

Sicelo selayisensi yesikebhe sekudoba sasekhaya

Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

Sikebhe sekudoba sasekhaya, sikebhe lesibhaliswe eNingizimu Afrika futsi siniketwa i- South African Maritime Safety Authority  Safety Certificate kanye futsi neLayisensi Yesikebhe ye- Department of Environmental Affairs and Tourism  . Lesikebhe silawulwa ngalokuphelele:

ngumuntfu munye nobe labangetulu baseNingizimu Afrika
nanobe bobani labahlanganyele, inhlangano nanobe nguyiphi lenye inhlangano yebantfu lesungulwe ngekuya kwemitsetfo yeRiphabhuliki YaseNingizimu Afrika, futsi lapho khona emasheya lamanyenti nemalungelo ekuvota alawulwa bantfu baseNingizimu Afrika.

Lesikebhe sekudoba sivamise kubanetintfo letitawusetjentiselwa kudoba nome imisebenti lehambisanako. Sikebhe sifaka ekhatsi tonkhe, tintfo letisetjentiswako, tindzawo tekugcina tintfo, kwekutfutsa nemafutsa. Sikebhe sekudoba sasekhaya singaphindze futsi sifake ekhatsi nobe ngusiphi sikebhe lesisita sinye nobe tikebhe letingetulu elwandle ekwenteni nobe nguyiphi imisebenti lahambisana nekudoba. Loku kufaka ekhatsi kepha akukakhawulelwa kuloku:

kulungiselela
kuniketa
kulondvolota
kucandzisa
kutfutsa nekulungiselela
kungenela ngco imisebenti yekudoba ngekhatsi ku-Exclusive Economic Zone  nobe emantini emave emhlaba ngaphansi kwemjeka waseNingizimu Afrika.

Kute umuntfu lotawusebentisa sikebhe sekudoba nanobe ngusiphi lesinye sikebhe kusebentisa lilungelo lekufinyelela ngaphandle nangabe uniketwe imvumo, nemvumo lehambisanako nangabe umnikati walesikebhe unelilungelo lekudoba, futsi lapho khona umnikati wesikebhe ete lilungelo lekudoba kunkontileka yekusebentisa lesikebhe lesisebentako.

Ngetulu

Tinyatselo lekumele tilandzelwe

Hlelela kutsi sikebhe singenele i-SAMSA, inchubo yekuhlolwa kutsi silungele yini kuba selwandle, ngemuva kwaloko sitawukhishelwa Sitifiketi Sekuphepha.
Tfola lifomu lekufaka sicelo ku-Department of Environmental Affairs and Tourism  .
Gcwalisa lelifomu ngekubhala ungahlanganisi, ubhala ngeluhlavu lolukhulu kuphela nencwadzi yekukhutsata lapho kufanele khona.
Niketa lemininingwane lelandzelako:

ligama lesikebhe
ligama lemnikati wesikebhe
luhlobo lwemandla, budze besikebhe
emandla enjini nesisindvo lesingetfwalwa ngulesikebhe
umkhakha wekudoba sikebhe lesentelwe wona
umjeka Welive sikebhe lesibhaliswe ngaphansi kwawo .

Ngenisa sicelo Kulitiko Letesimondzawo Nekuvakasha kanye nemalungelo akho ekudoba nobe ikontileka letentiwe ngumnikati wesikebhe kusebentisa sikebhe lekukhulunywa ngaso, nangabe awusiye umnikati welilungelo lodobako.
Khombisa sikhatsi sekudoba nesicelo semkhakha wekudoba sikebhe lesentelwe kuyawusebenta khona.

Ngetulu

Imitsetfo lesebentako



The Marine Living Resources Act, 1998  

The National Environmental Management Act, 1998  

The National Biodiversity Act, 2004  

The National Marine Protected Areas Act, 2003  

The Sea Birds and Seals Protection Act, 1973  

The Sea Fishery Act, 1988  .
The International Convention for the Prevention of Pollution from Ships Act, 1986  .

Ngetulu

Emazinga ekusebenta nesikhatsi

Sicelo singatsatsa emalanga ekusebenta langu 3 nobe ngetulu, ngekuya kwekufakwa kahle kwesicelo.

Ngetulu

Tindleko

Tindleko tehlukana ngekuya kwebudze besikebhe



