Umlayeto lophuma Kumvikeli Wesive 

Nyalo sekuyatiwa kutsi live letfu njengalamanye emhlabeni wonkhe jikelele, libukene nekuwa kwemnotfo. Kuwa kwemnotfo nyalo iligama lelisematseni futsi ngandlela tsite sonkhe siyatsintseka kulesehlakalo 

Njengoba sichubeka siva umtselela walenkinga yemnotfo, ledzinga kutsi sinake imali, lihhovisi lami liyachubeka nekubukana netikhalo tekumiswa kwempesheni yalabadzala.. lekufanele bazuze lempesheni bantfu labagugile, labasemacenjini lahluphekako emphakatsini lavamise kuphila endlaleni..  

Licala lelinjalo lwemholo lomisiwe waVvho Mphephu loneminyaka lengu-86 Wasesifundzeni Sase Limpopo, umhlolo wakhe wemiswa iminyaka lemitsatfu ngoba kusolelwa kutsi unenombolo yamatisi lefanana neyalomunye Losesifundzeni Sasefreyistata .  

Kulandzela kungenelela kwelihhovisi lami,  imphesheni yaVho Mphephu yabuyiselwa wabuye watfola imali yakhe lebeyibanjiwe. Ngibuye ngiphakamisa kutsi I-ejensi Yekuvikela Inhlalakahle YaseNingizimu Afrika, eLimpopo, icoka litsimba leliphenya loludzaba lwekumiswa kwemiholo, ngenca yekuba netinombolo letifananako lekuyinkinga lechubekako. Lokusetjentiswa kwaletiphakamiso kutawuhlolwa ngeliso lelibukhali.

Uma hulumende enta inchubekelembili macondzana nekuniketwa kwetindlu telinani leliphasi ebantfwini labaphuyile kuleminyaka, kusasenetingucuko lapho. Lihhovisi lami lisandza kuphenya sikhalo setakhamuti tase- Units R na-S eLebowakgomo, Selitiko Labohulumeni Basekhaya Neletindlu laseLimpopo, lihluleke kwakha libuye licedzele tindlu temphakatsi te- RDP.  

Tiphakamiso letibuya ehhovisi lami betitsi Litiko kufanele lakhe libuye licedzele tindlu tabo bonkhe labafake ticelo tabuya tavunyelwa.  Kungeta, linani lesibonelelo lelikhona nyalo kufanele lisetjentiswe kusita bamangali njengoba linani letintfo tekwakha likhula kakhulu kuleminyaka.

Kubika bugebengu kutawugina emiphakatsini lephephile njengoba lihhovisi lami liphenye sikhalo sempimpi Seluphiko Lwemisebenti Yemaphoyisa Aseningizimu Afrika   (SAPS) ngekuhluleka kuhlonipha sitsembiso sekubhadala  inkhokhelo lengu-R75 000 ngemuva kwekuniketa imininigwane leholele ekuboshweni ecaleni lekubanjwa kwenkundzi. Ngemuva kweluphenyo, ngiphakamisa kutsi i- SAPS ikhokhele ummangali inkhokhelo lephelele njengalokutsenjisiwe nekutsi ngesikhatsi lesitako, i- SAPS ihloniphe kubhadala inkhokhelo lapho kwentiwe khona titsembiso honour.

Uyacelwa kutsi ute phambili ngetikhalo tenu, lihhovisi lami lisetindzaweni letinyenti lelive sibuye sinetinombolo tamahhala, 0800 11 20 40   longayisebentisa kundlulisa tikhalo.  Silindzele kuba nebudlelwano bekusebentisana nani kucinisa intsandvo yelinyenti lesemtsetfweni.



Sibonane ngesikhatsi lesitako 



Adv ML Mushwana





