﻿
Kwenta imiculu yekusebenta ibe semtsetfweni and Titifiketi Temsebentisi Lomunye
Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

Kwenta kuba semtsetfweni nobe kucinisekisa bungiwo bemiculu yinchubo yekucinisekisa kwemasayini kantsi kusho kutsi imiculu lesemtsetfweni icinisekisiwe, yavalisiswa yabuye yasayinwa ngeSitifiketi sebu-Apostille , nobe ngeSitifiketi sekuCinisekisa bungiwo bemiculu lapho emave angasiyo incenye yeSivumelwano sase-Hague.

Ligatja Lekwenta imiculu ibe semtsetfweni:

lenta imiculu yahulumende lesemtsetfweni kutsi ibe semtsetfweni uma yentiwe ngekhatsi kwaseNingizimu Afrika kutsi isetjentiswe ngaphandle kweRiphabliki yaseNingizimu Afrika ngendlela yeSitifiketi sebu-Apostille nobe Sitifiketi sekuCinisekisa bungiwo bemiculu
luniketa emakhasimende ngetinkhombandlela tekutfola emasayini lekungiwo nobe imiculu
luniketa emakhasimende imininingwane ngelucingo, liposi nobe i-email.

Laba labamele iNingizimu Afrika ngesheya kwetilwandle bangenta imiculu kutsi ibe semtsetfweni uma kuphela kwekucala yentiwe nguloMtimba lofanelekile welive langaphandle nobe Ligatja Lekwenta imiculu ibe semtsetfweni yeLiTiko leTindzaba taNgaphandle. Laba labamele iNingizimu Afrika angeke bakwati kukhipha titifiketi tebu-Apostille – bangakhipha kuphela Sitifiketi sekucinisekisa bungiwo bemiculu.

Ngetulu

Tinyatselo lekumele tilandzelwe

Kwekucala, buka kutsi nguwuphi umculu lofuna kutsi wentiwe ube semtsetfweni.
LeLigatja Lekwenta imiculu ibe semtsetfweni lingakhipha lokucinisekisa bungiwo bemiculu lokufanelekile nobe Sitifiketi sebu-Apostille ngekulandzela lemitsetfo lelandzelako:


Lomculu awukho ngetulu kwemnyaka ngebudzala.
Kufanele watise leLigatja Lekwenta imiculu ibe semtsetfweni ngalelelive lapho lomculu uyosetjentiswa khona, kute ukhone kubona kutsi sitifiketi sebu-Apostille nobe Sitifiketi seKucinisekisa bungiwo bemiculu siyafuneka.
Ngaphambi kwekutsi leLigatja Lekwenta imiculu ibe semtsetfweni ikhiphe loKucinisekisa bungiwo bemiculu lokufanelekile nobe Sitifiketi sebu-Apostille, lomculu kufanele wentiwe ube semtsetfweni yi:


Manjistreti, IManjistreti lenye nobe Lisekela leManjistreti
Mabhalane nobe Lisekela Lamabhalane weNkhantolo Lephakeme yaseNingizimu Afrika.



Tfumela lemiculu kuLigatja Lekwenta imiculu ibe semtsetfweni ngaletindlela letilandzelako:


Ungayihambisa ngekwakho - Imiculu loyihambise ngekwakho ingalandvwa kuphela uma uvete bufakazi beresiti. Umbhalo wekuvuma kutsi ifikile utawuniketwa wona ngemuva kwekutsi ungenise lemiculu yakho.
Nge-courier – i-courier itawuniketwa siliphu sekulandza, lesi lesitawufuneka uma ulandza lemiculu. Kufanele uphindze ukhokhele le-courier kutsi ibuyise lemiculu.
NgaLeliposi lelibhalisiwe nobe leliphutfumako – kufaka phakatsi imvulophu ye-A4 lapho utifakele likheli lakho, lekhokhelwe ngaphambilini  kuvumela Ligatja Lekwenta imiculu ibe semtsetfweni kubuyisa lemiculu. Incwadzi lechazako, lesho linani lemiculu lekufanele yentiwe ibe semtsetfweni, lelive lapho lokwenta kube semtsetfweni kufunakala khona, kanye netinchukaca takho letigcwele tekuchumana kufanele tipheleketele lemiculu.
NgaLomele iNingizimu Afrika ngesheya .


