﻿

Xikombelo xa ku rejistara tani hi muhakeri wa muthelo wa xinkadyana

Nhlamuselo
Magoza lama faneleke ku landzeleriwa
Milawu leyi tirhisiwaku
Matirhelo na nkarhi wa ku endliwa ka ntirho
Mali leyi hakeriwaku
Tifomu leti tifaneleke ku tatiwa
Vuxokoxoko bya ku tihlanganisa

Nhlamuselo

Muhakeri wa muthelo wa xinkanyana a nga hlamuseriwa hi ndlela leyi landzaku:

munhu wun'wana na wun'wana  loyi a kumaku mali leyi nghenaku  kambe ku nga ri muholo
dayirektara wa khampani ya prayivhete, loko dayirektara wa khampani yeleyo a ri mutshami wa Afrika Dzonga  - handle ka loko Mukhomixinara wa South African Revenue Service  a lerise hi ndlela yin'wana
xirho xin'wana na xin'wana xa close corporation, loko xirho xelexo xi ri mutshami wa Afrika Dzonga – handle ka loko Mukhomixinara a lerise hi ndlela yin'wana
khampani yin'wana na yin'wana
munhu wun'wana na wun'wana loyi a nyiketiwaku nothisi ya leswaku i muhakeri wa muthelo wa xinkadyana hi Mukhomixinara.

Laha khampani yi nga si ku amukelaku muthelo wa mutirhi wo huma eka dayirektara a nga ka a nga tekeli enhlokweni muthelo wa mutirhi loko ku hlayeriwa muthelo wa xiboho lowu wu faneleke wu hakeriwa.

Munhu loyi a kolotaku tihakelo ta muthelo wa xinkadyana , loko ku nga si hela masiku ya 30 ya xiboho xa ku hakela muthelo, u fanele ku endla xikombelo hi ku tsala xa ku rejistara eka hofisi ya rhavi ra SARS. Ku tsandzeka ku endla tano swi ta vangela leswaku a fanela ku hakela ntswalo  na ndziho  hi ku hakela endzhaku ka nkarhi na muthelo wun'wana wo ngetela hi ku tisa tifomo ta mithelo  endzhaku ka nkarhi.

Vanhu lava va landzaku a ku na xilaveko xa leswaku va hakela muthelo wa xinkadyana :

munhu wun'wana na wun'wana loyi a kumaku mali eka muholo ntsena
munhu wun'wana na wun'wana loyi muholo wa yena wu nga tluliku xipimelo xa muthelo , lowu ku nga R43 000 eka vanhu lava nga hansi ka malembe ya 65, na R69 000 eka vanhu lava va nga na malembe ya le henhla ka 65
munhu wun'wana na wun'wana loyi na le handle ko kuma mali ya muholo, a tlhelaku a kuma mali eka vuvekisi bya timali , leyi yi nga tluliku R18 000 eka vanhu va le hansi ka malembe ya 65 kumbe loyi a kumaku R26 000 eka vuvekisi, kambe loyi a nga le henhla ka malembe ya 65. Ntswalo wa vuvekisi bya timali ehandle ka tiko  na ntswalo wa timali leti nyiketiwaku lava nga na tixere  a ti hakerisiwi muthelo ntsena loku ku ri mali leyi nga hansi ka R3 000 eka hinkwayo leyi yi nga humesiwa eka xiboho xo hakela 
munhu wun'wana na wun'wana loyi a nga na malembe ya 65 kumbe ku tlula ka wona eka ku hakela muthelo wa xinkadyana loko:

mali leyi faneleke ku hakerisiwa muthelo  eka lembe ra mithelo yi nga tluli R80 000 na swona yi katsa muholo , mpecheni, ntswalo  na ntswalo wa timali ta tixere , kumbe mali leyi humaku eka vuhiri  na swona
a nga ri dayirektara wa khampani ya prayivhete kumbe xirho xa close corporation, na swona
a nga ri na bindzu leri a ri endlaku.


Makombandlela ya IRP 12 Guidelines ya katsa vutivi hi nhlokomhaka leyi.

Ehenhla

Magoza lama faneleke ku landzeleriwa

Nghenisa xikombelo xa ku rejistara tani hi muhakeri wa muthelo wa xinkadyana eka rhavi ra le kusuhani ra SARS hi papila. Papila leri ri fanele ku hlamusela siku leri u nga ta boheka hi rona ku hakela Muthelo wa Xinkadyana .

Ehenhla

Milawu leyi tirhisiwaku

Income Tax Act, 1962  

Ehenhla

Matirhelo na nkarhi wa ku endliwa ka ntirho

A ku na nkarhi lowu nga vekeriwa ku langutana na fambiselo ra xikombelo.

Ehenhla

Mali leyi hakeriwaku

Vutirheli lebyi a byi hakeleriwi.

Ehenhla

Tifomu leti tifaneleke ku tatiwa

Xikombelo xi fanele ku endliwa hi papila.

Ehenhla

Vuxokoxoko bya ku tihlanganisa


