

Sicelo selilungelo lekubuka ematfuba etimbiwa

Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

Lilungelo lekubuka ematfuba etimbiwa yincwadzimvumo levumela inkhapani nobe umuntfu kutsi asaveye nobe aphenye indzawo yemhlaba ngetinjongo tekutfola umtfombo wetimbiwa lokhona nobe longahle ube khona. Nobe ngabe ngubani umuntfu lofuna kufaka sicelo selilungelo lekubuka ematfuba etimbiwa kufanele afake sicelo kuMenenja yeSigodzi lapho lomhlaba utfolakala khona.

Lilungelo lekubuka ematfuba etimbiwa lihlala iminyaka lesihlanu, kodvwa ngemuva kwekuphelelwa sikhatsi, umfaki sicelo angacela kuvuselelwa kwalelilungelo lekubuka ematfuba etimbiwa sikhatsi lesingadluli kuminyaka lemitsatfu.

Lilungelo lekubuka ematfuba etimbiwa litawuniketwa uma letimfuneko letilandzelako tihlangabetiwe:

Lomfaki sicelo kufanele abe nemali kanye nelwati lekwenta umsebenti wekubuka ematfuba etimbiwa lohlongotwako ngalokugcwele.
Lelisu lekutfola timali kufanele lihambisane nalomsebenti wekubuka ematfuba etimbiwa lohlosiwe kanye nalesikhatsi kuloko.
Akukho kungcola nobe umonakalo etikwesimo sendzawo lokutawenteka ngenca yalomsebenti wekubuka ematfuba etimbiwa.
Lomfaki sicelo uyakhona kuhambisana neMtsetfo weTemphilo neKuphepha eTimayini.
Lomfaki sicelo akaphambani neMtsetfo weKutfutfukiswa weTimbiwa neMitfombo yeteMafutsa.
akekho lomunye umuntfu lanelilungelo lekutsengisa, lilungelo letimbiwa, incwadzimvumo yetimbiwa nobe incwadzimvumo yekugcina lomhlaba kuletimbiwa kanye nemhlaba lohlongotwako.



Nangabe ufuna imininingwane leyengetiwe, yani ku-website yeLitiko Letimbiwa Nemandla



Top

Tinyatselo lekumele tilandzelwe

Faka sicelo kulelihhovisi leMenenja Yesigodzi yeLitiko Letimbiwa Nemandla kulesigodzi lapho lomhlaba utfolakala khona.
Gcwalisa Lifomu B: Application for prospecting right , bese utfumela nako konkhe lokufunekako kuMenenja yeSigodzi yeLitiko Letimbiwa Nemandla kulesigodzi lapho lomhlaba utfolakala khona.
Lelifomu kufanele lipheleketelwe ngulemali yekufaka sicelo lefunekako lengabuyiselwa emuva.
Uma sicelo sakho samukelekile, iMenenja Yesigodzi itakucela kutsi utfumela luhlelo lwekulawulwa kwesimo sendzawo, ubese utsintsane nemnikati wemhlaba, lona lohlele kulo kanye nawo onkhe emacele latsintsekile.
Tfumela imiphumela lebhaliwe yalokuchumana kuMenenja ngekhatsi kwa-30 tinsuku 30.
Uma tonkhe letimfuneko kuhlangabetene nato, iMenenja Yesigodzi itawutfumela lesicelo kuNdvuna kute ilubuke.



Top

Imitsetfo lesebentako

Mineral and Petroleum Resources Development Act, 2002  

Mineral and Petroleum Resources Development Regulations 
Broad Based Socio Economic Empowerment Charter for the South African Mining Industry 
A Guide for a Prospecting Work Programme to be Submitted for Applications for prospecting rights in terms of the Mineral and Petroleum Resources Development Act, 2002  



Top

Emazinga ekusebenta nesikhatsi

Uma iMenenja Yesigodzi ingasimukeli sicelo sakho, kufanele akutjele ngembhalo ngekhatsi kwetinsuku letingu-14 bese ubuyisa lesicelo kuwe.
Uma sicelo sakho samukelekile, iMenenja Yesigodzi itakwatisa ngekhatsi kwetinsuku letingu-14 bese ikucela kutsi utfumela luhlelo lwekulawulwa kwesimo sendzawo, ubese utsintsane nemnikati wemhlaba, lona lohlele kulo kanye nawo onkhe emacele latsintsekile.
Tfumela imiphumela lebhaliwe yalokuchumana kuMenenja ngekhatsi kwa-30 tinsuku 30.
Uma tonkhe letimfuneko kuhlangabetene nato, iMenenja Yesigodzi kufanele atfumele lesicelo kuNdvuna kute ibuke lesicelo sakho.



Top

Tindleko

R 500.00



Top

Emafomu lagcwaliswako

Application for prospecting right 



Top

Imininingwane yekutsintsana


