﻿

Kukhokha intsela yesikhashana yesibili

Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

Nangabe umuntfu utfola imali lengenako lengafanela kukhokhiswa intsela lengasiyo ye-SITE nobe ye-PAYE , loyo muntfu kumele akhokhe intsela yesikhashana yalemali lengenako. Intsela yesikhashana ikhokhwa njalo ngetinyanga letisitfupha.

Intsela yesikhashana yentelwe kuhlangabetana nemacala ebakhokhintsela etentsela ngalokuchubekako kunekutsi bakhokhe samba lesikhulu semali kanye ngemnyaka nakuhlolwa. Lentsela yesikhashana lekhokhwako itawulinganiswa nentsela yemholo yekugcina  umuntfu lekumele ayikhokhele luhlolo lolufanele lwemnyaka umnyaka lofanele weluhlolo.

Umuntfu lekumele akhokhe intsela yesikhashana kumele, kutsi ngemalanga langu-30 acale kuba ngulekumele akhokhe intsela yesikhashana, afake sicelo sekubhaliswa ngekubhala phansi, abhalele i- South African Revenue Service  Luphiko Lwemalingena LwaseNingizimu Afrika). Kwehluleka kwenta njalo kutawuholela ekukhokhisweni intalo netinhlawulo nentsela leyengetiwe ngenca yekwephuta kufaka emafomu ekukhokha intsela.

Lusuku lwekukhokha intsela yesikhashana yesibili lungetinyanga letisitfupha kusukela ekucaleni kwemnyaka wekuhlola. Kukhokhelwa kwentsela yesikhashana yekucala kumele ikhombe/kumele inceye yentsela lephelele lekhokhelwa ngemnyaka nobe lusuku lwemnyaka wekugcina wetimali lelivunyiwe.

Caphela: 

Nakuphela umnyaka wetimali wangeNdlovana kudaleka tinkinga tetimali futsi nesicinisekiso sitfolakele e-SARS sekungenisa titatimende tetetimali ngalelinye lilanga kunaleli leNdlovana, bantfu labanjalo bangaphindze bangenise emafomu entsela yesikhashana ngekuhambisana nekuphela kwemnyaka wetimali . Tonkhe timali letingenako nobe kunjalo tisala emnyakeni wekuhlola lophela mhlaka- 28/29 Indlovana.

Bala intsela yesikhashana yesibili ngalendlela lelandzelako:

samba sentsela yesikhashana yemnyaka wonkhe
susa intsela yebasebenti yemnyaka wonkhe
susa nanobe ngumaphi emakhrediti entsela yangephandle emnyaka wonkhe
susa imali leyakhokhwa kuntsela yekucala.

Ngetulu

Tinyatselo lekumele tilandzelwe

Khokha intsela yakho usebentise emafomu e-IRP6 lemisiwe, ngemalanga lancunyiwe nobe angakendluli emalanga labekiwe ekukhokha. I-SARS itawutfumela bakhokhi bentsela yesikhashana emafomu lafanele.
Letindlela letilandzelako tekufaka tingucuko ku-SARS tiyatfolakala:

Tinkhokhelo tesikhashane tingentiwa kunobe nguliphi lihhovisi leligatja le-SARS, ngeMisombuluko kuya kuLesihlanu, emkhatsini wa-08:00 na-15:30, kungafaki ekhatsi emaholide esive.
Lapho khona tinkhokhelo tentiwa ngeliposi, ngelibhangi nobe nge-ATM, sikhatsi lesanele sekuposa kanye nesikhatsi sekusebenta kumele sikhunjulwe.
Lapho khona tinkhokhelo tentiwa nge-lekthroniki, vumela tikhatsi tasebhange tekuvala nesikhatsi sekulungisa lokungatsatsa emkhatsini wemalanga lamabili kuya kulasihlanu.

Imininingwane yekubhanga:

Emakhasimende lakhokhela kukhawunda kunobe nguliphi ligatja le-ABSA, FNB, nobe i-Nedbank angeke kusadzingakala kwekutsi banikete inombolo ye-akhawundi kanye nekhodi yeligatja uma ngabe babhadala. Loku kusebenta Ngekulingana kuwo wonkhe emakhasimende e-ABSA, FNB, Nedbank, kanye ne-Standard Bank lasebentisa i-inthanethi.
Konkhe lokutawudzingakala nguloku:

inombolo yereferensi yemadigithi yekubhadala yemadijithi langu-19
i-ID yemzuzi / inombolo ye-akhawundi lehlanganiswe neluhlobo lolutsite lwentsela lwekwenta tinkhokhelo.

