﻿
Xikombelo xa xileriso xa khoto xa ku sirheleriwa eka madzolonga ya le kaya
Nhlamuselo
Magoza lama faneleke ku landzeleriwa
Milawu leyi tirhisiwaku
Matirhelo na nkarhi wa ku endliwa ka ntirho
Mali leyi hakeriwaku
Tifomu leti tifaneleke ku tatiwa
Vuxokoxoko bya ku tihlanganisa

Nhlamuselo

Xana i ncini madzolonga ya le kaya?

Hi ku landza nawu wa Domestic Violence Act No. 116 of 1998, madzolonga ya le kaya:

i muxaka wihi na wihi wa ku xanisiwa lowu wu katsaku ku xanisiwa emirini, hi swa masangu, emoyeni, hi mianakanyo na hi ku xanisiwa hi swa ikhonomi
ku vaviseriwa mpahla
ku salasariwa endzhaku
ku nghena eka ndzhawu ya munhu handle ka mpfumelelo wa yena
muxaka wihi na wihi wa nxaniso kumbe ku lawuriwa matikhomelo laha fambiselo ro tano ri ku vavisaku kumbe ri nga ku vavisaku eka swa rihanyu, vusirheleleki kumbe ku hanya kahle.

Loko tinxaka leti ta nxaniso tihumelelaku eka wena kumbe eka munhu wun'wana loyi u n'wi tivaku, u nga endla xikombelo xa xileriso xa ku sirheleriwa hi khoto . Xileriso xa khoto xa ku sirheleriwa eka madzolonga ya le kaya i dokumende leyi yi humesiwaku hi khoto, leyi yi sivelaku muxanisi eka leswi landzaku:

ku endla madzolonga ekaya
ku tirhisa munhu wun'wana ku endla madzolonga yo tano
ku nghena eka ndzhawu leyi muxanisiwa a tshamaku eka yona na munhu wun'wana
ku nghena eka xiyenge xo karhi xa ndzhawu leyi muxanisiwa a tshamaku eka yona na wun'wana/van'wana
ku nghena eka ndzhawu ya munhu loyi a vilelaku hi ku xanisiwa
ku nghena eka ndzhawu laha muvileri hi ku xanisiwa a tirhaku eka yona
ku sivela munhu loyi a vilelaku hi ku xanisiwa loyi a tshamaku eka ndzhawu kumbe a a tshama eka ndzhawu leswaku a nga ngheni eka yona kumbe ku tama a ha ri eka yona, kumbe xiyenge xa yona
ku endla hambi xiendlo xihi lexi nga hlamuseriwa eka xileriso xa khoto xo sirheleriwa.

I mani  lava va nga endlaku xikombelo xa xileriso xo sirheleriwa hi khoto?

Munhu wun'wana na wun'wana loyi a nga xanisiwa
Munhu lontsongo hi malembe , loyi a nga endlaku xikombelo handle ko pfuniwa
Munhu wun'wana na wun'wana loyi a khumbekaku eka vutomi bya munhu loyi a vilelaku hi ku xanisiwa. Vanhu lava landzaku va nga endla xikombelo hi mpfumelelo wa muxanisiwa lowu nga tsariwa, handle ka loko muxanisiwa a ri munhu lontsongo hi malembe , munhu loyi a nga tiphiniku kahle ebyongweni, munhu loyi a nga titivala, kumbe loko khoto yi eneriseka leswaku muxanisiwa a nga koti ku nyiketa mpfumelelo lowu nga tsariwa:

Mupfuneti hi switsundzuxo 
Mutirhela-rihanyu
Phorisa
Mutirhela-nhlayiso wa vanhu 
Thicara


Ku kuma vutivi byo enta, nghena eka website ya Ndzawulo ya Vululami na Nhluvukiso wa Vumbiwa

Top

Magoza lama faneleke ku landzeleriwa

Endla xikombelo xa xileriso xo sirheleriwa hi khoto  eka Khoto ya Majistarata leyi nga kusuhani na laha u tshamaku kumbe ku tirha kona, eka nkarhi wun'wana na wun'wana hi minkarhi ya tiawara ta ku tirha kumbe endzhaku ka tiawara ta ku tirha, na hi masiku ya tiholideyi kumbe eka ti-weekend.
Xo sungula rhanga u endla xikombelo xa Xileriso xo sirheleriwa xa xinkadyana  hi ku tata Form 6: Interim Protection Order  eka Khoto ya Majistarata leyi nga kusuhani kumbe Khoto ya le Henhla .
Loko se u endle xikombelo xo sirheleriwa xa xinkadyana , tata Form 2: Application for Protection Order  eka Khoto ya Majistarata leyi nga kusuhani kumbe Khoto ya le Henhla .
Xikombelo xifanele xi endliwa hi afidavhiti  lexi hlamuselaku leswi landzaku:

Ntiyiso wa mhaka leyi nga xivangelo xa xikombelo
Muxaka wa xileriso lexi xikomberiwaku
Vito ra xitici xa maphorisa laha muxanisiwa a nga vikaku kona hi ku tshova ka xileriso xa ku sirheleriwa lexi ku endliwaku xikombelo xa xona

Loko xikombelo xi endliwa hi vito ra muxanisiwa xi endliwa hi munhu wun'wana, afidavhiti yi fanele ku hlamusela:

Nhlamuselo ya leswaku xana munhu loyi u khumbeka njhani eka ku hanya kahle ka muxanisiwa
Ntirho wa munhu loyi  na xiyimo xa yena  xa ku tisa xikombelo
Mpfumelelo lowu nga tsariwa wa muxanisiwa, handle ka loko muxanisiwa:

a ri ntsongo hi malembe 
a nga tiphini kahle ebyongweni
a titivarile
munhu loyi khoto yi enerisekaku hi leswaku a nga koti ku nyiketa mpfumelelo.


Tiyisa fomo eka nawu kutani u yi nyiketa mabalana wa khoto no yi nghenisa.
Mabalana u ta rhumela xikombelo xa wena eka majistarata loyi a nga ta veka siku ra leswkau u tlhelela ekhoto leswaku ku ta yingiseriwa xikombelo xa wena.
Majistarata u ta lulamisa nothisi ya ku tivisa muxanisi hi xileriso xa khoto xo sirhelela  na leswaku xana u fanele ku ta rini ekhoto.
Endzhaku ka ku ta ekhoto, majistarata a nga nyiketa xileriso xa khoto xa ku sirhelela.



Top

Milawu leyi tirhisiwaku

Domestic Violance Act, 1998   na swinawana swa mafambiselo na Swileriso swa Tiko 



Top

Matirhelo na nkarhi wa ku endliwa ka ntirho

Eka swiyimo swa swihatla, vutirheli byi kumeka tiawara ta 24 hi siku
Xileriso xa khoto xo sirhelela  xi nga kumeka hi siku relero, kambe hi ntolovelo, leswi swi titshege hi ku tika ka mhaka ya wena.
Xileriso xi tirha ku fika loko muxanisiwa a xi khansela.
Loko muxanisi a endla aphili, xileriso xi ya emahlweni no tirha ku fikela loko Khoto ya Aphili yi xi khansela.



Top

Mali leyi hakeriwaku

Vutirheli lebyi a byi hakeleriwi.



Top

Tifomu leti tifaneleke ku tatiwa

Application for Protection Order 
Interim Protection Order 
Form 6: Protection order  
Protection order  



Top

Vuxokoxoko bya ku tihlanganisa


