﻿

Lucecesho ngetindlela nemacebo ekuhlatiya imbewu

Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

I-Official Seed Testing Station  iniketa lucecesho lolukhetsekile kutindlela nemacebo laphatsekako ekuhlatiya kulabantfu labanenshisekelo, njengebahlatiyi bembewu labakhona kanye nalaba labafisa kuba bahlatiyi, kanye nalabanye ebantfu labafuna lwati lolutsite lekuhlolwa kwembewu. Bantfu labasuka kutinhlangano letiNgekho Ngaphansi Kwahulumende, i-South African Development Community kanye ne-Afrika yonkhana.

Lekhozi yaminyaka yonkhe lephatsekako yekubonisa kuhlatiywa kwembewu  ivame kwenteka nga-Apreli.

Le-workshop yaminyakayonkhe yekukhutsata kufananisa kwalokuhlatiywa kwembewu yentiwa ngaNovemba kuloyo naloyo mnyaka. Lesihloko kanye nalelinani letinsuku tale-workshop kuyahluka kuloyo naloyo mnyaka ngekuya ngaletinkhinga taleso sikhatsi letitfolakala ekuhlolweni kwembewu kanye naletinye tindzawo tekufananisa lekufanele tibukwe.

I-workshop ye-Tetrazolium   itfulwa ngemuva kwaleyo naleyo minyaka lemitsatfu, iworkshop yekugcina ye-TZ yenteka nga-2004.

Ngetulu

Tinyatselo lekumele tilandzelwe

Ekucaleni kwaloyo naloyo mnyaka satiso selucecesho, kufaka ekhatsi sihloko salomhlanganosikolo, itfunyelwe kuwo onkhe emacele lanenshisekelo kuloluhlu lweLitiko lekusabalalisa.
Gcwalisa lelifomu lekufaka sicelo kubonisa inshisekelo ngaphambilini bese uyifeksa ku-Official Seed Testing Station  .
Laba lababamba lichaza bamukelwa ngekuya ngenombolo lengakhonwa kungeniswa. Kumukelwa kuphela 20 babambi lichaza kulekhozi yekuboniswa lokuphatsekako kwetindlela nemacebo ekuhlatiya imbewu. Linani lalaba lababamba lichaza litawuncunywa ngulesihloko. Kumukelwa 20 kuphela babambi lichaza kulomhlanganosikolo we-TZ.
Babambi lichaza batiswa ngefeksi, uma sekuvela lelitfuba lekutsi babambe lichaza.
Lababambi lichaza kufanele bacinisekise uma batawube bakhona.

Ngetulu

Imitsetfo lesebentako

Plant Improvement Act, 1976  

Ngetulu

Emazinga ekusebenta nesikhatsi

I-OSTS iyatama kungenisa wonkhe umuntfu lofaka sicelo sekhozi nobe umhlanganosikolo. Kodvwa, ngenca yesikhala lesincane kulendzawo yekuceceshela, kulungisela umsebenti lophatsekako, njalonjalo, linani lelibekiwe lebantfu liyamukelwa. Kutawubukwa kucala bahlatiyi bembewu kulamalabholathri labhalisiwe ekuhlatiya imbewu, kanye nebantfu labaphokophele kuba bahlatiyi bembewu.

Kuko kokubili lekhozi lephatsekako yekubonisa tindlela nemacebo ekuhlatiya imbewu kanye nalomhlanganosikolo, incwadzi yekuba khona itawukhishwa. Lencwadzi icuketse imininingwane lemifishane ngalokucuketfwe yikhozi nobe ngumhlanganosikolo.

Ngetulu

Tindleko

Lolusito alukhokhelwa. Imali lencane yelitiya, kudla kanye nemamanuwali iyakhokhwa futsi loku kungahluka ngekuya ngebukhulu balomhlanganosikolo, lokungukutsi, linani letinsuku, emamanuwali lakhishiwe, njalonjalo.

Ngetulu

Emafomu lagcwaliswako

Kubhaliswa kwangaphambilini kwentiwa kusetjentiswa lelifomu  lelitfunyelwa ekucaleni kwaloyo naloyo mnyaka.

Bonkhe bantfu labaphokophele kuba bahlatiyi bembewu kufanele babhalise njengebahlatiyi bembewu labasaceceshwa. Lelifomu  nalo liyafakwa kuleliphakethe lelisatjalaliswa minyaka yonkhe.

Ngetulu

Imininingwane yekutsintsana


