﻿

Kubhaliswa kwebantfwana ngemuva kwesikhatsi

Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

Kubhaliswa ngemuva kwesikhatsi kwekubelekwa kungesikhatsi kubelekwa kwemuntfu kubhaliswa ngemuva kwemnyaka abelekiwe. Kubhaliswa ngemuva kwesikhatsi kubelekwa kungatiswa ngemuva kwemnyaka kepha ngaphansi kweminyaka lengu-15 nobe ngetulu kweminyaka lengu-15.

Ngetulu

Tinyatselo lekumele tilandzelwe

Gcwalisa form BI-24/1 lekufaka sicelo sekutalwa lokubhaliswe ngemuva kwemnyaka kepha ngaphansi kweminyaka lengu-15.
Gcwalisa form BI-24/15 lekutalwa lokubhaliswe ngemuva kweminyaka lengu-15.
Gcwalisa i-afidavithi lefungelwe BI-288.
Ngenisa lemiculu lelandzelako:


ikhophi yamatisi yamake lenesitembu semtsetfo  nangabe batali abakashadi futsi babe akafuni kutsatsa umtfwalo wekuba ngumtali. Nobe-ke, nangabe babe wentalo uyawemukela umtfwalo wekuba ngumtali, kudzingeka emakhophi abomatisi bebatali bobabili, lagcotjwe sitembu semtsetfo. Nangabe ushade make wentalo, kudzingeka emakhophi abomatisi labagcotjwe sitembu semtsetfo abo bobabili batali kanye nesitifiketi sabo semshado nobe
sitiketi lesivela esibhedlela nobe likhaya lapho lomntfwana abelekelwa khona. Lesitifiketi kumele sisayinwe nguloyo lophetse  futsi kumele ibe neligama lesikhungo lesisemtsetfweni nesitembu lesinelusuku.
iciniseko semininingwane yemntfwana njengobe ibekiwe kurejista yesikolo nobe sitifiketi sesikolo sekucala langena kuso, lesisayinwe nguthishelanhloko. Lesiciniseko kumele sibe nenombolo yathishelanhloko ibhalwe ephepheni lelisemtsetfweni lelinemininingwane yesikolo ligcotjwe sitembu sesikolo lesinelusuku.
sitifiketi semntfwana sekubhajatiswa, nangabe wanikwa eminyakeni lesihlanu yekubelekwa.
nangabe batali abekho, kufuneka i-afidavithi levela kulilunga lemndeni lelisondzelene naye lokungenani libe ngulomdzala kunalomntfwa ngeminyaka lengu-10 neminyaka, lowatiko ngekutalwa kwalomntfwana futsi acinisekise kutatisa kwalomntfwana nesimo sakhe.
sitatimende lesivela kumuntfu lowatiko ngebatali balona lofaka sicelo. Lomuntfu kumele aphindze aphekeletele lolofaka sicelo kunobe nguliphi lihhovisi leLitiko leTasekhaya lapho khona lofaka sicelo nemphekeleteli yakho batawungenela tingcocoluhlolo ngekwehlukana.


Ngetulu

Imitsetfo lesebentako



Births and Deaths Registration Amendment Act, 1997  

Ngetulu

Emazinga ekusebenta nesikhatsi

Ticelo tingatsatsa tinyanga letingu-3 kuya ku-6.

Ngetulu

Tindleko

Lolusito lwamahhala.

Ngetulu

Emafomu lagcwaliswako



Application for a birth certificate, BI -154 

Late registration of birth affidavit, BI-288 

Notice of birth, BI-24 


Caphela: Lamafomu akatfolakali ku-website. Ucelwa kutsi utsintse lihhovisi lakho lelitiko lelidvute.

Ngetulu

Imininingwane yekutsintsana


