﻿
Kuvuselelwa kwelayisensi yekushayela
Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

Ilayisensi yakho yekushayela leyikhredithi khadi isebenta iminyaka lesihlanu kusukela ngelilanga uniketwa futsi ifanele ivuselelwe ngemuva kwalesikhatsi. Nanobe lilanga lekuphelelwa sikhatsi libhaliwe kulayisensi yakho utawutfunyelwa satiso.

Ungayivuselela ilayisensi nganobe ngusiphi sikhatsi ngaphambi kwekutsi iphelelwe sikhatsi.

Ngetulu

Tinyatselo lekumele tilandzelwe

Ungayivuselela ilayisensi yakho kunobe ngusiphi sikhungo sekufundzela kushayela kulelive, kepha kumele uphindze ulandze likhadi lakho kuso sona leso sikhungo sekufundzela kushayela.
Gcwalisa i-form DL1, Application for renewal of driver's licence, .
Letsa lemiculu lelandzelako:


matisi, matisi wesikhashana, likhadi lelayisensi yekushayela lendzala nobe iPasipoti yaseNingizimu Afrika lesebentako
timbili titfombe taMatisi, letinembala lomnyama nalomhlophe
imali yekufaka sicelo.


Caphela: Angeke wente luhlolo lwekutfola ilayisensi yekushayela, kepha utawenta luhlolo lwemehlo. Nangabe lizinga lekubona kwemehlo akho lehlile kuna ngalesikhatsi unikwa ilayisensi yekushayela, ilayisensi yakho itawufakwa imibandzela lemisha.

Ngetulu

Imitsetfo lesebentako



National Road Traffic Act, 1996  

Ngetulu

Emazinga ekusebenta nesikhatsi

Ilayisensi yakho yekushayela itawulunga ngemaviki lamane kuya kulasitfupha.

Ngetulu

Tindleko

