Kufaka sicelo sesondlo
Siyanakekela Siwela lapha Siyasebentela
Tinsita tebantfu
Tinsita tetinhlangano
Tinsita tebantfu bekuhamba
Khetsa lulwimi
Kufaka sicelo sesondlo
Kubhadala sondlo
Kuntintja linani lemali yesondlo
Tintfo tekukhetsa kuto
Ngeta kulokutsandzako
Libeke njengelikhasi lekhaya
Macondzana newebhusayithi
Tsintsana natsi
Libalave lelisayithi
Ekhaya
Tinsita tebantfu
Kuba ngumtali
Kondla
Kufaka sicelo sesondlo
Kufaka sicelo sesondlo
Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana
Inchazelo
Kondla kucindzetelwa nobe ngumtfwalo wekuniketa lomunye umuntfu, sibonelo, umuntfu losesemncane, indlu, kudla, kwekwembatsa, imfundvo nekunakekelwa ngetekewelashwa, nobe ngetindlela tekuniketa loyo muntfu letintfo letibalulekile. Lomsebenti losemtsetfweni wekondla ubitwa ngekutsi 'ngumsebenti wekondla' nobe 'ngumsebenti wekunakekela'.
Ngubani lekumele akhiphe sondlo?
Umsebenti wekondla umiselwe ebuhlotjeni bengati, kusisa, nobe kona lokwekutsi laba lababili bashadene.
Umntfwana kumele anakekelwe futsi ondliwe:
Batali bakhe, nobe ngabe bashadile, bahlala ndzawonye behlukene nobe sebaphelise umshado wabo, kufaka ekhatsi batali labasiselwe lomntfwana; nobe/futsi
Bogogo namkhulu wakhe, nobe ngabe batali balomntfwana abazange bashadane. Nobe kunjalo, loku kuyehluka ngekuya kwenkinga ngayinye.
Umsebenti wekondla umndeni awugcini kuphela ngemntfwana kuphela. Nanobe nguliphi lilunga lemndeni, akunendzaba kutsi lidzala kanganakanani ngeminyaka, lingacela lelinye lilunga lemndeni kutsi libanakekele nobe libondle, kuphela-nje nangabe kuhlangabetwana naletimo letilandzelako:
Lelilunga lemndeni lelicela kunakekelwa abakhoni kutondla
Lelilunga lemndeni lekufunwa kulo sondlo liyakhona kukhokha sondlo lesifunekako.
Ngutiphi tindleko letingafunwa?
Ungafuna kunakekelwa lokukhonakalako lokudzingekako ekuniketeni umntfwana nobe lomunye umuntfu lonelilungelo lekunakekelwa ngekuphila kahle nangekukhuliswa kahle. Loku kufaka ekhatsi kuniketa tidzingo letifanana nekudla, kwekwembatsa nendlu yekuhlala, kanye nekukhokhela imfundvo yangempela. Inkantolo ingaphindze futsi iyalele babe wemntfwana kutsi afake sandla ekukhokheleni tindleko nesondlo kusukela ngelilanga labelekwa ngalo umntfwana kufikela ngelilanga kukhishwa umyalelo wesondlo. Inkantolo ingaphindze ikhiphe umyalelo wekukhokhelwa kwetindleko tekwelashwa temntfwana, nobe umyalelo wekutsi lomntfwana abhaliswe kusikimu sekwelashwa samunye webatali, njengalomunye loncikile. Kute inkantolo ikhone kukhipha umyalelo lokahle, batali bobabili kumele banike inkantolo bufakazi betindleko tabo.
Indlela lobona ngayo kutiphatsa kwalolomunye umtali ite umtselela kulilungelo lemntfwanakho lekondliwa. Kumele usikhokhe sondlo nobe ngabe lolomunye umtali
Ashada/ashadwa futsi
Akulobunye budlelwano betelutsando
Akakuvumeli kutsi ubone umntfwana
Uba nalabanye bantfwana kamuva.
Lilungelo lakho lekondla umntfwana nelekutsi ufinyelele kumbona tintfo letimbili letehlukene kakhulu futsi kunye kute budlelwano nalolokunye. Ngetulu kwaloko, bantfwana bemtali ngamunye bete umtselela kumsee\benti wekunakekela. Nobe kunjalo, imali lekhokhwako yesondlo ingachubiyelwa yinkantolo nangabe munye webatali angaletsa sicelo lesinjalo.
Nangabe ufuna imininingwane leyengetiwe , yani ku-website yeLitiko Letebulungiswa nekuTfutfukiswa kweMtsetfosisekelo.
