﻿

Kufaka sicelo selusito lwekumaketha ngaphandle kanye nekusisa

Inchazelo
Tinyatselo lekumele tilandzelwe
Imitsetfo lesebentako
Emazinga ekusebenta nesikhatsi
Tindleko
Emafomu lagcwaliswako
Imininingwane yekutsintsana

Inchazelo

Lesikimu selusito lwekumaketha ngaphandle kanye nekusisa  sihlose kulokunye kuncephetelisa labatsengisa ngaphandle kwalelive ngetindleko labahlangabetane nato

Ngalesikhatsi semisebenti lekuhloswe ngayo kutfutfukisa timakethe tekutsengisa ngaphandle imikhicito yaseNingizimu Afrika, kanye
Nekuheha kusisa kwangaphandle lokusha lokuta eNingizimu Afrika.

EIMA iniketa batsengisi ngaphandle lusito ngetimali kute babonise imikhicito kanye netinsita tabo kumave ngemave bese iyancedza kulenchubo yekucatsanisa kutfola imakethe kanye nekusisa kwangaphandle. Luphindze lusite kunciphisa tindleko tebatsengisi bangaphandle.

Letinsita kuhloswe ngato kuncedza lamakhasimende lalandzelako:

Bakhi bemikhicito baseNingizimu Afrika, kufaka ekhatsi emabhizinisi lamancane, lasemkhatsini nalamancane kakhulu , bantfu lebebancishwe ematfuba ngaphambilini  kanye nalamanye emabhizinisi laphetfwe bantfu labamnyama
Emabhizinisi etinsita lasimeme ngekwemiklamo, ngekuncika ekucinisekisweni yi-Export Council nobe i-TISA Sector Desk kutsi lowo mklamo utawuzuzisa lomkhakha futsi uphindze ungete lokuphatsekako kulomkhakha.
Tindlu tekuhwebelana ngekutsengisa ngaphandle taseNingizimu Afrika.
Ema-ejensi e-South African commission lamele lokungenani emabhizinisi ema-SMMEs nobe laphetfwe ema-PDI.
Imikhandlu Yekutsengisa Ngaphandle yaseNingizimu Afrika, Tinhlangano Tetimboni kanye Nemacembu Ekusebenta Labumbene.

Letinhlelo letilandzelako tiyatfolakala ngaphansi kwesikimu se-EMIA:

LUHLELO


Individual Exhibitions
Primary export market research Foreign Direct investment Research
Sector Specific Assistance
Outward Selling Trade Missions
Outward Investment Recruitment Missions
Inward Buying Trade Missions
Inward Investment Missions

Tinkhombandlela leticondzene nalowo nalowo msebenti tiyatfolakala ku-website ye-dti

Nangabe ufuna imininingwane leyengetiwe, yani ku-website yeLitiko Letekuhweba Netimboni.

Top

Tinyatselo lekumele tilandzelwe

Leyo naleyo nsita lefanelekile ye-EMIA inencwadzi yayo yetinkhombandlela, lecuketse imininingwane ngendlela, sikhatsi kanye netinzuzo letincike kulokuniketwa lokuhlukile.

Sinyatselo sekucala: Sebentisa incwadzi yetinkhombandlela

Lamafomu ekufaka ticelo kanye naletincwadzi letifanelekile tetinkhombandlela kufanele tifundzeke ndzawonye. Sicelo sitawuphumelela kuphela uma sihambelana ncamashi naletimfuneko letibekwe kule"tincwadzi tetinkhombandlela"

Fundza lemiculu ngekucophelela kute wati kahle lemitsetfo kanye netinchubo.

Sinyatselo sesibili: Gcwalisa lelifomu lekufaka sicelo

Luhla lolubanti lwemiculu lekumele itfulwe kanye nalesicelo luniketiwe. Incwadzi yetinkhombandlela nayo itawuphindze ibonise nobe ngabe nguyiphi imiculu leyengetiwe lefunekako.
Uma uletsa umniningwane lokhohlisako nobe uphatsa budlapha nobe ngabe ngusiphi sikimu seluncedvo lwe-EMIA, ungahle ushiyelwe ngaphandle elusitweni lolunye ngaphansi kwesikimu se-EMIA ye-TISA.

