﻿
Kubukana nekungena emhlabeni ngaphandle kwemvumo
Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

Kokubili, umhlaba wembuso  kanye nendzawo yebantfu bangasese, kungangenwa kuyo ngalokungekho emtsetfweni.

Hulumende unemsebenti wemtsetfosisekelo wekucinisekisa – lapho kudzingeka khona futsi ngekhatsi kwemitfombo lekhona –kutsi tonkhe takhamiti tingajabulela emalungelo lasisekelo ekutfola indzawo, futsi/nobe indlu. Etimeni telikhetselo lapho khona kungenwa emhlabeni lobanti ngaphandle kwemvumo kwenteka, hulumende unemsebenti lofananako wekusita banikati bemhlaba bangasese bavikele umhlaba wabo.

Lapho khona bahlali labangene ngaphandle kwemvumo labanemalungelo lasisekelo langekho encgcupheni badzinga kukhishwa/coshwa, tiphatsimandla tahulumende letibukene nemhlaba wahulumende lotsintsekako nobe umnikati wendzawo yangasese kumele, ngaphandle kwekucitsa sikhatsi, abonane nenkantolo atfole umyalelo wekucosha ngekwemibandzela ye-Prevention of Illegal Eviction From and Unlawful Occupation of Land Act, 1998 . LoMtsetfo kwamanje usetjentiswa Litiko leTetindlu.

Bantfu  labangakwati kufinyelela emhlabeni wekulima bangatsintsana neLitiko leTekulima kute basitwe ngemhlaba lofanele wekulima. Bantfu labatimele labadzinga tindlu bangatsintsana namasipalati wendzawo nobe, uma kunesidzingo, Litiko leTetindlu leSifundza nobe laVelonkhe kute batfole lusito.

Litiko leTemhlaba litawu:

tsintsana nenkantolo litfole umyalelo wekucosha labahleti emhlabeni wembuso ngaphandle kwemvumo ngaphansi kwekulawula kwakhe, kuphela nje nangabe emalungelo lasisekelo alabahlali labangekho emtsetfweni akangeni kuloludzaba
sita bahlali labangene emhlabeni ngaphandle kwemvumo banobe ngumuphi umhlaba wahulumende nobe umhlaba wangasese labadzingako futsi labete umhlaba wekulima kute batfole kufinyelela emhlabeni lofanele wekulima
sita letinye tiphatsimandla tahulumende kutfola lomunye umhlaba lofanele walabahlali labangekho emtsetfweni labadzinga tindlu
lapho kudzingeke khona futsi lapho kunetidzingo telikhetselo, litawusita banikati betindzawo tekulima bangasese labo tindzawo tabo lekuhlalwa kuto ngaphandle kwemvumo, kususa babeke kulenye indzawo lekahle bahlali labadzinga indzawo yekulima.

Ngetulu

Tinyatselo lekumele tilandzelwe

Lapho khona kungenwe emhlabeni wangasese ngaphandle kwemvumo futsi kute timo telikhetselo letikhona, umnikati walomhlaba kumele aye enkantolo ngaphandle kwekucitsa sikhatsi kute atfole umyalelo wekubacosha ngekwemibandzela ye-Prevention of Illegal Eviction From and Unlawful Occupation of Land Act, 1998 (uMtsetfo wekuVikela Kucosha emHlabeni ngalokungekho eMtsetfweni nekuNgena eMhlabeni ngaphandle kweMvumo.
Lapho khona kungenwe kwahlalwa emhlabeni wangasese ngaphandle kwemvumo futsi kube kute timo telikhetselo letikhona, umnikati wemhlaba angaya kuLitiko leTemhlaba kute atfole lusito nangabe lesidzingo lesimacondzana nekucosha labahlali sekufinyelela emhlabeni wekulima.
Lapho khona kungenwe kwahlalwa ngaphandle kwemvumo emhlabeni wangasese futsi kube kukhona timo telikhetselo, umnikati wemhlaba angaya kumasipalati wendzawo nobe, nangabe kunesidzingo, Litiko leTetindlu lesifundza nobe lavelonkhe kute atfole lusito nangabe lesidzingo setindlu.

Ngetulu

Imitsetfo lesebentako



State Land Disposal Act, 1961  
Provision of Land and Assistance Act, 1993  
Prevention of Illegal Eviction From and Unlawful Occupation of Land Act, 1998  

Ngetulu

Emazinga ekusebenta nesikhatsi

Ekucaleni, kutawutsatsa Siphatsimandla Sekucondzisa: Public Land Support Services , ngalokungalinganiselwa emalangeni langu-14 kufuna nekutfola lomunye umhlaba lofanele. Nobe kunjalo, ngenca yekubonisana nalabatsintsekako nekuvuma kwelihhovisi lemhlaba, lenchubo ingatsatsa emkhatsini wetinyanga letimbili nobe letintsatfu kutsi icedzelwe.

Ngetulu

Tindleko

Tindleko tekutfola lomunye umhlaba lokahle tiya ngetinhlobo tetinkinga. Kubuketwa tintfo letifana nebukhulu bemphakatsi lofunelwa umhlaba kanye futsi netindleko temhlaba endzaweni letsite.

Ngetulu

Emafomu lagcwaliswako

Kute emafomu lagcwaliswako.

Ngetulu

Imininingwane yekutsintsana


