﻿     Selekelelo setigayigayi temphi      Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

Makadzebona wetemphi ngumuntfu lolwe emphini yemhlaba yekucala  nobe Imphi yesibili yemhlaba  nobe imphi yaseKhoriya .

Bantfu labafake ticelo labangakhoni kutinakekela kantsi futsi badzinga kunakekelwa ngalokugcwele ngulomunye bangafaka sicelo sesibonelelo seluncedvo lolungetiwe ngetulu kwalesibonelelo setenhlalakahle.

Lemali yesibonelelo ngemali saMakadzebona wetemphi kusuka nga-Apreli 2008 ngu-R960 ngenyanga.

Kute ufake sicelo kufanele ube:

sakhamuti saseNingizimu Afrika nobe umhlali ngalokugcwele
ngumhlali waseNingizimu Afrika ngalesikhatsi ufaka sicelo
eminyaka lengu-60 years kuya etulu, nobe ube ukhubatekile
ube ulwe emphini yemhlaba yekucala, Imphi yesibili yemhlaba, imphi yaseKhoriya nobe ulwe kulemphi leyacala mhlaka 6 Septemba 1939
ahlangabetane netimfuneko teluhlolo lwekutsi niphila njani .

Luhlolo lwekutsi baphila njani lusetjentiswa kulinganisa simo ngekwetimali salomndeni. Kute utfole lesibonelelo sakho, simo ngekwetimali sakho kufanele sibe ngaphansi kwemali letsite lebekiwe. In 2008, Luhlolo lwekutsi baphila njani kute batfole sibonelelo ngemali saMakadzebona wetemphi kumuntfu longashadile lutsi angeke utfole sibonelelo uma imphahla yakho ibita R451 200 uma ungakashadi, likhaya lakho lohleli kulouma uhlala kulo. Imali yakho lengenako kufanele kube ngu-R26 928 ngemnyaka uma ungakashadi.

Uma ushadile, angeke utfole lemaili uma timphahla takho nemfati wakho tihlanganisiwe tibita ngetulu kwa-R902 400  indlu yakho ayibalwa uma uhlala kuyo. Imali yakho kanye neyemlingani wakho kufanele ibe ngaphansi kwa- R53 856 ngemnyaka.

ube ungahlali eSakhiweni sahulumende
ube ungatfoli lesinye sibonelelo setenhlalakahle mayelana nawe .

Lesibonelelo sikhokhelwa ngaletindlela letilandzelako:

imali lengukheshi eNdzaweni yeKukhokhela letsite ngelilanga lelitsite
imali lefakwe ngekwebuciko ku-akhawunti yakho yasebhange 
i-akhawunti yakho yelibhange laseposini
sakhiwo Lesitsite . 

Ngetulu

Tinyatselo lekumele tilandzelwe 

Gcwalisa lifomu lekufaka sicelo sesibonelelo ngemali yekukhubateko ehhovisi lelisedvute nawe le-ejenti yetekuvikeleka ngekwetenhlalakahle .
Uma uguge kakhulu nobe ugula ungakhoni kuhamba uye ehhovisi kuyofaka sicelo, cela umuntfu kutsi akucelele kutsi bakuvakashele lapho ekhaya. Lomutfu kufanele aletse incwadzi levela kuwe nobe incwadzi yadokotela lechaza kutsi kungani ungeke ukhone kuvakashela lelihhovisi.
Gcwalisa lelifomu lekufaka sicelo uma kukhona sisebenti lesivela kulitiko.
Hambisa sicelo sakho kanye nalemiculu lelandzelako:

matisi lonetinombolo letinekhodi waseNingizimu Afrika, uma unemlingani, kanye namatisi wemlingani wakho
bufakazi bekusebenta kwakho, loku lokungaba sitifiketi sekusebenta emphini nobe emamedali akho asemphini
uma ungaphansi kwa-60, lucwaningo nobe umbiko wakadokotela loveta kutsi angeke ukhone kusebenta.

Umniningwano ngesimo sakho semshado:

uma ungakashadi, i-afidaviti leveta kutsi awukashadi
uma ushadile, sitifiketi semshado
uma udivosile, umyalelo wenkhantolo wekudivosa kwakho
uma umlingani wakho ashonile, sitifiketi sakhe sekushona.

Umniningwano ngemali yakho lengenako kanye netimphahla:

uma usebenta, sitifiketi sakho semholo
uma ungasebenti, bhukwana wakho loluhlata we-Unemployment Insurance Fund  nobe sitifiketi sekudzilitwa kumsebenti wakho wangaphambilini
uma unemphesheni yangasese, bufakazi baleyo mphesheni yangasese
uma une-akhawunti yasebhange, titatimende takho tasebhange tetinyanga letintsatfu letilandzelanako
uma unemali loyitjalile, umniningwano ngentalo kanye nemali lowabelwa yona kuyo.

Utawuniketwa bufakazi bekutsi usiletsile lesicelo.
Gcina lobufakazi kute kwateke kutsi sicelo sakho lesifakiwe usiletsile.
Lihhovisi le-ejenti yetekuvikeleka ngekwetenhlalakahle litakwatisa ngencwadzi kutsi ngabe sicelo sakho siphumelele.
Uma sicelo sakho singakamukelwa, lihhovisi le-ejenti yetekuvikeleka ngekwenhlalakahle litakwatisa ngencwadzi letizatfu kutsi kungani sicelo sakho lesifakiwe singakaphumeleli.
Uma ungavumi mayelana nalesincumo, ungaphikisana nalesincumo kuleNdvuna yeLitiko leteNtfutfuko yeteNhlalakahle nobe kuLilunga Lemkhandlu Lophakeme  ehhovisini lavelonkhe nobe lesifundza Litiko leteNtfutfuko yeteNhlalakahle ngencwadzi, uchaze kutsi kungani uphikisane nalesincumo.
Lokuphikisana nalesicelo kufanele kufakwe ngekhatsi kwetinsuku letingu-90 ngemuva kwekutfola lesatiso mayelana nalemiphumela yesicelo sakho lesifakiwe. 

Ngetulu

Imitsetfo lesebentako



Social Assistance Act, 2004  

Ngetulu

Emazinga ekusebenta nesikhatsi

Kungatsatsa tinsuku letingu-21 kuphotfula lesicelo sakho lesifakiwe.
Uma sicelo sakho siphumelele, utawukhokhelwa kusukela ngalolusuku lowafaka ngalo sicelo. 


Ngetulu

Tindleko

Lolusito lwamahhala.

Ngetulu

Emafomu lagcwaliswako

Li-Form Z955: Application for a Social Grant  liyatfolakala  ehhovisi lakho lelisedvute leTekutfutfukiswa kweteNhlalakahle South African Social Security Agency 

Ngetulu

Imininingwane yekutsintsana

0800 60 10 11

