

Xikombelo xa phemiti yo rhumela mpahla ehandle

Nhlamuselo
Magoza lama faneleke ku landzeleriwa
Milawu leyi tirhisiwaku
Matirhelo na nkarhi wa ku endliwa ka ntirho
Mali leyi hakeriwaku
Tifomu leti tifaneleke ku tatiwa
Vuxokoxoko bya ku tihlanganisa

Nhlamuselo

Phemiti yo rhumela mpahla ehandle ya laveka ku tiyisa leswaku munhu kumbe nhlangano lowu wu nga na xikongomelo xo rhumela mpahla ehandle wu landzelela swipimelo swo rhumela mpahla ehandle  no landzelela leswi nga vekiwa eka mintwanano ya matiko ya misava . Tiphemiti to rhumela mpahla ehandle titlhela ti pfuna ku lawula ku nghena no huma ka mpahla  ya nkoka swinene  kumbe ku lawula ku ngungumerisiwa no yiviwa ka timpahla.

Pholisi leyi yi tirhaku eka timpahla to nghenisiwa na to humesiwa etikweni  ya hambana eka sekthara na sekthara ya tiindastri. Nakambe, timpahla tinyingi letintshwa tihumesiwile eka xiboho xa vulawuri bya timpahla leti nghenisiwaku. Hikokwalaho, loko u lava vutivi bya pholisi makongomana na ku nghenisiwa no humesiwa etikweni ka timpahla to karhi, u fanele ku nyiketa vahofisi ya Import and Export Control  leyi yi kumekaku eka va Ndzawulo ya Minxaviso na Tiindastri  ku kuma vuxokoxoko bya timpahla to karhi leti nga ta nghenisiwa kumbe leti humesiwa etikweni.

A hi timpahla hinkwato kumbe tiprodakti hinkwato leti nga le hansi ka vulawuri bya mpahla leyi nghenisiwaku na/kumbe leyi humesiwaku. Kambe, mpahla hinkwayo leyi nga tirhisiwa , mpahla ya tisekeni , mathyaka na swikrepe, hinkwaswo leswi swi wela ehansi ka vulawuri bya mpahla leyi nghenisiwaku . Nongonoko wa mpahla leyi nga le hansi ka vulawuri bya mpahla leyi nghenisiwaku na leyi humesiwaku wa kumeka. Loko u nyiketa vuxokoxoko byo khumbana na wena, u ta rhumeriwa nongonoko  leyi hi poso, ku fekiseriwa yona, kumbe ku rhumeriwa yona hi email.

Ku kuma vutivi byo enta, nghena eka website ya International Trade Administration Commission.

Top

Magoza lama faneleke ku landzeleriwa

Ti hlanganiseni na va xiyenge xa International Trade Administration Commission.
Tata tifomo ta xikombelo leti u nga tikumaku eka va Ndzawulo ya ta Minxaviso na Tiindastri.
Heleketa /yisa tifomo eka va Directorate ya: Import and Export Control.

Top

Milawu leyi tirhisiwaku

International Trade Administration Act, 2002  

Top

Matirhelo na nkarhi wa ku endliwa ka ntirho

Swi nga teka masiku manharhu ku langutana na xikombelo xa wena xa phemiti ya ku rhumela mpahla ehandle ka tiko.

Top

Mali leyi hakeriwaku

Vutirheli lebyi a byi hakeleriwi.

Top

Tifomu leti tifaneleke ku tatiwa

Application for export permit: motor vehicle 

Application for export permit: ferrous and non ferrous waste and scrap 

Application for an export permit general goods 


Top

Vuxokoxoko bya ku tihlanganisa


