﻿

Xikombelo xa ku va phorisa ra rhizevhe 

Nhlamuselo
Magoza lama faneleke ku landzeleriwa
Milawu leyi tirhisiwaku
Matirhelo na nkarhi wa ku endliwa ka ntirho
Mali leyi hakeriwaku
Tifomu leti tifaneleke ku tatiwa
Vuxokoxoko bya ku tihlanganisa

Nhlamuselo

Phorisa ra rhizevhe i xirho xa vaaka-miti lexi xi endlaku mintirho ya vuphorisa ku nga ri minkarhi hinkwayo   kumbe mintirho yin'wana ya va South African Police Service  hi ku tirhandzela handle ko hakeriwa ku endla mintirho yo tano.

U nga va phorisa ra rhizevhe eka swiyenge leswi landzaku:

Category A Reservist — Functional policing :

ku endla mintirho hinkwayo ya vuphorisa exiticini xa maphorisa, eka ndzhawu  kumbe eka xiyenge xa xifundzhankulu , kambe ku nga ri mintirho ya xipeceli ya vuphorisa.
ri nga ambala yunifomo
ri ta leteriwa eka swiyenge leswi faneleke swa mintirho ya vuphorisa.
Category B Reservist — Support services :

:

ku endla mintirho yo karhi yo seketela etihofisi eka xiyenge xa tiko, xa provhinsi, xa ndzhawu  kumbe exiticini, na swona ri nga ka ri nga endli mintirho ya vuphorisa 
a ri ambali yunifomu
laha swi faneleke, ri nga leteriwa eka swiyenge leswi faneleke swa nawu, pholisi na swileriso  leswi swi tirhaku eka mintirho yo karhi leyi a yi endlaku

Category A Reservist — Specialised Functional policing :

u fanele ku va na vuswikoti byo karhi kumbe ntokoto  lebyi byi nga tirhisiwaku eka mintirho ya vuphorisa, ku fana na ku va muchayeri wa xihahampfhuka , dokodela, mudayivhi ematini, mutirhela vuhlayiseki bya vanhu , kumbe sayikholojisti.
u ta endla mintirho yo karhi eka xiyimo xa vuswikoti bya ntokoto wa yena
a nga ku hi ku pfumeleriwa hi khomandara wa yena, ku ambala yunifomo
laha swi faneleke, ri nga leteriwa eka swiyenge leswi faneleke swa nawu, pholisi na swileriso  leswi swi tirhaku eka mintirho yo karhi leyi a yi endlaku.

Category D Reservist — Rural and urban sector policing :

ku endla mintirho eka swiyenge swa mintirho bya vuphorisa leswi swi fambelanaku na vuphorisa emadorobeni kumbe eka tindzhawu ta le makaya eka sekthara yo karhi eka xitici xelexo; kumbe u ta endla mintirho eka tindzhawu to karhi eka sekthara yo karhi tani hi laha swi nga vekiwa hi mukhomandara
a nga ambala yunifomo hi ku ya hi ku tirhisiwa ka yona
u fanele ku leteriwa eka sekthara yo karhi ya vuphorisa na/kumbe eka mintirho ya vuphorisa leyi yi fambelanaku na mintirho ya yena. Ku ta laveka vuleteri byin'wana lebyi kongomaneke na vuphorisa eka sekthara yeleyo ya mintirho ya vuphorisa.


Phorisa ra rhizevhe leri langiwaku ku tirha eka khathegori yo karhi, ri nga hundziseriwa eka khathegori yin'wana na yin'wana loko ri endla leswi fambelanaku na swilaveko swa khathegori yeleyo, na swona ri tiyimiserile ku kuma vuleteri lebyi lavekaku eka khathegori yeleyo.

