﻿

Xikombelo xa ku nyiketa nothisi ya rifu

Nhlamuselo
Magoza lama faneleke ku landzeleriwa
Milawu leyi tirhisiwaku
Matirhelo na nkarhi wa ku endliwa ka ntirho
Mali leyi hakeriwaku
Tifomu leti tifaneleke ku tatiwa
Vuxokoxoko bya ku tihlanganisa

Nhlamuselo

Rifu ri fanele ku vikiwa eka wun'wana wa vanhu lava landzaku:

Swirho swo karhi swa Ndzawulo ya ta le Kaya
Swirho swa va SAPS, ngopfu-ngopfu eka tindzhawu laha ku nga ri ku na tihofisi ta Ndzawulo ya ta le Kaya
Vafambisi va swilahlo  lava nga vekiwa no amukeriwa hi ku landza nawu

Ku kuma vutivi byo enta, nghena eka website ya Ndzawulo ya ta le Kaya.

Top

Magoza lama faneleke ku landzeleriwa

Dokodela loyi a nga kambela miri wa munhu loyi a nga lova u fanele ku endla leswi landzaku:

xitifiketi lexi heleleke xa xivangelo xa rifu xa BI-1663
a va a xinyiketa xirho xa ndyangu wa munhu loyi a nga lova, kumbe mufambisi wa swilahlo loyi a langutaneke na ku endla malulamiselo ya swilahlo.
seal ya pheji 2 ya fomo ya xikombelo BI-1663.

Loko ku nga ri na dokodela, xikombiso, loko ku ri tindzhawu ta le makaya, kutani murhangeri wa ndhavuko  u fanele ku tata fomo ya xiviko xa rifu  .
Xirho xa ndyangu wa munhu loyi a nga lova u fanele ku teka tidokumende a ti yisa eka mufambisi wa swilahlo loyi a nga ta langutana na malulamiselo ya swilahlo.
Loko mufambisi wa swilahlo a ri na mfanelo ya ximfumo yo amukela tinothisi ta rifu, ku tata rejistara ya rifu, no humesa swileriso swa swilahlo, mufambisi u ta endla leswi landzaku:

ku tata swiyenge swa fomo ya BI-1663
ku humesa xileriso xa swilahlo 
ku teka fomo a yi yisa eka hofisi ya va Ndzawulo ya ta le Kaya leswaku va ta tsarisa rifu no humesa xitifiketi xa rifu
ku nyiketa xitifiketi xa rifu eka xirho xa ndyangu.

Loko mufambisi wa swilahlo a ri na matimba ya ximfumo yo amukela tinothisi ta rifu, a nga tata xiyenge C xa fomo ya BI-1663.
Xirho xa ndyangu kumbe mufambisi wa swilahlo u fanele ku fambisa tidokumende eka hofisi yin'wana na yin'wana ya ta Ndzawulo ya ta le Kaya , ku humesa xileriso xa xilahlo  no langutana na tidokumende ta ntsariso wa rifu.
Loko muaka-tiko wa Afrika Dzonga kumbe mutameri wa mfanelo yo tshama a lova ehandle ka Afrika Dzonga, rifu ra munhu yoloye ri fanele ku vikiwa eka embasi kumbe mixini ya Afrika Dzonga. Khopi leyi nga tiyisiwa hi va nawu ya xitifiketi xa ku lova leyi yi nga nyiketiwa hi tiko ra le handle, yi fanele ku tisiwa.

Top

Milawu leyi tirhisiwaku

Births and Deaths Registration Act, 1992  .

Top

Matirhelo na nkarhi wa ku endliwa ka ntirho

Xitifiketi lexi komisiweke xa ku lova  xi humesiwa hi rona siku relero ku endliwaku xikombelo hi rona.

Top

Mali leyi hakeriwaku

Xitifiketi lexi komisiweke xa rifo: I mahala
Xitifiketi lexi heleleke xa rifu: R43

Top

Tifomu leti tifaneleke ku tatiwa

Certificate of cause of death, BI-1663  
Death report, BI-1680 
Burial order, BI-14 

Tifomo ta swikombelo tikumeka eka hofisi ya Ndzawulo ya ta le Kaya.

Top

Vuxokoxoko bya ku tihlanganisa


