﻿
Sicelo sekubhalisa kubelekwa kwemntfwana
Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

The Birth and Death Registration Amendment Act, 1997  utsi kubelekwa kwemntfwana lophilako kumele kubikwe ngemalanga langu-30 ngemuva kwekubelekwa.

Satiso sekubelekwa kwemntfwana kumele siniketwe ngumunye webatali nobe umnakekeli losemtsetfweni kantsi futsi nangabe kute namunye walabatali nobe banakekeli labasemtsetfweni lokhona kwenta njalo, umuntfu locelwe batali nobe banakekeli labasemtsetfweni anganiketa satiso egameni labo. Lomuntfu kumele abe nemvumo yabo. Nangabe labatali bashadile, kubelekwa kwemntfwana kutawubhaliswa ngesibongo salobabe.

Ngetulu

Tinyatselo lekumele tilandzelwe

Gcwalisa form BI-24 lifomu le kunobe nguliphi lihhovisi leLitiko leTasekhaya.
Umuntfu locelwe kutsi akhiphe satiso kumele abe neligunya lelibhaliwe lekwenta njalo lekumele liphindze lifake ekhatsi tizatfu tekutsi kungani labatali bangakhoni kutifakela satiso bona ngebubona.
Nangabe umntfwana ubelekwe eveni lelingaphandle kweNingizimu Afrika kantsi futsi munye webatali bakhe waseNingizimu Afrika ngesikhatsi atalwa, lubelekwa kungatiswa ehhovisi lelincusa laseNingizimu Afrika nobe emishini nobe ngukuliphi Litiko leTasekhaya eNingizimu Afrika.
Satiso sekubelekwa lesentiwe ngemuva kwemalanga langu-30 ngemuva kwekubelekwa nangemalanga langu-30 ungakapheli umnyaka, batali nobe banakekeli labasemtsetfweni kumele banike tizatfu tekutsi kungani lokubelekwa kungazange kubikwe ngemalanga langu-30 umntfwana abelekiwe njengobe kusho umtsetfo.
Nangabe batali abakashadi kantsi bafuna kubhalisa kubelekwa futsi bafisa kubhalisa lomntfwana ngesibongo seyise, lobabe kumele atsatse umtfwalo wekuba ngubabe, akhombise esikhaleni lesiniketiwe ku-form BI-24. Lobabe kumele abekhona nakubhaliswa kubelekwa kwemntfwana.

Ngetulu

Imitsetfo lesebentako



Births and Deaths Registration Amendment Act, 1997  

Ngetulu

Emazinga ekusebenta nesikhatsi

Ticelo tingatsatsa emaviki langu-8 kuya ku-12.

Ngetulu

Tindleko

Lolusito lwamahhala.

Ngetulu

Emafomu lagcwaliswako



Application for a birth certificate, BI -154 
Notice of birth BI-24

Caphela: Lamafomu akatfolakali ku-website. Ucelwa kutsi utsintse lihhovisi lakho lelitiko lelidvute.

Ngetulu

Imininingwane yekutsintsana


