwazeka apha eNtshona Koloni. Ngokuqwalasela izifundo ezifundwe kula mathuba okuqala oqeqesho, isicwangciso-qhinga esiquka onke amacandelo sobugcisa bolwazi nonxibelelwano kwiphondo jikelele siya kukhutshwa.
Izixhobo zoqeqesho ezikhutshiweyo ziya kupapashwa njengomongo ovulelekileyo, nto leyo eya kuthetha ukuba nabani na angazisebenzisa ze aziqhelanise nazo, nokuba sele iyimibutho engajonge ngeniso, abanye oorhulumente, amashishini okanye uluntu nje ngokubanzi.
kule nombolo yomnxeba: 483 5461
Ingaba kukho nto ungayiqondiyo kwiintetho zaseburhulumenteni
Isigama Esinokusetyenziswa uMgaqo-nkqubo Wemfihlelo
Ilungelo Lobunini