Lemininingwane ikhonjiswa encwadzini yekukhokhela efomini letimbuyiselo le-IRP 6.
Tinkhokhelo letingahambisani nalenombolo yerefurensi yekubhadala lophawulwe ngetulu kanye ne-ID yemzuzi angeke temukelwe.

Uma ngabe lusuku lwekugcina lwekubhadala luwela ngekhatsi kweholide yesive nobe ngemphelasontfo, inkhokhelo kumele yentiwe ngelusuku lwekugcina Lwekusebenta ngaphambi kweholide yesive nobe imphelasontfo.

Caphela:

Emafomu ema-IRP 6 esibili kumele angeniswe ngisho nobe ngabe, ngekuya kwekubala kwakho, kute intsela yesikhashana lekumele ikhokhwe.
Intsela yesibili yesikhashana kumele imiselwe emalini lengenako lengabanjelwa intsela lelinganako nalena lesisekelo nobe linani lemali langengempela lemiselwe emalini lengenako lengakhokhelwa intsela yaloyo mnyaka.
Ungakhokhiswa intsela leyengetiwe nangabe imali yakho lenganako lengabanjelwa intsela lefaniselwe ingaphansi kwa-90% yemali lengenako yangempela lengabanjelwa intsela futsi lencane kunelali lesisekelo.
Yenta siciniseko sekutsi emafomu e- IRP 6 angeniswa lelihhovisi leligatja le-SARS lelifanele singakashayi sikhatsi sekukhokha. Loku kutawenta siciniseko sekutsi sicelo sakho siyefika sisetjentwe ngesikhatsi lesifanele futsi angeke ukhokhe tinhlawulo tekukhokhela nemali leyengetiwe.
Incenye yekwatisa ngekukhokha ye-IRP 6 manje seyisekhasini lelinye. Ngako-ke lifomu lakho lingangeniswa ngekwehlukana nemali yekukhokha.
Bona i- IRP 12 Guidelines nangabe udzinga lusito nangabe ugcwalisa i-IRP 6.

Ngetulu

Imitsetfo lesebentako

Income Tax Act, 1962  — Fourth Schedule - Ishejuli Yesine

Ngetulu

Emazinga ekusebenta nesikhatsi

I-SARS ingenise ema- service standards  latawucala kusetjentiswa eminyakeni lemibili . Nawungenisa emafomu akho, I-SARS ihlose ku:

sebenta futsi ihlole-80% yemafomu entsela yemholo lagcwaliswe kahle futsi asayinwa ngemalanga langu-90 ekusebenta kusukela ngesikhatsi langene ngaso ngesikhatsi sekuphitsitela kakhulu kungeniswa emafomu  futsi nangemalanga langu-34 ekusebenta kutfolwe emafomu ngesikhatsi lesingaphitsiteli 
kusebenta emafomu e-VAT ne-PAYE ngemalanga langu-20 ekusebenta atfoliwe emafomu
Sebenta-90% wawo onkhe emafomu langeniswe nge-elektroniki ekutfumela imphahla nekungenisa imphahla futsi ngema-awa langu 4 kutfolwe emamanyuwali.

Caphela:

Caphela: nangabe ummeleli ubukene netindzaba takho tetentsela, yenta siciniseko sekutsi i-SARS iyati ngaloko. Loku kwekuvikela nekucinisekisa kutsi i-SARS ayibeki enkingeni lingasese nekutetsemba kwakho.

Ngetulu

Tindleko

Lolusito lwamahhala.

Ngetulu

Emafomu lagcwaliswako



Return for the second provisional tax paymentIRP6: Individual
Return for the second provisional tax payment IRP6: Trust
Return for the second provisional tax payment IRP6: Company or close corporation

Siliphi sekuhola kumele sihambisane nelifomu i-IRP 6.

Ngetulu

Imininingwane yekutsintsana


