

Sicelo semyalelo wekuvikeleka kubudlova basekhaya

Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

Yini budlova basekhaya?

Ngekuya kwe-Domestic Violence Act No. 116 of 1998 :

Ngunobe nguluphi luhlobo lwekuhlubeta ngekwemtimba, temacansi, imiva, kuhhalatiswa ngekwengcondvo nobe kwetemnotfo
Kulimata imphahla
Kunyonyobela umuntfu
Kungena emabaleni emuntfu ngaphandle kwemvumo yakhe
Nanobe nguyiphi indlela yekutiphatsa lekuhlubetako nobe yekulawula lapho khona kwenta lokunjalo kungalimata imphilo, kuphepha, nobe kuphila kahle kwakho.

Nangabe letinhlobo tekuhlukubeteka tenteka kuwe nobe kubani lomatiko, ungafaka sicelo semyalelo wekuvikeleka. Umyalelo wekuvikela kubodlova basekhaya ngumculu lokhishwa yinkantolo, lovikela umhlukubeti ekutsini:

Ente licala lebudlova basekhaya
Angasebentisi lusito lwalomunye umuntfu kwenta bugebengu
Angangeni endzaweni lapho kuhlala khona bobabili ummangali nemmangalelwa
Angangeni kuncenye yendzawo lechaziwe ngco yendzawo lenjalo labahlalisana kuyo
Angangeni endzaweni yekuhlala yemmangali
Angangeni emsebentini wemmangali
Ummangali lohlala nobe lobekahlala kanye kanye kutsi angene nobe achubeke ahlale kulendzawo labahlalisana kuyo nobe incenye lechaziwe ngco yalendzawo bebahlalisana kuyo
Angenti lokunye njengobe kuchaziwe kulomyalelo wekuvikeleka.

Ngubani longafaka sicelo semyalelo wekuvikeleka?

Ngunobe ngubani lohlukubetwako nobe lobekahlukubetwa
Ngumuntfu losesemncane, longafaka sicelo ngaphandle kwekusitwa
Ngunobe ngubani lotsandza imphilo yemmangali. Labantfu labalandzelako bangafaka sicelo ngemvumo lebhaliwe yemmangali, ngaphandle nangabe ummangali ngumuntfu losesemncane, umuntfu logula ingconvo, localekile nobe nangabe inkantolo iyenetiseka kutsi kutsi angeke akhone kuniketa imvumo lefunekako:

Umeluleki
Losebenta ngetemphilo
Liphoyisa
Sisebenti setenhlalakahle
Thishela


Nangabe ufuna imininingwane leyengetiwe, yani ku-website yeLitiko Letebulungiswa Nekutfutfukiswa Kwemtsetfosisekelo.



Top

Tinyatselo lekumele tilandzelwe

Faka sicelo semyalelo wekuvukeleka Enkantolo Yamantji ledvute nalapho uhlala futsi usebenta khona, nobe kunini, ngesikhatsi nobe ngaphandle kwesikhatsi senkantolo kanye nangemaholide esive nobe ngetimphelasontfo.
Cala ngekufaka Umyalelo Wekuvikeleka Wesikhashana ku-Form 6: Interim Protection Order  ehhovisi lakho Lemantji nobe Lenkantolo Lephakeme.
Nangabe sosifakile sicelo Semyalelo Wekuvikeleka Wesikhashana, gcwalisa -Form 2: Application for Protection Order  Enkantolo Yamantji nobe Enkantolo Lephakeme.
Sicelo kumele sentiwe ngendlela ye-afidavithi lechaza:

Emaciniso lesimiselwe etikwawo lesicelo
Luhlobo lwemyalelo locelwako
Ligama lesiteshi semaphoyisa lapho ummangali kungenteka abike khona nobe ngukuphi kwephulwa kwalomyalelo wekuvikeleka loceliwe.

Lapho khona sicelo semyalelo wekuvikeleka sentiwa ngulomunye umuntfu egameni lemmangali, le-afidavithi kumele ichaze:

Tizatfu lapho khona lona lomunye umuntfu kukhona lokutsitse lokuphatsekako macondzana nenhlalakahle yalobekwe licala
Umsebenti nesigaba salomuntfu loletsa lesicelo
Imvumo lebhaliwe yemmangali, ngaphandle kwetimo lapho ummangali:

Asesemncane
Agula ingcondvo
acalekile
Umuntfo inkantolo leyenetisekako kutsi akakhoni kuniketa lemvumo lefunekako.


Cinisekisa lamafomu namabhalane wasenkantolo bese uyawangenisa.
Mabhalane utakutfumelela emafomu ekufaka sicelo kumantji lotawubese ubeka lilanga lekutsi ubuyele enkantolo, kute kutsi sicelo sakho sicatjangelwe.
Imantji nayo itawulungisa satiso sekwatisa umhlukubeti ngalomyalelo wekuvikeleka nekutsi kumele ete nini enkantolo.

Ngemuva kwekuvela enkantolo, imantji ingakhipha umyalelo wekuvikeleka.

Top

Imitsetfo lesebentako

Domestic Violence Act, 1998 , related Regulations and National Instructions  



Top

Emazinga ekusebenta nesikhatsi

Etimeni letiphutfumako, lolusito lutfolakala ema-awa langu-24 ngelilanga
Umyalelo wekuvikeleka ungatfolakala ngalelo langa, kepha ngalokwetayelekile, loku kuya ngebumatima kwelicala.
Lomyalelo uyasebenta kufikela lapho umuntfu lohlukubetwako acisha.
Nangabe umhlukubeti ufaka shwele, lomyalelo uyachubeka usebente kute kufikele lapho Inkantolo Yekubuyeketa iwucisha.



Top

Tindleko

Lolusito lwamahhala



Top

Emafomu lagcwaliswako

Form 2: Application for Protection Order 
Form 4: Interim Protection Order 
Form 6: Protection order  
Form 7: Protection order  



Top

Imininingwane yekutsintsana


