﻿
Ntsariso  ku velekiwa endzhaku ka nkarhi
Nhlamuselo
Magoza lama faneleke ku landzeleriwa
Milawu leyi tirhisiwaku
Matirhelo na nkarhi wa ku endliwa ka ntirho
Mali leyi hakeriwaku
Tifomu leti tifaneleke ku tatiwa
Vuxokoxoko bya ku tihlanganisa

Nhlamuselo

Ku rejistara  ku velekiwa endzhaku ka nkarhi hi loko ku velekiwa ka munhu ku tsarisiwa  endzhaku ka lembe n'wana a velekiwile. Ku rejistara ku velekiwa ka ndzhaku ku nga vikiwa endzhaku ka lembe kambe ku nga si hela malembe ya 15 munhu a velekiwile.

Ehenhla

Magoza lama faneleke ku landzeleriwa

Tata fomo ya xikombelo ya BI-24/1 ya ku rejistara ku velekiwa endzhaku ka lembe kambe ku nga si hela malembe ya 15.
Tata fomo ya xikombelo ya B1-24/15 ya ku rejistara ku velekiwa endzhaku ka malembe ya 15.
Tata afidavhiti leyi nga hlambanyeriwa leyi ku nga BI-288.
Nghenisa tidokumende leti landzaku:


khopi leyi yi nga tiyisiwa hi va nawu ya dokumende ya vutitivisi ya manana loko vatswari va nga tekanangi, na swona tatana a nga amukeli ku va tatana. Swin'wana leswi u nga swiendlaku, loko tatana wa n'wana wa ku veleka a amukela ku va tatana , tikhopi leti nga tiyisiwa hi va nawu ta tidokumende ta vutitivisi ta vatswari ta laveka. Loko u catile na mhani wa n'wana hi ku veleka, ku laveka tikhopi leti nga tiyisiwa hi va nawu ta tidokumene ta vatswari hi vumbiri, na xitifiketi xa mucato swa laveka kumbe
xitifiketi xa le xibedlhele kumbe xa ndzhawu ya matheniti laha n'wana a nga velekeriwa kona. Xitifiketi xi fanele ku va xi sayiniwe hi munhu loyi a a ri mufambisi  na swona xi fanele ku va na vito ra ximfumo ra instituxini kumbe xitempe na siku.
xitiyiso xa vuxokoxoko bya n'wana tani hi laha swi nga tsariwa eka rejistara ya xikolo kumbe xitifiketi xa xikolo xo sungula laha n'wana a nga nghena kona, lexi xi nga sayiniwa hi prinsipala wa xikolo xelexo. Xitiyiso xi fanele xi va na nomboro ya prinsipala hi xiviri eka letterhead leyi yi nga na xitempe na siku.
xitifiketi xa ku khuvuriwa ka n'wana, loko xi humesiwe ku nga si hela malembe ya ntlhanu ya ku velekiwa ka n'wana
loko vatswari va nga ri kona, afidavhiti  xa xaka leri nga tshwinela ra n'wana, leri nga nkulu eka n'wana hi vutsongo bya malembe ya khume , xaka leri ri tivaku vuxokoxoko bya ku velekiwa ka n'wana leri ri faneleke ku tiyisa vutitivisi bya n'wana na xiyimo
xitatimende lexi humaku eka munhu loyi a nga na vutivi bya vatswari va muendli wa xikombelo. Munhu loyi u ta fanela ku famba na muendli wa xikombelo eka hofisi ya Ndzawulo ya ta le Kaya, laha muendli wa xikombelo na munhu yoloye va nga ta vutisiwa swivutiso eka tindzhawu to hambana .


Ehenhla

Milawu leyi tirhisiwaku



Births and Deaths Registration Amendment Act, 1997  .

Ehenhla

Matirhelo na nkarhi wa ku endliwa ka ntirho

Swikombelo swi nga teka tin'hweti ta 3 ku ya eka ta 6.

Ehenhla

Mali leyi hakeriwaku

Vutirheli lebyi a byi hakeleriwi.

Ehenhla

Tifomu leti tifaneleke ku tatiwa



Application for a birth certificate, BI -154 

Late registration of birth affidavit, BI-288 

Notice of birth, BI-24 


Xiyaxiya: Tifomo a tikumeki eka inthanete . Hi kombela u khumbana na hofisi ya ndzawulo leyi nga kusuhani na wena.

Ehenhla

Vuxokoxoko bya ku tihlanganisa