Sinyatselo sesitsatfu: Tfula lesicelo

Emabhizinisi angatfula ticelo letingadluli kuletisitfupha ngemnyaka, ngekulinganiselwa kuticelo letine ngesikimu ngasinye. Nobe ngabe ngukuphi kuhluka kuloku kufanele kugunyatwe yiMenenja lesetulu ye-EMIA.
Emafomu ekufaka ticelo lagcwaliswe kahle kufanele atfulwe ngesikhatsi lesitsite kuleyo naleyo nsita ye-EMIA.
Ticelo letifike emuva kwesikhatsi kanye naletingakapheleli angeke tibukwe.

Sinyatselo sesine: Kubukwa kwalesicelo

I-EMIA itakutfumelela incwadzi yekuvuma kutfola sicelo ngekhatsi kwemahora ekusebenta langu-48 ngemuva kwekutfola lesicelo sakho. Lencwadzi yekuvuma kutfola sicelo kufanele ifakwe kuko konkhe kuchumana kwakho ne-EMIA.
Uma sicelo sakho siphelele kanye nayo yonkhe lemiculu yekusekela lefunekako futsi sibuye sihambelane nalendlela lebekiwe yekuphumelelisa, singabese siyabukwa kutsi singaphumeleliswa yini.

Sinyatselo sesihlanu: Kuphumenyeleliswa nobe kucitfwa kwalesicelo

I-EMIA itakwatisa kutsi ngabe lesicelo samukelwe nobe sicitsiwe ngekhatsi kwemahora langu-48 ngemuva kwekuba sincumo sekugcina sesikhishiwe.
Ticelo angeke tiphunyeleliswe ngemlomo. Kufanele ucinisekise kutsi unencwadzi lesho loko ngaphambi kwekutsi uhambe.
Ikhophi leyatisa lokuphunyeleliswa kufanele ipheleketele konkhe kuchumana lokutako kanye nekutfulwa kwemiculu leyengetiwe ku-EMIA. Uma i-EMIA itfola kuchumana nobe imiculu lengafaki ekhatsi lesatiso sekuphunyeleliswa, i-EMIA angeke itfolwe inelicala uma lemiculu ilahleka nobe ibekwa kabi. Uma lemiculu ilahleka nobe ibekwa kabi kungahle kukhinyabete nobe kubambelele lenchubo yehlela.

Uma sicelo seluncedvo siphumelele, lifomu lekufaka simangalo le-EMIA, yonkhe imiculu yekusekela kanye naloluhlamibuto lofanele kufanele kugcwaliswe bese kutfunyelwa ku- EMIA ngekhatsi kwetinyanga letintsatfu lwalolusuku lokubuya kuloluhambo loluphunyelelisiwe lwebhizinisi.

Uma tintfo nobe imiculu lephatselene nalesimangalo kungakapheleli ngemuva kwetinyanga letintsatfu, lesimangalo sitawucitfwa.

i-EMIA itakwatisa ngekuphumelelisa kwayo ngekhatsi kwetinsuku tekusebenta letingu-20 ngemuva kwekutsi simangalo sesifakiwe ku-EMIA.

Top

Imitsetfo lesebentako

International Trade Adminstration Act, 2002  

Top

Emazinga ekusebenta nesikhatsi

Emazinga ekusebenta nesikhatsi kuyehluka ngekuya ngaleyo naleyo nsita.

Top

Tindleko

Lolusito lwamahhala
Tinkhapani kanye nabosomabhizinisi labatimele kufanele baletse titifiketi tentsela letisebentako kute tizuze kulesikimu. Ngaloko, intsela yakho kufanele ibe sesimeni lesifanele .

Top

Emafomu lagcwaliswako

Uyacelwa kutsi ubuke kule-website ye-dti. Leyo naleyo nsita inelifomu lekufaka sicelo yalo kanye netinkhombandlela. Emafomu esimangalo nawo ayatfolakala kutinsita letihlukene.

Top

Imininingwane yekutsintsana




