﻿

Sicelo sekubhalisa sikebhe sekudvweba

Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

Sikebhe sekudvweba sikebhe lesisetjentiselwa, nobe silungiselwe kulawulwa, kubamba nobe kuhlola imitfombo lephilako yaselwandle, nobe kulekelela imisebenti lehlobene. Loku kufaka ekhatsi tikebhe tekuncedza nobe kuncedza munye nobe ngetulu kwamunye imikhumbi elwandle ekwenteni nobe ngabe nguwuphi umsebenti lohlobene nekudvweba kufaka ekhatsi – kodvwa kungakavinjelwa kuloku – kulungiswa, kusatjalaliswa, kugcinwa, kufakwa emakhateni, kuhanjiswa nobe kulungiswa. UMtimba loPhetse teKuphepha eLwandle waseNingizimu Afrika  neLitiko leTindzaba tekuVikelelwa kweSimo seNdzawo kanye neLukhenkhetfo Department of Environmental Affairs and Tourism  kufanele bamukele lesikebhe sekudvweba.

Akukho sikebhe sekudvweba lesitawubhaliswa ngaphandle kwemalungelo ekudvweba nemvumo yekwenta imisebenti yekudvweba.

Ngetulu

Tinyatselo lekumele tilandzelwe

Sikebhe sekudvweba sitawufakwa kunchubo yekuhlolwa kutsi sifanelekile kuhamba elwandle nguMtimba loPhetse teKuphepha eLwandle waseNingizimu Afrika lapho i-SAMSA ingakhipha Sitifiketi Sekuphepha. Lesitifiketi kufanele sipheleketele sicelo sakho uma uyobhalisa.
Tfola lifomu lekufaka sicelo kuLitiko leTindzaba tekuVikelelwa kweSimo seNdzawo kanye neLukhenkhetfo  nobe ulikhiphe ku-http://www.mcm-deat.gov.za .
Gcwalisa lelifomu ngemagama lamakhulu kuphela kanye nesisekelo lesibhaliwe lapho kudzingeke khona.
Niketa lemininingwane lelandzelako:

leligama lesikebhe sekudvweba
leligama netinchukaca talomnikati walesikebhe 
budze balesikebhe
emandla alesikebhe kanye nelikhono lalesikebhe
umjekwa walelive lapho lesikebhe sibhaliswe khona kwanyalo 
sitifiketi sekuphepha seMtimba loPhetse teKuphepha eLwandle waseNingizimu Afrika .

Tfumela sicelo sakho kanye nemvumo yemalungelo ekudvweba nobe inkhontileka leyentiwe nemnikati walesikebhe kusebentisa lesikebhe lokukhulunywa ngaso uma ungasiye umnikati wemalungelo ekudvweba.
Veta lesikhatsi kanye nalomkhakha wekudvweba lapho lesikebhe sitawusebenta khona.

Ngetulu

Imitsetfo lesebentako



The Marine Living Resources Act, 1998  

The National Environmental Management Act, 1998  

The National Biodiversity Act, 2004  

The National Marine Protected Areas Act, 2003  

The Sea Birds and Seals Protection Act, 1973  

The International Convention for the Prevention of Pollution from Ships Act, 1986  


Ngetulu

Emazinga ekusebenta nesikhatsi

Lenchubo yekufaka sicelo ingatsatsa tinsuku tekusebenta letingu- 3 nobe ngetulu ngekuya ngekufaka kahle kwakho lesicelo.

Ngetulu

Tindleko