Tinyatselo lekumele tilandzelwe
Faka sicelo sesondlo enkantolo yamantji esigodzini lohla kuso.
Nangabe uyangabata, inkantolo yakho yendzawo itakutjela kutsi kumele uyekusifaka kuyiphi inkantolo sicelo sakho.
Kwengeta kulelifomu leligcwalisiwe, ngenisa bufakazi bemali yakho lenganako ngenyanga netindleko, njengemarisithi ekudla lokutsengiwe, ibhili yagesi futsi/nobe yerenti.
Inkantolo itawubeka lilanga lapho wena naloyo lofuna kutsi akhokhe sondlo nite ngalo enkantolo.
Sisebenti lesibukene netesondlo nemseshi batawuphenya ngeludzaba lwakho lwekufuna sondlo futsi babuke nesimo sakho.
Inkantolo itawukhipha lisamane (incwadzi lebitela enkantolo umuntfu) lekwatisa lekumele akhokhe sondle kutsi avele enkantolo ngelilanga lelitsite ngco kutewucociswana ngaloludzaba.
Lobekwe umtfwalo wekukhokha sondlo angavuma kukhokhela lesondlo lekudzingeka asikhokhe, nobe emelane naloludzaba enkantolo.
Nangabe lotfweswe umtfwalo wekukhokha sondla uyavuma kukhokhela lesondlo, mantji utawubuketa imiculu lefanele. Utawukhipha umyalelo, futsi angancuma kwenta njalo ngaphandle kwekudzinga batali/emacembu kutsi avele enkantolo.
Nangabe umuntfu lekumele ikhakhe sondlo akakuvumi kuhokhwa kwemyalelo, kumele avele enkantolo, lapho khona kutawulalelwa bufakazi babofakazi bemacembu omabili.
Nangabe inkantolo itfola kutsi kumele kutsi lomuntfu akhokhe sondlo, itawukhipha umyalelo wemali lekumele ikhokhwe. Inkantolo itawuphindze incume kutsi sondlo sitawukhokhwa kanjani futsi kuphi.
Indlela yekukhokha
Inkantolo ingayalela kutsi imali yesondlo ikhokhwe ngaletindlela letilandzelako:
Ehhovisi lendzawo lamantji nobe kukuliphi lelinye lihhovisi lahulumende lelimiselwe inhloso lenjena.
Ikhokhwe ngco kulomuntfu leya kuye lemali.
Ngendlela lapho khona umcashi walokhokha sondlo ayalelwa kutsi advonse imali yesondlo ngco emholweni walokhokhako, ngekuhambisa neMtsetfo lomusha weSondlo wanga-1998.
Imitsetfo lesebentako
Emazinga ekusebenta nesikhatsi
Utawuphatfwa ngalokulinganako, ngebuntfu nangesizotsa.
Tikhalo titawuphakanyelwa etulu ngekushesha futsi tiphatfwe kahle ngendlela lekungakhoneka ngayo.
Kute sikhatsi lesincunyelwe lolusito. Yonkhe lenchubo, kusukela ekungeniseni sicelo kute kufikele ekukhokhweni kwemali yesondlo yekucala, kungatsatsa emaviki, ngekuya kwekubambisana kwemacembu omabili.
Bofakazi labetako betawutsamela letinchubo, ilokufaka ekhatsi lomuntfu lofuna kukhokhelwa sondlo, kumele bakhokhelwe imbasha yekuhamba naletinye tindleko. Nobe kunjalo, inkantolo itawutincumela kutsi ngabe timbasha letinjalo kumele kutsi tikhokhelwe umuntfu lokhokhelwe umyalelo.
Umuntfu lofaka sicelo sesondlo kumele asifake sicelo esisebentini lesibukene netesondlo macondzana nekukhokhelwa kwetimali tafakazi.
Tindleko
Lolusito lwamahhala.
Emafomu lagcwaliswako
Tsintsana Nelihhovisi leMantji, lakho lelidvute, Inkantolo yeTesondlo, Inkantolo Yemndeni Umshushisi Wenkantolo nobe sisebenti Lesiphenya Ngetesondlo.
Imininingwane yekutsintsana
Sifundza:
Lidolobhakati/lidolobha
Lucingo:
Ifeksi:
Likheli lendzawo:
Likheli leliposi:
Sifundza:
Lidolobhakati/lidolobha
Lucingo:
Ifeksi:
Likheli lendzawo:
Likheli leliposi:
Khetsa kunye kuloku landzelako:
Macondzana newebhusayithi
Tsintsana natsi
Libalave lelisayithi
Imitsetfo nemibandzela
