

Sicelo sekwemukelwa kwemshado wesintfu

Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

Kute kwemukelwe imishado yesintfu njengemishado yangempela, kufanele ibe yentiwe mhlaka-15 Lweti-2000. Nobe kunjalo, nangabe yentiwe kusukela mhlaka-15 Lweti-2000 kuya embili, imishado lenjalo kumele ihambisane naletidzingo letilandzelako:

Kumele kukhulumiswane ngalomshado, kushadwe futsi kwentiwe umcimbi wekuwugubha ngekuhambisana nemtsetfo wesintfu.
Laba labashadako kumele babe ngetulu kweminyaka lengu-18 budzala.
Bobabili laba labashadako kumele bavumelane ngalomshado.
Batali bamunye walaba labashadako losesemncane kumele banikete imvumo yekutsi ashade. Nangabe ute batali, umnakekeli wakho losemtsetfweni kumele anikete imvumo. Nangabe batali nobe banakekeli labasemtsetfweni abaniketi imvumo, kumele kubonanwe nankhomishani wetenhlalakhle yebantfwana kute anikete imvumo. Nangabe batali, banakekeli labasemtsetfweni nobe nkhomishani wetenhlalakahle yebantfwana bala kuniketa imvumo, kutawuba lijaji lenkantolo lephakeme kuphela lelitawuniketa imvumo.
Nangabe munye walaba labashadako ushade ngemshado wesilumbi, angeke akwati kushada ngemshado wesintfu uma lomshado wesilumbi usaphila. Nekubonelelwa lokunjalo kuyawutsintsa umshado wesintfu lowentiwe kusukela mhlaka 1 iNgongoni-1988.
Nobe-nje kute umkhawulo welinani lemishado yesintfu lengentiwa yindvodza, kute lomunye umshado wesintfu longashadwa ngaphandle nakutfolwe umyalelo wasenkantolo lolawula inchubo yemphahla yalena leminye imishado yakhe.

Cinisekisa kushada kwakho ku-Inthanethi.

Ngetulu

Tinyatselo lekumele tilandzelwe

Gcwalisa form BI-32 kunobe nguliphi lihhovisi leLitiko leTasekhaya. Faka sicelo ehhovisi lelincusa nobe emishini yaseNingizimu Afrika nangabe ukulelinye live.
Sitifiketi lesingakafinyetwa semshado nobe kuphindvwa kwerejista lehambisanako yemculu lofakazelako lohambisana nerejista lefanele siyaniketwa kanye nekucinisekiswa kwemininingwane levela kurejista yemishado.
Kuniketwa sitifiketi semshado lesifinyetiwe, kuphela nje nangabe kute timali letikhokhelwako kuniketa sitifiketi lesibekiwe ekubhalisweni kwalomshado.

Ngetulu

Imitsetfo lesebentako



Recognition of Customary Marriages Act, 1998  

Ngetulu

Emazinga ekusebenta nesikhatsi

Kuniketwa masinyane sitifiketi semshado lesifinyetiwe.
Sitifiketi semshado lesingakafinyetwa sitsatsa emaviki langu- 6 kuya ku-8.

Ngetulu

Tindleko

Sitifiketei lesifinyetiwe: R11
Sitifiketi lesingakafinyetwa: R53

Ngetulu

Emafomu lagcwaliswako



Application for marriage certificate, BI-130 
Application for registration / Enquiry into existence of customary marriage, BI-1699 

Caphela: Lamafomu akatfolakali ku-website. Ucelwa kutsi utsintse lihhovisi lakho lelitiko lelidvute.

Ngetulu

Imininingwane yekutsintsana


