
Kufaka sicelo sekubhalisa i-trademark
Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

I-trade mark ligama le-brand, silogeni nobe i-logo. Ibonisa imisebenti nobe timphahla temuntfu tsite bese itenta tihluke kuletinye timphahla nobe tinsita yalomunye. Tibonelo tifaka ekhatsi:

Ligama le-Brand: Standard Bank
Silogeni: "Simpler, Better, Faster" 
I-logo: Dzayi we-Nike "v", nobe "M" wa-MacDonalds "M"
Umumo lotsite: Libhodlela le-Coca Cola

Ngaloko ligama le-brand kuba ligama linye nobe inhlanganisela yemagama . Silogeni tinhlavu temagama nobe umusho lomfisha bese kutsi ilogo kuba sitfombe nobe isimbuli lehlukile. Tiniketa kwatiwa ngalokuhlukile emakethe, futsi kungasebenta kuko kokubili imikhicito kanye netinsita.

Uma i-trade mark  sekubhalisiwe, akekho lomunye lotawuphindze asebentise le-trade mark, nobe lenye lefana nayo. Uma loku kwenteka, bantfu bangatsatselwa tinyatselo temtsetfo. Kuke kwaba nemacala lamakhulu eNingizimu Afrika njengaleli le-Macdonalds  yamangalela sitolo lesitsengisa kudla lokuphekiwe eNingizimu Afrika lebesisebentisa luphawu lolufanako ya- "M".

Nangabe ufuna imininingwane leyengetiwe, yani ku-website ye-Companies and Intellectual Property Registration Office.

Top

Tinyatselo lekumele tilandzelwe

Chumana neCompanies and Intellectual Property Registration Office.
Tfola lifomu TM1 bese uligcwalisa ngakatsatfu. Emakhophi lamabili asehhovisi bese kutsi lena yesitsatfu igcinwa nguwe njengebufakazi besicelo sakho.
Bhadala lemali yekubhalisa kucala nobe ngalesikhatsi uhambisa lesicelo.
Kutfola loluhlobo lelifanele lapho timphahla nobe tinsita takho tiwela khona, tfola: i-Nice Classification - 8th edition. Nobe lokungenani, vakashela emahhovisi etfu ePitoli.
Gcwalisa lendzawo yeluhlobo 51 kulelifomu TM1.
Bhala tonkhe tonkhe letimphahla nobe tinsita leti lotawutsandza kusebentisa i- trade mark kulendzawo 57 welifomu TM1.
Caphela kakhulu ungafaki timphahla nobe tinsita letiwela kuletinye tinhlobo kulekusebenta kwale-trade mark. Uma wenta njani, utawelulekwa kutsi uchibiyele loko lokukhetsekile kufaka ekhatsi kuphela timphahla nobe tinsita talolo luhlobo lolukhetsekile. Kuloku lokunye, kutawufuneka ufake sicelo lesisha kabusha.
Indzawo 74 ya-TM1 "likheli letinsita " ngulelikheli lapho utawutfola khona konkhe kuchumana lokusuka kulihhovisi le-Trade Mark. Uma kuntjintja emakheli, kufanele watise leliTiko ngalokufanele ngekucela "tingucuko ekhelini letinsita" kulifomu TM2.
Uma sicelo sakho sesihambelana nalokufunekako lokusemtsetfweni, utawuniketwa lusuku lekufaka sicelo kanye nenombolo. Konkhe kuchumana lokulandzelako kutawutfwala leyo nombolo yekufaka sicelo. Nanobe kutsatsa tinyanga letingu-18 kubhalisa i-trade mark, ungacala kuyisebentisa masinyane uma ucedza kutfola inombolo yakho yekufaka sicelo.
Uma i-trade mark yakho yamukelekile ngalokungenamibandzela, kufanele ukhangise ku-Patent Journal, lekhishwa nyanga tonkhe yi-Government Printer.
Sive siniketwe sikhatsi lesitinyanga letintsatfu kutsi sifake kuphikisa.
Uma kukhona kuphikisa lokuvelako, i-Registrar of Trade Marks ibita umhlangano emkhatsini wemfaki sicelo nemphikisi.
Uma kute kuphikisa lokuvelile, sitifiketi sekubhaliswa kwe-Trade Mark siyakhishwa.
Shayela lucingo sikhungo semakhasimende sekuchumana se-dti .
Khokhela ebhange usebentisa ikhodi yelikhasimende.

Top

Imitsetfo lesebentako

Trademark Act, 1993  

Top

Emazinga ekusebenta nesikhatsi

Kungahle kutsatse iminyaka lemibili kutsi kubhaliswa kwe-trade mark kuphotfulwe.

Top

Tindleko

R85 kusesha ema-trade marks lasevele akhona
R266 ngeluhlobo lwe-trade mark.

Top

Emafomu lagcwaliswako

Application for registration of a trade mark, TM1
Application, notification or request to the Registrar, TM2

Top

Imininingwane yekutsintsana


