﻿

Sicelo sekuba yirizefu yemaphoyisa

Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

Irizefu yemaphoyisa lilunga lemphakatsi lowenta ngalokungakagcwali  imisebenti yebuphoyisa nobe yeLuphiko Lwemisebenti Yetemaphoyisa eNingizimu Afrika  ngekuvolontiya ngaphandle kwekukhokhelwa ekwenteni leyo misebenti.

Ungaba yirizefu kusinye saletigaba letilandzelako:

Sigaba A Irizefu — Buphoyisa bekusebenta:

kwenta imisebenti kuyo yonkhe imisebenti yebuphoyisa kungaba sesiteshini, endzaweni nobe lizinga lesifundza, kodvwa hhayi imisebenti lekhetsekile
Angagcoka iyunifom
utawuceceshwa kumikhakha lefanelekile yebuphoyisa bekusebenta.

Sigaba B Irizefu — Imisebenti yekusekela:

wenta imisebenti letsite yekusebenta kulizinga lasehhovisi kuvelonkhe, lizinga lesifundza, indzawo nobe lizinga lasesiteshini kantsi futsi angeke enta imisebenti yebuphoyisa bekuphenya
akagcoki iyunifomu
lapho kudzingeke khona, kufanele baceceshwe kutincenye temtsetfo letifanelekile, tinchubomgomo nemiyalelo lesebentako kulemisebenti lekhetsekile.

Sigaba C Irizefu —Buphoyisa bekusebenta lobukhetsekile:

kufanele abe nemakhono latsite nobe lwati lolujulile langasetjentiswa ngalokuphatsekako kuMisebenti Yemaphoya, sib. Bashayeli betincolomoya, bodokotela, bantjuzi, basebenti betenhlalakahle, nobe basebenti betengcondvo.
utawenta imisebenti lekhetsekiles kulomkhakha welwati lolujulile
angahle, ngekuvunywa yikhomanda yakhe, angcoka iyunifomu
kufanele baceceshwe kutincenye temtsetfo, tinchubongomo nemiyalelo lesebentako kulemisebenti lekhetsekile letsintsekako.

Sigaba D Irizefu — Buphoyisa bemikhakha etindzaweni tasemaphandleni nasemadolobheni:

wenta imisebenti kumikhakha yekusebenta kwebuphoyisa lokuhlobene nebuphoyisa bemikhakha etindzaweni tasemaphandleni nasemadolobheni kumkhakha lotsite kulizinga lasesiteshini; nobe utawenta kuphela imisebenti etindzaweni letitsite kumkhakha lotsite njengobe kutawuncuma ikhomanda.
angagcoka iyunifomu ngekuya ngekuyisebentisa
Kufanele aceceshwe kuimikhakha lefanelekile yebuphoyisa bemikhakha nebuphoyisa bekusebenta lokuhlobene nemisebenti yakhe. Lucecesho lolungetiwe lutawufuneka uma abandzakanyeka kubuphoyisa bemikhakha tindlela tekusebenta.
Irizefu lecokwe kusinye saletigaba ingadluliselwa kunobe ngabe ngusiphi lesinye sigaba uma ahambisana nato tonkhe letimfuneko taleso sigaba lesitsite futsi alwentile nobe anenshisekelo yekungelela lolucecesho lwaleso sigaba.

Ngekusho kwetinchubomgomo teMitsetfo Yemaphoyisa Langemarizefu aseNingizimu Afrika kufalele:
sakhamuti ngalokuphelele saseNingizimu Afrika
ube lokungenani neminyaka lengu-18 bese uba ngaphansi kwa-70 yeminyaka
gcwalisa incwadzimibuto yetemphilo njengobe ibekwe nguKhomishana waVelonkhe
ungabi nekuphatamiseka engcodvweni, sifo nobe kugula lokungephatamisa lokusebenta ngalokufanele kumisebenti yakho
ube nekutiphatsa lokukahle, loku kufanele kutfolakale bufakazi lobutsembekile kuko
luhlolo loluphelele lolwentiwe ngemphumelelo kanye neluhlolo lolubekwe nguKhomishana Wavelonkhe weMaphoyisa
kufanele lokungenani ube nesitifiketi samatekuletjeni nobe sicu lesilingana naye ubuye unikete bufakazi ngemiculu
ukhone kukhuluma, kubhala nekufundza lokungenani Singisi njengelulwimi linye lelisemtsetfweni
Vumela kutsi kutsatfwe kubhala kweminwe yakho futsi kufanele ube ungakate utfolakale unelicala nobe usesengaphansi kwekushushiselwa licala
ukulungele kutsi uye kuyoceceshwa
ukulungele kutsatsa sifunga sasehhovisi
ute ema-tattoos labonakalako; futsi
ngalokuncomekako ube nelayisensi yekushayela, nanobe kungasiyo imfuneko lehamba embili kumarizefu.

Ngetulu

Tinyatselo lekumele tilandzelwe

Hamba kusiteshi semaphoyisa lesisedvute
Gcwalisa lifomu lekufaka sicelo, SAPS 93
lifomu letinchukaca ngawe 
inchubo 
incwadzimibuto yetenphilo, 
incwadzimibuto yetekuphepha, Z204 uma ungasiso sakhamuti saseNingizimu Africa
lifomu lekubuta ngekubhala kweminwe )
imvumo levela kubatali bakho nobe lona lohlala naye  uma ungaphansi kweminyaka lengu-21
Letsa lemiculu lelandzelako:

ikhophi lecinisekisiwe yamatisi wakho
ikhophi lecinisekisiwe yelayisensi yekushayela yakho, uma unayo
emakhophi lacinisekisiwe yeticu tekufundza.

Ngubani longeke acashwe njengerizefu:

umuntfu lokhishwe njengemuntfu longakalungi ngekwengcondvo ngumcashi wangaphambilini
lilunga langaphambilini leLuphiko lweMisebenti Yemaphoyisa eNingizimu Afrika lona sicelo sekubhaliswa futsi sicitsiwe
umuntfu losebenta kunobe ngabe ngusiphi sikhundla nobe sikhundla kulicembu lepolitiki
intsatseli ngalokuphelele kanye nesisebenti setemisakato
umfundzi
bonogadza
lilunga leMisebenti Yemaphoyisa Amasipala.


Ngetulu

Imitsetfo lesebentako



The South African Police Service Act, 1995  
The Regulations for the South African Reserve Police Service 

Ngetulu

Emazinga ekusebenta nesikhatsi

Uma utfolakala kutsi ufanelekile, sicelo sakho sitawumukelwa nguNkhomishana weSigodzi bese utawufungiswa. Angeke uvunyelwe kutsi wente imisebenti yebuphoyisa ngaphambi kwekutsi ucedze ngemphumelelo lucecesho lwakho. Ngemuva kwaloko, utawuniketwe sitifiketi sekucashwa ngalokusemtsetfweni.

Ngetulu

Tindleko

Lolusito lwamahhala.

Ngetulu

Emafomu lagcwaliswako

Lamafomu akatfolakali ku-website. Ucelwa kutsi utsintse lihhovisi lakho lelitiko lelidvute.

Ngetulu

Imininingwane yekutsintsana