Lemiculu lelandzelako ayimukelwa:

Imiculu lentjintjiwe nobe lokuphrintwe kungcondvomshini
Emakhophi lacinisekisiwe esitifiketi semshado, sekutalwa, sekushona nobe sekuvunyelwa maphoyisa
Emakhophi lacinisekisiwe eTitifiketi teSimo ngekwemshado  nobe Bufakazi bekuba sakhamuti
Emakhophi lacinisekisiwe emiculu yekukhenkhetsa nobe bomatisi
Imiculu lecinisekiswe nguNkhomishana wetiFungo kutsi ngemakhophi eliciniso alemiculu mbamba. I-Notary Public kufanele iyicinisekise.

Lemiculu lelandzelako ayidzingi kutsi icinisekiswe kucala yiNkhantolo njengobe kubekiwe ngenhla, uma nje beyisayinwe ngulesiphatsimandla lesiwukhiphile:

Lesingakantjintjwa nobe lesigcwele sitifiketi sekutalwa, sitifiketi semshado kanye/nobe sekushona kanye netincwadzi letifakazela simo ngekuba sakhamuti kwalomuntfu, lokusayinwe kwabuye kwashaywa sitembu sisebenti seLitiko leTindzaba taseKhanya.
Emaphepha ekufaka umntfwana ngaphansi kwesandla sakho lasayinwe abuye ashaywa sitembu nguMabhalane weKutsatfwa kweBantfwana kuleLitiko Letebulungisa.
Imiculu yekutfumela timphahla ngaphandle lesayinwe yabuye yashaywa sitembu yi-Chamber of Commerce.
Titifiketi tetemfundvo letisayinwe tabuye tashaywa sitembu sisebenti lesinelugunya seLitiko Letemfundvo.
Titifiketi tekuvunyelwa maphoyisa letisayinwe tabuye tashaywa sitembu siKhungo seTemininingwano yeteBugebengu kuTemisebenti Yetemaphoyisa eNingizimu Afrika .
Incwadzi Yekungabi Netihibe  lesayinwe yabuye yashaywa sitembu Sisebenti seLitiko leTindzaba taseKhanya lesineligunya.
Kubhaliswa kweNkhapani lokusayinwe kwabuye kwashaywa sitembu nguMbhalisi wema-Close Corporations.
Titifiketi letishaywe sitembu tabuye tasayinwa tisebenti letineligunya teMkhandlu weMakhono neBuciko kuTemphilo.
Imiculu lephatselene nekuhanjiswa kwemfuyo, kufaka ekhatsi tilwane letingebangani bebantfu, kufanele ishaywe sitembu ibuye isayinwe sisebenti lesineligunya Lesisebenta Ngetilwane saHulumende.

Ngetulu

Imitsetfo lesebentako

The Hague Convention of 5 October 1961 
Rule 63 of The Rules of the Supreme Court of South Africa, as amended by Government Notice R.500 dated 12 March 1982 and R.801 dated 23 April 1982 
Rules of the High Court of South Africa as published in Government Notice R.277 dated 3 March 1967 

Ngetulu

Emazinga ekusebenta nesikhatsi

Emahora ekusebenta nguMsombuluko kuya kuleSihlanu, 08:30 – 12:30 
Ligatja Lekwenta imiculu ibe semtsetfweni litawuniketa satiso sekuvala semalanga lasikhombisa langasiwo liholide.

Ngetulu

Tindleko

Akukho tindleko letifunwako uma kulungiswa lemiculu.

Ngetulu

Emafomu lagcwaliswako

Akukho emafomu lekumele agcwaliswe, kodvwa veta ngaso sonkhe sikhatsi lelive lohlose kuyisebentisa khona lemiculu.

Ngetulu

Imininingwane yekutsintsana


