﻿
Kubuyiselelwa timali tetelekelelo tetenhlalakahle
Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

Nangabe utfola selekelelo nobe imali longakafaneli kuyitfola, utawuba nemtfwalo wekuyibuyisela kuhulumende, ngaphandle nangabe I-Ejensi Yekucinisekiswa Kwetenhlalakahle yase Ningizimu Afrika lenetiseka kutsi bewungati kutsi bewungafaneli kuyitfola. Nangabe simo singulesizatfu sesibili selekelelo sitawuncanyulwa/pheliswa, njengobe kungatsatfwa njengekukhwabanisa.

Lolusito lubhekene nebantfu labebatfola selekelelo setenhlalakahle labebangafanele kusitfola.

Tizatfu letibalulekile tekuphela kwetelekelelo:

Kufa. Nangabe leselekelelo besikhokhelwa umuntfu loshonile, lemali itawutfolwa efeni lakhe/emphahleni yakhe.
Kwemukelwa esikhungweni sembuso.
Kwehluleka kulandza selekelelo tinyanga letintsatfu letilalandzelanako.
Kubangekho eNingizimu Afrika sikhatsi lesingaba ngetulu kwetinyanga letisitfupha.

Ngetulu

Tinyatselo lekumele tilandzelwe

Nangabe utfola kutsi unikwa selekeleleo longakafaneli kusitfola, yatisa lihhovisi letekuCinisekiswa kweteNhlalakahle lelidvute nawe.

Ngetulu

Imitsetfo lesebentako



Social Assistance Act, 2004  

Ngetulu

Emazinga ekusebenta nesikhatsi

Litiko litawucisha lemali lekweletwako nangabe lenetiseka kutsi bewungati kutsi awukafaneli kuyitfola.
Umcondzisi-Jikelele weLitiko angayitfola lemali ngekuticabangela kwakhe ngekungenela tinchubo temtsetfo, atjele umuntfu lotfola imali yeselekelelo ngalokungafanele.
Umcondzisi-Jikelele weLitiko angavumela kukhokhelwa kuchubeke sikhatsi lesitsite, ngaphansi kwetimo letincunywe ngumuntfu lofuna kubuyisela lesibonelelo. Kumele kufakwe sicelo ngemalanga langu-90 kumiswe leselekelelo setenhlalakahle.
Nangabe lomuntfu ufuna kubuketa leselekelelo lesiphelisiwe, umele etfule nome nguyiphi imali lengenako ngesikhatsi sekufaka sicelo futsi. Loku kutawenta sisekelo Litiko lelitawuncumela etikwaso kubuketa leselekelelo nobe cha. Lofake sicelo utawatiswa ngemphumela walesicelo tinyanga letintsatfu ngembi kwelusuku lwalokubuyeketa.

Ngetulu

Tindleko

Lolusito lwamahhala.

Ngetulu

Emafomu lagcwaliswako

Emafomu ayatfolakala ehhovisi leI-Ejensi Yekucinisekiswa Kwetenhlalakahle yase Ningizimu Afrika lelisedvute.

Ngetulu

Imininingwane yekutsintsana


