Maphorisa ya fanele ya hakela muviki wa mahungu tanihi leswi a tshembhisiweke-- Mushwana

Musirhelela Vaakatiko  Lawrence Mushwana u susumetile Maphorisa ya Afrika Dzonga (SAPS) ku hakela muviki wa mahungu, hakelo leyi nga tshembhisiwa yo ringanaR75,00 loyi a nga pfuna maphorisa na Xiyenge xa Vuchuchisi xa Rixaka (NPA)  ku lulamisa xiphiqo xa nandzu wo phangha..   

Endzahku ka ku fambisa ndzavisiso hi mhaka leyi, Gqweta. Mushwana u susumetile SAPS ku yima ku endla switshembhiso leswi yi nga koteki ku swi fikelela eka vaviki va timhaka tanihi leswi swi vangaka leswaku vanhu vava na mavonelo yo biha hi vito ra yona. “ Mahanyelo lawa ya tisa xivumbeko xa yona (SAPS) eka xiyimo xo ka xi nga ri kahle, “a vula”.  

Mumangali u vonanile na OPP hi 2007, malembe ,manharhu endzhaku ka loko nandzu wu hetisiwile, a ehleketelela leswaku SAPS eGauteng yi tsandzekile ku n’wi hakela hakelo ya yena. 

Maphorisa ya tshembhisile  hakelo eka un’wana na un’wana loyi a nga ta va pfuna  hinkwavo na xiyenge xa NPA ku khoma vaehleketeleriwa na ku hlayisa vabohiwa eka nandzu, leswi nga  katsa khexe leyi ayi karhi yi fambisiwa, ku dlaya na ku ringeta ku dlaya. . Mumangali u tlhele a nyika vumbhoni ekhoto hi nkarhi walowo.  

Hakelo yi hakeriwile eka SAPS hi xiyenge xa Vuhlayiseki bya Khulani, hambileswi xitshembhiso   a xi endliwile hi maphorisa ematsahan’weni ya khamphani ya vuhlayiseki. 

Mumangali u vekiwile ehansi ka nongonoko wo sirhelela timbhoni . Hi nkarhi wa ndzavisiso, OPP yi kumile leswaku i swa  ntiyiso mumangali u nyikile swirho swa maphorisa mahungu lawa ya nga yisa eka ku khomiwa na ku bohiwa ka vaehleketeleriwa eka nandzu wo phangha..

Ku yile emahlweni ku kumiwa leswaku SAPS yi tsandzekile ku hakela mumangali hakelo leyi nga vuriwa.

Gqweta. Mushwana u yisile swiviko swa  leswi anga swi kuma na swibumabumelo eka  Holobye wa Vuhlayiseki na Vusirheleri (sweswi swi vuriwaka Maphorisa) Nathi Mthethwa na Mukhomixinara wa le Gauteng  wa Maphorisa Perumal Naidoo.   