Hi landza swinawana swa matirhelo  swa South African Police Service, u fanele ku:

ku va munhu loyi a tshamaku eAfrika Dzonga minkarhi hinkwayo 
ku va na malembe ya 18 na le hansi ka malembe ya 70
u fanele ku hlamula swivutiso eka nongonoko wa swivutiso hi swa rihanyu  tani hi laha swi nga vekiwa hi Mukhomixinara wa Tiko 
ku ka u nga vi na ku karhateka ebyongweni, vuvabyi, kumbe ku tsana ko karhi, leswi swi nga kavanyetaku ku endla ka wena mintirho
ku va munhu loyi a tikhomaku kahle, leswi ku faneleke ku vutisiwa matimu ya wena hi swona
ku tata swivutiso eka nkambelo wa psychometric test kumbe nkamelo lowu wu vekiwaku hi Mukhomixinara wa Tiko wa Maphorisa
ku va na xitifiketi xa matriki kumbe tikhwalifikhexini ta xiyenge xo ringana na xona no nyiketa vumbhoni bya leswi
u kota ku vulavula, ku hlaya na ku tsala English tani hi rin'wana ra tindzimi ta ximfumo
ku pfumela leswaku ku tekiwa swigandlato swa tintiho ta wena, na swona u fanele ku va munhu loyi a nga si tshamaku a kumeka a ri na nandzu na swona u nga ri munhu loyi a nga le ku chuchisiweni eka nandzu
u tiyimiserile ku leteriwa
u tiyimiserile ku endla xihlambanyiso
u nga vi na ti-tattoo leti vonakaku; na swona
u ri na layisense ya ku chayela movha, hambi loko leswi swi nga ri xalaveko eka va vurhizevhu.

Ehenhla

Magoza lama faneleke ku landzeleriwa

Khumbana na xitici xa maphorisa xa le kusuhani

Tata fomo ya xikombelo ya SAPS 93

fomo ya vuxokoxoko hi wena 
Xiboho xa ku tiyimisela 
fomo ya xivutiso hi swa rihanyu 
fomo ya swivutiso hi swa vuhlayiseki  Z204, loko u nga ri muaka-tiko wa Afrika Dzonga
fomo ya swigandlato swa tintiho )
Mpfumelelo eka vatswari va wena kumbe muhlayisi  loko u ri ehansi ka malembe ya 21
Famba na tidokumende leti landzaku:


khopi leyi nga tiyisiwa hi va nawu  ya dokumende ya vutitivisi 

khopi leyi nga tiyisiwa hi vanawu ya layisense ya vuchayeri ya wena, loko u ri na yona

khopi leyi nga tiyisiwa hi va nawu ya tikhwalifikhexini ta tidyondzo ta wena.



I mani loyi a nga ta ka a nga tekiwi tani hi rhizevhu:

munhu loyi a nga ntshunxiwa entirhweni wa yena hikuva nga tiphini kahle emirini
munhu loyi a a ri xirho xa South African Police Service loyi xikombelo xa yena xa ku vuya nakambe xi nga ariwa
munhu loyi a tirhelaku kumbe ku va eka xiyimo eka vandla ra tipolitiki
munhu loyi a nga journalist  eka va swa mahungu
mudyondzi wa xikolo
muofisara wa ntirho wa vurindzi bya swa vuhlayiseki 
xirho xa Vuphorisa bya Masipala.

Ehenhla

Milawu leyi tirhisiwaku



The South African Police Service Act, 1995  

The Regulations for the South African Reserve Police Service 


Ehenhla

Matirhelo na nkarhi wa ku endliwa ka ntirho

Loko u kumeka u fanerile, xikombelo xa wena xi ta amukeriwa hi Area Commissioner na swona u ta hlambanyisiwa. Kambe a wu nga pfumeleriwi ku endla mintirho loko u nga si heta vuleteri bya wena. Endzhaku ka sweswo, u ta nyiketiwa xitifiketi xa ximfumo xa ku amukeriwa.

Ehenhla

Mali leyi hakeriwaku

Vutirheli lebyi a byi hakeleriwi.

Ehenhla

Tifomu leti tifaneleke ku tatiwa

Tifomo a tikumeki eka inthanete . Hi kombela u khumbana na hofisi ya ndzawulo leyi nga kusuhani na wena.

Ehenhla

Vuxokoxoko bya ku tihlanganisa


