﻿

Kukhokha intsela yesikhashana – inkhokhela yesitsatfu

Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

Nangabe umuntfu utfola imali lengenako lengafanela kukhokhiswa intsela lengasiyo ye-SITE nobe ye-PAYE , loyo muntfu kumele akhokhe intsela yesikhashana yalemali lengenako. Intsela yesikhashane ikhokhwa njalo ngetinyanga letisitfupha.

Intsela yesikhashana yentelwe kuhlangabetana nemacala ebakhokhintsela etentsela ngalokuchubekako kunekutsi bakhokhe samba lesikhulu semali kanye ngemnyaka nakuhlolwa. Lentsela yesikhashana lekhokhwako itawulinganiswa nentsela yemholo yekugcina  umuntfu lekumele ayikhokhele luhlolo lolufanele lwemnyaka.

Umuntfu lekumele akhokhe intsela yesikhashana kumele, kutsi ngemalanga langu-30 acale kuba ngulekumele akhokhe intsela yesikhashana, afake sicelo sekubhaliswa ngekubhala phansi, abhalele i- South African Revenue Service  Luphiko Lwemalingena LwaseNingizimu Afrika). Kwehluleka kwenta njalo kutawuholela ekukhokhisweni intalo netinhlawulo nentsela leyengetiwe ngenca yekungenisa muva emafomu.

Intsela yesikhashana yesitsatfu iphindze yatiwe ngekutsi yi"additional" nobe "topping-up" kukhokhela kwesikhashana. Nangabe kukhokhelwa imali lenjalo kumele ikhokhelwe lingakendluli 'lilanga lelifanele'. Lilanga 'lelifanele'

nangabe umnyaka wekuhlola lophela mhlaka -28 nobe-29 Indlovana, tinyanga letingu-7 emva kwaloko
umnyaka wetimali lovunyiwe lophela ngalelinye lilanga kunemhlaka-28 nobe-29 Indlovana, tinyanga letisitfupha ngemuva kwaloko.

Intsela yesikhashana yesitsatfu ikhokhelwa ngekutikhetsela, ikhokhwa nanobe ngubani umkhokhintsela. Bakhokhintsela  labanemali lengenako lengabanjelwa intsela lengetulu kwa-R50 000 nobe tinkampani letinemali lengenako lengetulu kwa-R20 000 nobe ngetulu lengabanjelwa intsela tingakhokhela intsela yesitsatfu ngekutikhetsela kute tigweme kukhokhiswa imali leyengetiwe yekukhokhiswa intsela lencane nasekuhlolwa.

Inhloso yalokukhokha kwenta bakhokhintsela bakhokhele umehluko emkhatsini wentsela yebasebenti nentsela yesikhashana lesevele ikhokhelwe loyo mnyaka, kanye nemacala laphelele entsela yemnyaka wekuhlolwa.

Sikhatsi sesitsatfu sikhombisa intsela lephelele lekhokhelwa umnyaka wonkhe, kususwe

intsela yebasebenti lekhokhelwe wonkhe umnyaka
nanobe ngumaphi emakhredithi lavumelekile entsela yangaphandle emnyaka wonkhe
timali letikhokhwe kwekucala kanye netikhatsi tentsela yesikhashana yesibili.

Ngetulu

Tinyatselo lekumele tilandzelwe

Kumkhokhintsela ngamunye kutibonela kutsi intsela yesikhashana yesitsatfu kumele ikhokhwe nini.

Tfola lifomu lelisha lekukhokha e- SARS nobe ku-website, ligcwalise bese ulingenisa kanye nemali yakho yekukhokhela.

Ngobe lelifomu liyafanana futsi lite imininingwane ngco lecondzene nemkhokhintsela lotsite, kubaluleke kakhulu kutsi bakhokhintsela yesikhashana bafake imininingwane ye-akhawunti leliciniso kulelifomu. Nangabe akukafakwa imininingwane leliciniso, imali lekhokhiwe angeke ifakwe kumkhokhintsela lofanele.

Imininingwane ye-akhawunti ime ngalendlela lelandzelako:

Inombolo yereferensi yemkhokhintsela
I-P0003 – lekhombisa sikhatsi sekukhokhela
2005 – lokhombisa umnyaka wekuhlolwa.

Inombolo lucobo yereferensi itawuba ngu:1234567123P00032005.

Letindlela letilandzelako tekufaka tingucuko ku-SARS tiyatfolakala:

Tinkhokhelo tesikhashane tingentiwa kunobe nguliphi lihhovisi leligatja le-SARS, ngeMisombuluko kuya kuLesihlanu, emkhatsini wa-08h00 na-15h30, kungafaki ekhatsi emaholide esive.
Lapho khona tinkhokhelo tentiwa ngeliposi, ngelibhangi nobe nge-ATM, sikhatsi lesanele sekuposa kanye nesikhatsi sekusebenta kumele sikhunjulwe.
Lapho khona tinkhokhelo tentiwa nge-lekthroniki, vumela tikhatsi tasebhange tekuvala nesikhatsi sekulungisa lokungatsatsa emkhatsini wemalanga lamabili kuya kulasihlanu.

Imininingwane yekubhanga:

Emakhasimende lakhokhela kukhawunda kunobe nguliphi ligatja le-ABSA, FNB, nobe i-Nedbank angeke kusadzingakala kwekutsi banikete inombolo ye-akhawundi kanye nekhodi yeligatja uma ngabe babhadala. Loku kusebenta Ngekulingana kuwo wonkhe emakhasimende e-ABSA, FNB, Nedbank, kanye ne-Standard Bank lasebentisa i-inthanethi.
Konkhe lokutawudzingakala nguloku:

inombolo yereferensi yemadigithi yekubhadala yemadijithi langu-19
i-ID yemzuzi / inombolo ye-akhawundi lehlanganiswe neluhlobo lolutsite lwentsela lwekwenta tinkhokhelo.


Lemininingwane ikhonjiswa encwadzini yekukhokhela efomini letimbuyiselo le-IRP 6.
Tinkhokhelo letingahambisani nalenombolo yerefurensi yekubhadala lophawulwe ngetulu kanye ne-ID yemzuzi angeke temukelwe.
Uma ngabe lusuku lwekugcina lwekubhadala luwela ngekhatsi kweholide yesive nobe ngemphelasontfo, inkhokhelo kumele yentiwe ngelusuku lwekugcina Lwekusebenta ngaphambi kweholide yesive nobe imphelasontfo.


Caphela:

Kukhokhelwa kwesitsatfu  kumele kube semalini lengenako yangempela lengabanjelwa intsela, njengobe inhloso yalokukhokhela kukwenta ukhona kukhokhela umehluko lokhona emkhatsini wentsela yebasebenti nentsela yesikhashana ivele ikhokhwelwe umnyaka nemacala entsela laphelele aloyo mnyaka wentsela.

Bona i- IRP 12 Guidelines nangabe ufuna lusito lwekugcwalisa emafomu e-IRP 6.

Ngetulu

Imitsetfo lesebentako

Income Tax Act, 1962  — Fourth Schedule  - Ishejuli Yesine

Ngetulu

Emazinga ekusebenta nesikhatsi

Kute sikhatsi lesincunyelwe lolusito.

Ngetulu

Tindleko

Lolusito lwamahhala.

Ngetulu

Emafomu lagcwaliswako



Return for the third provisional tax payment  

Ngetulu

Imininingwane yekutsintsana


