﻿
Tinsita tamasipala letisisekelo tamahhala
Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

Tinsita Tamahhala taMasipala tinsita letiniketwa mahhala nguHulumende emakhaya lahluphekile. Letinsita kufaka ekhatsi emanti, gezi, tekutfutswa kwemangcoliso nekususwa kwemangcoliso. Letinsita tiniketwa ngubomasipala futsi tifaka linani lelibekiwe lagezi, emanti netekutfutswa kwemangcoliso lokwanele kunakekela tidzingoncanti telikhaya lelihluphekile. Kodvwa, tinchubomgomo letilawula kuniketwa kwetekutfutswa kwemangcoliso kanye nekususwa kwadodi tisatawucedzelelwa ngulomkhakha wematiko latsintsekako kuLitiko Letemanti Nemahlatsi  kanye neLitiko Letendzawo Netekuvakasha .

Emanti lasisekelo amahhala

Emanti lolusisekelo amahhala afaka lokungenani linani lelibekiwe la-6kl  lwemanti ngenyanga ngelikhaya. Lelinali lingahluka kubomasipala futsi kufanele uchumane namasipala wakho ngco kutfola kutsi ngutiphi tinsita temanti lalusitoncanti amahhala labawaniketako. Udzingekile kutsi ukhokhele emanti lowasebentisa ngekudlulela nangetulu kwalokuphakelwa kwamahhala.

Gezi losisekelo wamahhala

Linani lagezi losisekelo wamahhala ngu-50kWh ngelikhaya ngenyanga kuluhlelo lwemandla agezi loyi-grid . Lelinali lagezi litakulungela kuniketa kukhanya, ligedlela lekupheka emanti, ku-ayina lokujwayelekile kanye nekufinyelela kumabonakudze lomncane longanambala kanye nemsakato wemoya.

Basebentisi labanemamitha agezi lakhokhelwa ngaphambilini batawukhona kubona uma gezi wamahhala uphela batawubese badzingeka kutsi batsenge gezi lomunye ngemali yabo. Basebentisi labanemamitha lajwayelekile nobe esikweleti angeke bakhone kubona kalula uma sebawasebentise onkhe emayunithi abo. Batawukhokhela imali yekusebentisa lokungetiwe ekupheleni kwaleyo naleyo nyanga.

Batsengi labangenakufinyelela kulokufakwa kwemandla agezi loyi-grid banganiketwa emandla agesi longasiyo i-grid ngubomasipala babo. Kufanele uchumane namasipala wakho kutfola loluhlobo lwemitfombo leminye yemandla letfolakalako.

Kute ufakelwe gezi nemanti ekhaya lapho nobe endzaweni yebhizinisi lakho, chumana namasipala walendzawo lapho unelikhaya lelisha nobe kubhizinisi.

Kuletinye tindzawo, umfaki wagezi velonkhe, i-Eskom, ufaka gezi ngekwakhe.

Tinsita tekuhanjiswa kwemangcoliso lwamahhala

Hulumende usengakalungenisi loluhlelo letekutfutswa kwemangcoliso mahhala. Lelitiko Letemanti lisungula luhlakamsebenti lekuniketwa kwelusitoncanti letekutfutswa kwemangcoliso mahhala. Uma loluhlelo seliphotfuliwe, tiphatsimandla tesigodzi letiniketa tinsita tekutfutswa kwemangcoliso titawulingenisa.

Tinsita tekuhanjiswa kwetinsila lwamahhala

Hulumende usengakalungenisi loluhlelo lekuhanjiswa kwemangcoliso mahhala. Lelitiko Letendzawo Netekuvakasha lisungula luhlakamsebenti lekuniketwa kwetinsita tekuhanjiswa kwemangcoliso mahhala. Uma loluhlelo seliphotfuliwe, tiphatsimandla tesigodzi letiniketa tinsita tekuhanjiswa kwemangcoliso titawulingenisa.

Kukhokhela Tinsita taMasipala

Kunekutikhetsela kutindlela letimbili letingagucuki tekukhokhela Tinsita taMasipala:

Ema-akhawunti lakhokhelwa ngaphambilini


I-akhawunti lekhokhelwa ngaphambilini kusho kutsi utsenga emayunithi  ngemali yakho futsi utawusebentisa lelinani lemayunithi lolitsengile. Uma sewuwacedzile onkhe emayunithi, ube usadzinga lamanye kufanele uphindze utsenge.

Ema-akhawunti labhadala emuva kwesikhatsi


Ema-akhawunti labhadala emuva kwesikhatsi akuvumela kutsi usebentise nobe ngabe nguliphi linani lagezi nobe emanti. Masipala wakho utakutfumelela titatimende tenyanga letibonisa linani lagezi nobe emanti lasetjentisiwe kanye nelinani lemali lekufanele ulikhokhele.

Nangabe ufuna imininingwane leyengetiwe, yani ku-website yeLitiko Latabohulumende Betifundza neBasemakhaya.

Top

Tinyatselo lekumele tilandzelwe

Chumana nemahhovisi amasipala wesigodzi sakho

Fika nalemiculu lelandzelako:


Ikhophi lecinisekisiwe yamatisi

Bufakazi balapho uhlala khona nobe indzawo lapho ibhizinisi ikhona


Gcwalisa lelifomu lekufaka sicelo

Khokhela imali lebekiwe.


Top

Imitsetfo lesebentako

The Constitution of the Republic of South Africa, Section 152  . 
The Municipal Systems Act, , Section 73   
The Water Services Act, , Section 2  
A set of norms and standards  .
Strategic Framework of Water Service  
Electricity Amendment Act,  


Top

Emazinga ekusebenta nesikhatsi

Kusebenta ngesicelo sakho kucala ngalelilanga ufaka sicelo sakho lwelusekelo lwalabahluphekako . Sicelo sakho sitawuhlolwa bese sincumo siyentiwa kutsi ngabe ufanelekile kutfola tinsita letilusitoncanti  nobe cha. Ngekuya ngetindlela tekusebenta tamasipala wakho, utawubhaliswa njengemuntfu lofanelekile kutfola lusekelo lweTinsita letisisekelo  bese uniketwa sikweleti nobe lusito lolufanelekile, ngalokufanelekile.

Top

Tindleko

Emanti : lamalitha langu- 6 000 ekucala ngelikhaya ngenyanga amahhala, emalitha langetiwe ayakhokhelwa ngekubita kwabomasipala.

Gezi : 50kWh ngenyanga kuluhlelo loluncike ku-grid.


Top

Emafomu lagcwaliswako

Kufaka sicelo selusekelo lwalabahluphekako . Bomasipala labanyenti banelifomu lekufaka sicelo. Buta kumasipala wakho ngekufaka sicelo selusekelo lwalabahluphekako.

Top

Imininingwane yekutsintsana


