﻿
Sicelo se-akhawunti yekubhanga yeMzansi

Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

I-akhawunti yeMzansi lusito loluniketwa yi-South African Post Office . Iyindlela lekahle yekufaka nekukhipha imali nobe ukhokhele tikweleti. Ungaba nesiciniseko sekutsi imali yakho iphephile.

Kute timali letikhokhelwa ngenyanga, lokugcina ku-akhawunti yakho kutawuba nematfole. Kute timali letincunyiwe, khokhela kuphela loko lokusebentisako. Awudzingi kuba nesiliphi sekuhola kute uvule uMzansi Account. Nanobe ngubani angayivula i-akhawunti, njengobe kute emazinga ekufaneleka njengekudzingeka kwemali lencane yemholo. Ungakhipha nobe ufake imali yakho nobe ukhokhele tikweleti kumagatja eliposi langetulu kwa-1300 kantsi futsi nakuma-Saswitch Automated Teller Machines langetulu kwa-8000.

Yonkhe imali lefakwako kuma-akhawunti ifakwa mahhala.

Caphela: Bantfu labancane labafuna kuvula ema-akhawunti kumele baphekeletelwe banakekeli babo labasemtsetfweni nobe batali babo.

Nangabe ufuna imininingwane leyengetiwe, yani ku-website ye-South African Post Office.

Top

Tinyatselo lekumele tilandzelwe

Nangabe ufuna kuvula i-akhawunti kumele wente loku lokulandzelako:

Yani ePosini lelidvute eNingizimu Afrika ucele teller akunikete lifomu lekufaka sicelo.
Gwalisa lelifomu lekufaka sicelo.
Khombisa matisi wakho.
Khombisa bufakazi belikheli lakho lalapho uhlala khona. Njengencenye ye-Financial Intelligence Centre Act, . Nangabe uyarenta lapho uhlala khona, kudzingeka ikhophi yesivumelwano sekucashiselana.
Bantfu labasesebancane labafuna kuvula ema-akhawunti kumele babe nebanakekeli babo labasemtsetfweni nobe batali.
Faka imali yekucala lengu-R10.

Caphela: ungenta emathranzakshini emagatjeni eliPosi langetulu kwa-1300 futsi nangetulu kwa-8000 kwema-Saswitch ATM's.

Top

Imitsetfo lesebentako

Postal Services Act, 1998  

Top

Emazinga ekusebenta nesikhatsi

Kungatsatsa emaminitsi langu-10 kuya kulangu-20, kuya ngekutsi liPosi limatasatasa kangakanani is.

Top

Tindleko

Kudzingeka linani lemali lencane lengaka-R10.

Top

Emafomu lagcwaliswako

Emafomu ekufaka sicelo ayatfolakala kuwo onkhe emaposi kuvelonkhe.

Top

Imininingwane yekutsintsana
Khuluma neMphatsi Weligatja leliPosi nobe ushayele lenombolo: 0800 53 54 55


