﻿

Xivilelo hi ku tsandzeka ka phorisa ku pfunetana na muxanisiwa wa madzolonga ya le kaya

Nhlamuselo
Magoza lama faneleke ku landzeleriwa
Milawu leyi tirhisiwaku
Matirhelo na nkarhi wa ku endliwa ka ntirho
Mali leyi hakeriwaku
Tifomu leti tifaneleke ku tatiwa
Vuxokoxoko bya ku tihlanganisa

Nhlamuselo

U nga nghenisa xikombelo eka va Independent Complaints Directorate  loko u vona leswaku xirho xa Maphorisa ya Afrika Dzonga  a xi landzelelangi leswi nga vekiwa eka nawu wa madzolonga ya le makaya lowu ku nga Domestic Violence Act of 1998. Munhu wun'wana na wun'wana, loyi a nga xanisiwa hi madzolonga ya le kaya na minhlangano leyi yi nga ri ku ehansi ka mfumo  va nga nghenisa xivilelo. Swin'wana swa ku tsandzeka ku landzelela nawu ku nga va ku tsandzeka ku endla leswi landzaku:

ku khoma munhu loyi a nga mangaleriwa
ku tsandzeka ku pfunana na muvileri ku pfula nandzu, ku tsandzeka ku kuma ndzhawu leyi faneleke ya ku tshamisa muvileri, ku ongoriwa ka muvileri, ku heleketa muvileri ku ya teka mpahla ya yena eka mumangaleriwa na ku tekela muxanisi matlhari ya nghozi
ku pfuneta muvileri hi switsundzuxo hi leswi a nga langaku eka swona, swo fana na ku pfula nandzu wa vugevenga kumbe ku endla xikombelo xa xileriso xa ku sirheleriwa hi khoto 
ku tsandzeka ku nyiketa mumangaleriwa xivito xa nawu xo n'wi vitanela ekhoto.

Madzolonga ya le kaya ya endleka loko munhu loyi a nga le ka dzolonga a nga na vuxaka na munhu yoloye a endla leswi landzaku:

a n'wi xanisa emirini kumbe hi swa masangu (xikombiso, a n'wi ba kumbe a n'wi pfinya.
a n'wi xanisa hi marito, a n'wi xanisa emoyeni kumbe hi swa miehleketo (xikombiso a n'wi rhuketela, a n'wi chavisa kumbe a n'wi vondzoka ku tlula mpimo.
a n'wi karhata 
A nghena eka ndzhawu ya yena handle ka mpfumelelo wa yena.
a ku xanisa hi swa ikhonomi kumbe timali, xikombiso, loko nuna wa wena kumbe phatnara wa wena a ku alela mali ya swakudya, mali ya xikolo, na swin'wana swotano.
A n'wi chavisa, xikombiso loko a ku chavisa hi ku ku dlaya loko u lava ku ya emaphoriseni.
a vavisa mpahla ya wena, xikombiso, a ku hisela nhundzu ya wena, a tshova fenichara ya wena, a xeka tithayera ta movha wa wena.
A tshova xileriso xa ku ku sirhelela xa khoto lexi nga kona.
Tinxaka tin'wana to xanisa leti xungetaku vuhlayiseki bya wena kumbe rihanyu kumbe ku hanya kahle ka wena.

Ku kuma vutivi byo enta, nghena eka website ya Independent Complaints Directorate .

Top

Magoza lama faneleke ku landzeleriwa

Swivilelo swi nga endliwa hi munhu xiviri, hi riqingho, hi papila kumbe hi email eka hofisi ya le kusuhani ya ICD.
Muvileri u fanele ku tata fomo ya ntsariso ya DVA registration form.
Nyiketa va Independent Complaints Directorate  vutivi lebyi landzaku:

Xitatimende xa leswi swi nga endleka
Vito na vuxokoxoko bya muxanisiwa na/kumbe muvileri
Vito na xiyimo  xa muofisara  va maphorisa
Vito na xitici xa maphorisa
Nomboro ya kheyisi ya maphorisa, loko yi ri kona
Siku, nkarhi na muxaka wa ku tsandzeka ku landzelela nawu na DVA
Vuxokoxoko bya timbhoni, loko byi ri kona


Top

Milawu leyi tirhisiwaku

Domestic Violence Act  

National Instructions regarding Domestic Violence:7/1999 (Swileriso swa Tiko makongomana na madzolonga ya le makaya


Top

Matirhelo na nkarhi wa ku endliwa ka ntirho

Ku nghena ka klayente: Ku amukeriwa ka klayente eka rejistara ya vaendzi
Nkarhi wa ku rindzela ku burisana – timinete ta 30
Papila ro amukela xivilelo ku nga si hela masiku ya 30
Xiviko xa leswaku xivilelo xi famba njhani – ku nga si hela masiku ya 30
Xiviko xo hetelela xa leswaku xivilelo xi famba njhani – ku nga si hela masiku ya 90

Top

Mali leyi hakeriwaku

Vutirheli lebyi a byi hakeleriwi.

Top

Tifomu leti tifaneleke ku tatiwa

DVA registration form 

Top

Vuxokoxoko bya ku tihlanganisa


